திருப்பரங்குன்றம் கோயில் மலையில் கார்த்திகை தீபம் ஏற்றப் பக்தர்களைத் தடுத்ததற்கும், பா.ஜ.க. மாநிலத் தலைவர் நயினார் நாகேந்திரன் உள்ளிட்டோர் கைது செய்யப்பட்டதற்கும் பா.ஜ.க. மாநிலத் தலைவர் அண்ணாமலை அவர்கள் கடும் கண்டனம் தெரிவித்துள்ளார். நீதிமன்ற உத்தரவைத் தி.மு.க. அரசு வேண்டுமென்றே அவமதித்ததாக அவர் குற்றம் சாட்டியுள்ளார்.

இந்து விரோத தி.மு.க. அரசு, திருப்பரங்குன்றம் கோயில் மலையில் புனிதமான கார்த்திகை தீபத்தை ஏற்ற பக்தர்களைத் தடுப்பதன் மூலம், நீதிமன்ற உத்தரவை மீண்டும் ஒருமுறை வேண்டுமென்றே மீறியுள்ளது. நீதிமன்றத்தின் வழிகாட்டுதலை நிலைநிறுத்தி, பாரம்பரியத்தைக் காக்க அமைதியான முறையில் முயன்ற பா.ஜ.க. மாநிலத் தலைவர் திரு. நயினார் நாகேந்திரன், மூத்த தலைவர் திரு. ஹெச். ராஜா, மற்றும் பிற நிர்வாகிகள் கைது செய்யப்பட்டதற்கு, தமிழக காவல்துறைக்குக் கடும் கண்டனம் தெரிவிப்பதாக அண்ணாமலை குறிப்பிட்டுள்ளார்.

மதிப்பிற்குரிய நீதிமன்றத்தால் 144 தடை உத்தரவு ஏற்கனவே ரத்து செய்யப்பட்ட நிலையிலும், தி.மு.க. ஆட்சியில் தொடர்ந்து தடை ஏற்படுத்துவது, நீதித்துறை அதிகாரத்தை வெளிப்படையாக அவமதிப்பதாகும். கைது செய்யப்பட்ட அனைவரையும் உடனடியாக விடுவிக்க வேண்டும் என்றும், இந்து விரோத தி.மு.க. அரசு எந்தவித மீறலுமின்றி நீதிமன்றத்தின் உத்தரவுகளை அமல்படுத்த வேண்டும்" என்றும் அவர் வலியுறுத்தியுள்ளார்.

இதையும் படிங்க: "படிப்பது ராமாயணம், இடிப்பது பெருமாள் கோயில்!" திமுகவை வறுத்தெடுத்த நயினார் நாகேந்திரன்!

பா.ஜ.க. மாநிலத் தலைவர் அண்ணாமலையின் இந்தக் கண்டனம், நீதிமன்ற உத்தரவு மற்றும் பக்தர்களின் உரிமை தொடர்பாக அரசியல் வட்டாரத்தில் மீண்டும் சர்ச்சையை ஏற்படுத்தியுள்ளது. 

இதையும் படிங்க: மதுரையில் ரோட்டையும், மேயரையும் முதல்வர் கண்டுபிடிக்கணும்! - ஆர்.பி.உதயகுமார் கோரிக்கை!