டெல்லியின் ஜந்தர் மந்தர் பகுதியில் தொடங்கிய நீட் தேர்வு எதிர்ப்பு போராட்டம் நாடு முழுவதும் பரவி வரும் நிலையில், தமிழகமும் அதற்கு வலுவான ஆதரவைத் தெரிவித்து வருகிறது. 2026-ம் ஆண்டு நீட் தேர்வில் ஏற்பட்ட பேப்பர் லீக் சர்ச்சை, மாணவர்களிடையே பெரும் அதிர்ச்சியை ஏற்படுத்தியுள்ளது. இதனால் மருத்துவக் கல்வியில் நியாயமும் வெளிப்படைத்தன்மையும் இல்லை என்கிற கோரிக்கை வலுப்பெற்றுள்ளது. தமிழகத்தில் நீட் தேர்வுக்கு எதிரான எதிர்ப்பு பல ஆண்டுகளாக இருந்து வரும் நிலையில், டெல்லி போராட்டம் புதிய உத்வேகத்தை அளித்துள்ளது

சென்னை தியாகராய நகரில் உள்ள சிபிஐ மாநில அலுவலகத்தில் நடைபெறும் போராட்டம் தமிழக எதிர்ப்பின் மையமாக மாறியுள்ளது. டெல்லியில் நடைபெறும் மாணவர்கள் மற்றும் இளைஞர்களின் உண்ணாவிரதம், போராட்டங்களுக்கு ஆதரவாக இங்கு மாணவர்கள், இளைஞர்கள், அரசியல் தலைவர்கள், திரைப்பட பிரபலங்கள் உள்ளிட்ட பல்வேறு தரப்பினர் தொடர்ந்து குரல் கொடுத்து வருகின்றனர். நூற்றுக்கணக்கான மாணவர்கள் தினசரி இங்கு திரண்டு, நீட் ஒழிப்பு, கல்வி அமைச்சர் தர்மேந்திர பிரதான் ராஜினாமா, டெல்லி போராட்டக்காரர்கள் மீதான போலீஸ் நடவடிக்கை ஆகியவற்றுக்கு எதிராக கோஷங்களை எழுப்புகின்றனர். 

இந்த நிலையில், சென்னை தியாகராய நகரில் நடைபெறும் நீட் எதிர்ப்பு போராட்டத்தில் நாடாளுமன்ற உறுப்பினர் கனிமொழி கலந்து கொண்டார். மாணவர்களின் போராட்டத்திற்கு டெல்லிக்குச் சென்று தனது ஆதரவை தெரிவித்திருந்த கனிமொழி தற்போது சென்னையில் நடைபெறும் போராட்டத்தில் பங்கேற்றுள்ளார்.

இதையும் படிங்க: மாணவர்கள் படிக்க சிறந்த நகரங்கள் பட்டியல் வெளியீடு... பெங்களூரு, மும்பையுடன் போட்டி போடும் சென்னை!

தொடர்ந்து செய்தியாளர்களை சந்தித்து பேசிய நாடாளுமன்ற உறுப்பினர் கனிமொழி, டெல்லியில் ஏற்பட்டுள்ள நிலைமை தான் தமிழகத்திலும் ஏற்பட்டு இருக்கிறது என குற்றம் சாட்டினார். கட்சி அலுவலகத்தில் மாணவர்கள் போராடும் நிலை தான் தமிழகத்தில் இருப்பதாக கூறியுள்ளார். நீட் தேர்வுக்கு எதிராக தமிழகத்தில் போராடிய மாணவர்கள் தாக்கப்பட்டு இருப்பதாகவும் குற்றம் சாட்டினார். 

இதையும் படிங்க: விடிந்ததுமே குட்நியூஸ்...!! - சென்னை ட்ராபிக் இனி பாதியாக குறையப்போகுது... டெல்லியில் இருந்து பறந்த வந்த உத்தரவு...!