தமிழக அரசியல் களம் 2026 சட்டமன்றத் தேர்தலை நோக்கி சூடுபிடித்துள்ள நிலையில், தமிழக வெற்றிக் கழகம் (TVK) குறித்த ஒரு அதிரடித் தகவலை அக்கட்சியின் நிர்வாகக் குழு தலைமை ஒருங்கிணைப்பாளர் செங்கோட்டையன் வெளியிட்டுள்ளார். ஈரோட்டில் நடைபெற்ற கட்சி நிர்வாகிகளுக்கான செயல்வீரர் கூட்டத்தில் பங்கேற்ற அவர், அரசியல் வட்டாரங்களை உற்றுநோக்க வைக்கும் வகையில் ஒரு 'சஸ்பென்ஸ்' தகவலைப் பகிர்ந்து கொண்டார்.
செய்தியாளர்களிடம் பேசிய செங்கோட்டையன், தற்போது அமெரிக்காவில் இருக்கும் ஒரு மிக முக்கியமான நபர், தமிழக வெற்றிக் கழகத்தில் இணைய உள்ளார். அவர் சாதாரண ஆள் இல்லை, ஒரு 'டாப் ரோலில்' (Top Role) இருப்பவர். அவரது பெயரை இப்போது சொன்னால் நன்றாக இருக்காது" எனக் கூறி அரசியலில் பெரும் எதிர்பார்ப்பைக் கிளப்பியுள்ளார்.
நாளை தமிழகத்தை ஆளப்போவது மட்டுமின்றி, வரும் 2026-ஆம் ஆண்டு கோட்டையில் தேசியக் கொடியை ஏற்றி வீறுநடை போடப்போகிறவர் நமது தளபதி விஜய் தான் எனத் தொண்டர்களிடையே உற்சாகமாகப் பேசினார்.
இதையும் படிங்க: திருமணத்திற்கு புறம்பான உறவுதான் காரணம்...! விஜய் விவாகரத்து வழக்கில் சங்கீதாவின் பகீர் குற்றச்சாட்டுகள்!
தமிழக வெற்றிக் கழகத்தின் தேர்தல் அறிக்கை மிக விரைவில் வெளியிடப்படும் எனத் தெரிவித்த அவர், வரும் சட்டமன்றத் தேர்தலில் த.வெ.க-வின் வெற்றி வாய்ப்பு எப்படி இருக்கும் என்ற கேள்விக்கு, "சிங்கக்குட்டிகள் சீறிப்பாயும்!" எனத் தனது பாணியில் பதிலளித்தார்.
ஈரோட்டில் உள்ள ஜனனி திருமண மண்டபத்தில் நடைபெற்ற இந்த மாவட்ட அளவிலான கூட்டத்தில், ஆயிரக்கணக்கான நிர்வாகிகள் கலந்துகொண்டு தளபதி விஜய்யின் அரசியல் நகர்வுகளுக்கு ஆதரவாகச் சூளுரைத்தனர். தமிழக வெற்றிக் கழகத்தில் இணையப்போகும் அந்த 'முக்கிய' நபர் யார் என்பது குறித்த விவாதங்கள் தற்போது சமூக வலைதளங்களில் ட்ரெண்டாகி வருகின்றன.
இதையும் படிங்க: விஜய் உட்பட தவெக வேட்பாளர்கள் அனைவரும் டெபாசிட் இழப்பார்கள்! அர்ஜுன் சம்பத் ஆவேச பேட்டி!