மேற்கு வங்காளத்தில் 2026 சட்டமன்றத் தேர்தல் இரு கட்டங்களாக ஏப்ரல் 23 மற்றும் ஏப்ரல் 29 ஆகிய தேதிகளில் நடைபெற்றது. மொத்தம் 294 தொகுதிகளுக்கு இந்தத் தேர்தல் நடைபெற்ற நிலையில், வாக்கு எண்ணிக்கை மே 4, 2026 அன்று காலை 8 மணிக்கு தொடங்க உள்ளது. இது தமிழகம், அசாம், கேரளா, புதுச்சேரி உள்ளிட்ட பல மாநிலத் தேர்தல் முடிவுகளுடன் ஒரே நாளில் அறிவிக்கப்படும்.

இந்தத் தேர்தலில் சுமார் 6.81 கோடி முதல் 7 கோடிக்கும் மேற்பட்ட வாக்காளர்கள் பங்கேற்றனர். மொத்த வாக்குப்பதிவு சதவீதம் வரலாற்று உயர்வாக 92.93 சதவீதம் பதிவானது. இது 2011 தேர்தலைவிட அதிகம். முதல் கட்டத்தில் 152 தொகுதிகளும், இரண்டாவது கட்டத்தில் 142 தொகுதிகளும் வாக்குப் பதிவு செய்யப்பட்டன.

தற்போதைய முதலமைச்சர் மமதா பானர்ஜி தலைமையிலான திரிணமூல் காங்கிரஸ் (TMC) நான்காவது முறையாக ஆட்சியைத் தக்க வைக்க முயற்சிக்கிறது. 2021 தேர்தலில் TMC பெரும்பான்மையுடன் வெற்றி பெற்றது. 

இதையும் படிங்க: அதிகரித்த வாக்குப்பதிவு சதவீதம்..! பெருமையா இருக்கு..! உச்சநீதிமன்றம் பாராட்டு..!

மேற்கு வங்காளத்தில் 2026 சட்டமன்றத் தேர்தலுக்கான வாக்கு எண்ணிக்கை மே 4 அன்று நடைபெற உள்ள நிலையில், எண்ணிக்கை மையங்களில் மேற்பார்வையாளர்கள் மற்றும் உதவியாளர்களை நியமிப்பது தொடர்பாக பெரும் சர்ச்சை எழுந்தது. திரிணாமுல் காங்கிரஸ் கட்சி, தேர்தல் ஆணையத்தின் முடிவை எதிர்த்து உச்ச நீதிமன்றத்தை நாடியது. இந்த வழக்கை விசாரித்த உச்சநீதிமன்றம், மேற்குவங்கத்தில் வாக்கு எண்ணும் பணியில் மாநில அரசு ஊழியர்களையும் மேற்பார்வையாளர்களாக நியமிக்குமாறு தேர்தல் ஆணையத்திற்கு உத்தரவு பிறப்பித்தது. 

இதையும் படிங்க: தேர்தலை நடத்துபவர்களுக்கே வாக்குரிமை இல்லை.. சுப்ரீம் கோர்ட்டில் அதிகாரிகள் முறையீடு..!