ஜி7 உச்சி மாநாட்டில் பங்கேற்ற பிரதமர் நரேந்திர மோடி, அமெரிக்க அதிபர் டொனால்ட் டிரம்பை சந்தித்து பேசியது அரசியல் வட்டாரத்தில் விவாதத்தை ஏற்படுத்தியுள்ளது. இந்த சந்திப்பை காங்கிரஸ் கட்சி விமர்சித்த நிலையில், அக்கட்சியின் மூத்த தலைவர் சசி தரூர் தெரிவித்த கருத்து புதிய சர்ச்சையை கிளப்பியுள்ளது.
மோடி - டிரம்ப் சந்திப்பின் போது, ஓமன் வளைகுடா பகுதியில் இந்திய மாலுமிகள் உயிரிழந்த சம்பவம் குறித்து இந்தியாவின் கவலைகளை பிரதமர் முன்வைக்கவில்லை என காங்கிரஸ் கேள்வி எழுப்பியது. மேலும், இந்த விவகாரத்தில் அமெரிக்காவிடம் விளக்கம் மற்றும் பொறுப்புணர்வு கோரியிருக்க வேண்டும் என்றும் அக்கட்சி தெரிவித்தது.
ஆனால், இதற்கு மாறாக கருத்து தெரிவித்த சசி தரூர், இந்தியாவின் நிலைப்பாட்டை பிரதமர் மோடி ஏற்கனவே தெளிவாக வெளிப்படுத்தியுள்ளதாக கூறினார். பொதுமக்கள் மற்றும் வர்த்தகக் கப்பல்களில் பணியாற்றும் மாலுமிகள் போரின் இலக்காக மாறக்கூடாது என்பதே முக்கியமான செய்தி என அவர் வலியுறுத்தினார்.
இதையும் படிங்க: மோடியிடம் மெலோனி சொன்ன ரகசிய வார்த்தை! மைக்கில் பதிவாகி வைரல்!! FAMOUS COUPLE!!
மேலும், இந்திய மாலுமிகளின் பாதுகாப்பு குறித்து இந்தியா தனது கவலையை வெளிப்படுத்தியுள்ளதாகவும், பிரச்சினைகளை தீர்க்க மாற்று வழிகளை நாட வேண்டும் தவிர, அப்பாவி உயிர்கள் பாதிக்கப்படக் கூடாது என்றும் சசி தரூர் தெரிவித்தார்.
சசி தரூர் பிரதமர் மோடி அல்லது மத்திய அரசின் சில நடவடிக்கைகளை பாராட்டி பேசுவது இது முதல் முறை அல்ல. கடந்த சில ஆண்டுகளாக பல்வேறு தேசிய மற்றும் வெளிநாட்டு கொள்கை விவகாரங்களில் அவர் எடுத்துள்ள நிலைப்பாடுகள் காங்கிரஸ் கட்சிக்குள் விவாதங்களை ஏற்படுத்தியுள்ளன.
இதற்கிடையில், சசி தரூரின் கருத்தை வரவேற்றுள்ள பாஜக, தேசிய நலன் தொடர்பான விஷயங்களில் பிரதமர் மோடியின் அணுகுமுறைக்கு எதிர்க்கட்சிகளுக்குள்ளும் ஆதரவு இருப்பதாக தெரிவித்துள்ளது. பாஜக தரப்பில் வெளியிடப்பட்ட அறிக்கையில், நாட்டின் நலனை முன்னிறுத்தும் விவகாரங்களில் அரசியல் வேறுபாடுகளை தாண்டி அணுக வேண்டும் என கூறப்பட்டுள்ளது.
மோடி - டிரம்ப் சந்திப்பை தொடர்ந்து காங்கிரஸ் மற்றும் பாஜக இடையே அரசியல் விவாதம் தீவிரமடைந்துள்ள நிலையில், சசி தரூரின் கருத்து தேசிய அரசியலில் புதிய கவனத்தை ஈர்த்துள்ளது.
இதையும் படிங்க: சப்தமில்லாமல் மோடி நிகழ்த்திய மற்றொரு சாதனை! முதல்வர் முதல் பிரதமர் வரை! முதலிடத்தில் தொடரும் மோடி!