பெரம்பூர் சட்டமன்றத் தொகுதியில் தமிழக வெற்றிக் கழக தலைவர் விஜயை எதிர்த்து திராவிட முன்னேற்றக் கழகம் சார்பில் போட்டியிடும் வேட்பாளராக ஆர்.டி.சேகர் வேட்பு மனு தாக்கல் செய்திருப்பது தமிழ்நாடு சட்டமன்றத் தேர்தல் 2026-இன் முக்கிய நிகழ்வுகளில் ஒன்றாக அமைந்துள்ளது. சென்னை வடக்குப் பகுதியில் அமைந்துள்ள பெரம்பூர் தொகுதி பாரம்பரியமாக திமுகவின் கோட்டையாகக் கருதப்படும் இடம். இங்கு தற்போதைய எம்எல்ஏவான ஆர்.டி.சேகர் மீண்டும் திமுக சார்பில் களமிறக்கப்பட்டுள்ளார்.
ஆர்.டி.சேகர் 2019-ஆம் ஆண்டு பெரம்பூர் தொகுதியில் நடைபெற்ற இடைத்தேர்தலில் திமுக வேட்பாளராகப் போட்டியிட்டு வெற்றி பெற்றார். அதனைத் தொடர்ந்து 2021 சட்டமன்றத் தேர்தலிலும் அவர் அதே தொகுதியில் போட்டியிட்டு, அதிமுக வேட்பாளர் என்.ஆர்.தனபாலனை விட சுமார் 54,487 வாக்குகள் வித்தியாசத்தில் பெரும் வெற்றி பெற்றார். அப்போது அவர் ஒரு லட்சத்திற்கும் மேற்பட்ட வாக்குகளைப் பெற்றிருந்தார்.
இந்த இரு வெற்றிகளும் அவரை தொகுதியின் வலுவான அடையாளமாக மாற்றியுள்ளன. திமுகவின் வேட்பாளர் பட்டியலை வெளியிட்டபோது, விஜய் போட்டியிடக்கூடிய என்ற எதிர்பார்ப்பு இருந்த பெரம்பூரில் சேகருக்கே மீண்டும் வாய்ப்பு அளிக்கப்பட்டது. இது திமுக தனது பாரம்பரிய தொகுதியை விட்டுக்கொடுக்காமல் உறுதியாக நின்று போட்டியிடும் முடிவை எடுத்ததைக் காட்டுகிறது.
இதையும் படிங்க: அரசு கஜானாவை ஏடிஎம் ஆக பயன்படுத்தும் திமுக... பணம் எங்க போச்சு முதல்வரே..? பியூஷ் கோயல் சரமாரி கேள்வி..!!
தவெக தலைவர் விஜய் தனது அரசியல் அறிமுகத்திற்காக பெரம்பூர் மற்றும் திருச்சி கிழக்கு ஆகிய இரு தொகுதிகளிலும் போட்டியிடுவதாக அறிவித்தார். மார்ச் 30 அன்று பெரம்பூர் தொகுதிக்கான வேட்பு மனுவை வியாசர்பாடி அம்பேத்கர் கல்லூரியில் அமைக்கப்பட்டிருந்த தேர்தல் அலுவலகத்தில் விஜய் தாக்கல் செய்தார். இந்த நிலையில் ஆர்.டி. சேகர் தனது வேட்பு மனுவை தாக்கல் செய்துள்ளார். பெரம்பூர் தொகுதியில் மீண்டும் திமுக கொடி பறக்குமா? அல்லது விஜய் பக்கம் காற்று வீசுமா என்ற சஸ்பென்சுக்கு தீர்வு தேர்தல் முடிவில் தான் தெரியவரும்.
இதையும் படிங்க: அனிதா ராதாகிருஷ்ணனை விரட்டி அடித்த மக்கள்... வாக்குறுதியை நிறைவேற்றவில்லை என ஆவேசம்..!!