தமிழகச் சட்டமன்றக் கூட்டத்தொடரில் முதலமைச்சர் விஜய் ஆற்றிய உரைக்கு, அதிமுகவின் மூத்த தலைவரும் முன்னாள் அமைச்சருமான டி.ஜெயக்குமார் தனது அசாத்திய பாணியில் அனல் பறக்கும் கண்டனங்களையும், கடுமையான அரசியல் பஞ்ச் வசனங்களையும் முன்வைத்துள்ளார்.

அரசியல் அரங்கில் தற்காலிகமாகப் பெரும் சுறுசுறுப்பைக் கிளப்பியுள்ள முதலமைச்சரின் உரை குறித்துப் பேசிய அதிமுக ஜெயக்குமார், 'சார் நான் ஒரு ஆக்ஷன் பண்ணிக்கலாமா? என்று கேட்கும் சினிமா பாணியிலேயே தற்போதைய முதலமைச்சரின் செயல்பாடுகள் அமைந்துள்ளன. 

அவரது முதல் திரைப்படமான நாளைய தீர்ப்பு தொடங்கி, இன்று மக்களின் தீர்ப்பால் அவர் தற்செயலாக முதலமைச்சரானது வரை திரு. விஜய் அவர்களின் நடிப்புத் திறன் மிக நன்றாகவே வளர்ந்துள்ளது, அதற்கு எனது வாழ்த்துகள்! ஆனால், மக்கள் பிரசினைகளைப் பேச வேண்டிய புனிதமான சட்டமன்றத்தில், தொடர்ந்து பஞ்ச் டயலாக் பேசுவதும், விசில் அடிப்பதும், குட்டிக்கதை சொல்வதுமாகச் சட்டமன்றத்தையே ஒரு சினிமா ஷூட்டிங் ஸ்பாட் போல மாற்றுவது ஒட்டுமொத்த தமிழ்நாட்டிற்கும் நல்லதல்ல என்று மிகக் காரசாரமாகச் சாடினார்.மேலும், முதலமைச்சரின் பேச்சுக்கு அசாத்திய பதிலடி கொடுத்த அவர், 5 நிமிஷம் பேசுனதுக்கே என்னாச்சு தெரியும்ல என்று சட்டமன்றத்தில் பஞ்ச் டயலாக் அடிக்கும் முதலமைச்சர் அவர்களே, அதையேதான் நாங்களும் உங்களிடம் திருப்பிச் சொல்கிறோம். 

இதையும் படிங்க: துரைமுருகன் மனு மீதான தீர்ப்பு தள்ளிவைப்பு! சென்னை உயர் நீதிமன்றம் உத்தரவு!

தமிழகத்தில் தற்பொழுது நிலவி வரும் தொடர் மின்வெட்டு, விவசாயிகளின் தீர்க்கப்படாத பிரசினைகள், பெண்களுக்கு எதிரான பாலியல் வன்கொடுமைகள், ஒட்டுமொத்த சட்ட ஒழுங்கு சீர்கேடு மற்றும் நீங்கள் தேர்தலின் போது அள்ளி வீசிய வெற்று வாக்குறுதிகள் பற்றியோ உங்களால் ஒரு 5 நிமிஷமாச்சு இந்தச் சட்டமன்றத்தில் உருப்படியாகப் பேச முடிந்ததா? எனவே, இனிமேலாவது சமூக வலைத்தள ரீல்ஸ்களை விட்டுவிட்டு, தமிழ்நாட்டின் எதார்த்தமான ரியாலிட்டிக்கு முதலமைச்சர் விஜய் வர வேண்டும் என்று ஆக்ரோஷமாகத் தெரிவித்தார். 2026 சட்டமன்றக் கூட்டத்தொடரில் அதிமுகவின் இந்த விஸ்வரூபத் தாக்குதல் தவெக அரசுக்குக் களத்தில் பெரும் முட்டுக்கட்டையை ஏற்படுத்தியுள்ளது.

இதையும் படிங்க: திறந்தவெளிக் கிடங்குகளில் வீணாகும் நெல் மூட்டைகள்: த.வெ.க. இபிஎஸ் கண்டனம்!