தமிழகத்தில் கோடை வெயில் வாட்டி வதைத்து வந்தது. இந்த நிலையில் கடந்த இரண்டு நாட்களாக பரவலாக மழை பெய்து வருவது மக்களுக்கு சற்று நிம்மதியை ஏற்படுத்தி உள்ளது. இதனால் வெயிலின் தாக்கம் குறைந்ததால் மக்கள் மகிழ்ச்சியில் உள்ளனர். கோடை வெயில் தொடங்கியதில் இருந்து தமிழ்நாட்டில் உள்ள தங்களை மக்கள் கடும் சிரமத்திற்கு ஆளாகினர்.

பல மாவட்டங்களில் சதம் அடித்தது வெயில். தொடர்ந்து இந்த மாதம் வெப்பநிலை அதிகரிக்கும் என்று மக்கள் அச்சத்தில் இருந்த நிலையில் வானிலையில் திடீர் மாற்றம் ஏற்பட்டுள்ளது. தென்கிழக்கு அரபிக்கடல் மற்றும் தெற்கு கேரளா பகுதிகளில் மேல் ஒரு வளிமண்டல கீழடுக்கு சுழற்சி நிலவுகிறது.

இதையும் படிங்க: இன்றும், நாளையும் வெளுத்து வாங்கப் போகும் கனமழை... எங்கெல்லாம் தெரியுமா? 

இதன் காரணமாக தென் மாவட்டங்களில் அநேக இடங்களில் மழை பெய்து வருகிறது. குறிப்பாக கோவை, திருப்பூர், நீலகிரி, ஈரோடு, தேனி, திண்டுக்கல், தென்காசி, திருநெல்வேலி, கன்னியாகுமரி, விருதுநகர் உள்ளிட்ட சில மாவட்டங்களில் இன்றும், நாளையும் கனமழை பெய்யும் என்று வானிலை மையம் தெரிவித்துள்ளது. மேலும் தமிழகத்தின் ஒரு மாவட்டங்களில் வரும் இருபதாம் தேதி வரை கோடை மழைக்கு வாய்ப்புள்ளதாகவும் தெரிவிக்கப்பட்டுள்ளது.

தற்போது பரவலாக பெய்து வரும் கோடை மழை தொடர்பாக தனியார் வானிலை ஆய்வாளர் பிரதீப் ஜான் கூறுகையில், தென் தமிழகத்திலும் டெல்டா மாவட்டங்களிலும் வரும் 20ஆம் தேதி வரை கோடை மணிக்கு வாய்ப்பு உள்ளதாகவும் இன்றும் நாளையும் கனமழை பெய்யக்கூடும் என்றும் தெரிவித்துள்ளார். மேலடுக்கு சுழற்சி ஒன்று உருவாகும் சூழல் ஏற்பட்டுவதால் தமிழகத்தில் அடுத்த சில நாட்களுக்கு மழைக்கு வாய்ப்புள்ளதாக கூறியுள்ளார்.

சென்னை உள்ளிட்ட கடலோர மாவட்டங்களில் அதிக அளவில் மழை இருக்காது என்றும் ஆனால் மற்ற மாவட்டங்களில் பரவலாக மழை பெய்யக்கூடும் என்றும் கூறினார். கடந்த ஆண்டு ஏப்ரல் மாதம் வெப்ப அலை இருந்த நிலையில் வெப்பத்தின் தாக்கம் அதிகமாக உணரப்பட்டதாகவும் ஆனால் இந்த ஆண்டு அதுபோல வெப்பத்தின் தாக்கம் இருக்காது என்றும் பரவலாக மழை பெய்யும் என்பதால் வெயிலின் தாக்கம் குறையும் என்றும் கூறியுள்ளார்.  இதனிடையே, வெயில் வறுத்தெடுக்கும் என்று பயத்தில் இருந்த மக்களுக்கு கோடை மழை பெறும் கொடையாக அமைந்துள்ளது.

இதையும் படிங்க: அடுத்த 3 மணி நேரத்தில் ஷாக்..பொளந்து கட்டப்போகும் கனமழை...!