தனியார் பள்ளிகளுக்கு நிரந்தர அங்கீகாரம், தர உயர்வு, கட்டிடத் திட்ட அனுமதி உள்ளிட்ட அரசு அனுமதிகளைப் பெற்றுத் தருவதாகக் கூறி தமிழகம் முழுவதும் உள்ள பல தனியார் பள்ளி நிர்வாகங்களிடமிருந்து பெருமளவு பணம் வசூலித்ததாகக் குற்றஞ்சாட்டப்பட்ட விவகாரத்தில் முக்கிய நபரான பி.டி.அரசகுமார் தொடர்பான இடங்களில் சோதனை நடவடிக்கைகள் நிறைவு பெற்றுள்ளன. இந்த மோசடி வழக்கில் அவர் உள்ளிட்டோர் மீது சென்னை மத்திய குற்றப்பிரிவு காவல்துறையினர் தீவிர விசாரணை மேற்கொண்டு வருகின்றனர்.

சென்னை சாலிகிராமத்தைச் சேர்ந்த 59 வயதான பி.டி.அரசகுமார், பதிவு செய்யப்படாத ‘தமிழ்நாடு தனியார் பள்ளிகள் சங்கம்’ என்ற அமைப்பின் நிறுவனர் தலைவராகச் செயல்பட்டு வந்தார். தனக்கு அரசியல் மற்றும் அதிகார வட்டாரங்களில் செல்வாக்கு இருப்பதாகக் கூறி, கடந்த இரண்டு ஆண்டுகளாக பல்வேறு மாவட்டங்களில் உள்ள தனியார் பள்ளி நிர்வாகிகளை அணுகியுள்ளார்.

நிரந்தர அங்கீகாரம் பெறுவதற்கு லட்சக்கணக்கான ரூபாய், தர உயர்வு மற்றும் பிற சட்டப்பூர்வ அனுமதிகளுக்குத் தனித்தனியாகத் தொகை வசூலிக்கப்பட்டதாகப் புகார்கள் எழுந்தன. தமிழ்நாடு தனியார் பள்ளிகள் சங்கங்களின் கூட்டமைப்பின் செயலாளர் அளித்த புகாரின் அடிப்படையில் மத்திய குற்றப்பிரிவு காவல்துறையினர் வழக்குப் பதிவு செய்தனர். விசாரணையின் போது அரசகுமார் தனது இல்லத்தில் கைது செய்யப்பட்டார். அவரது வங்கிக் கணக்குகள் உள்ளிட்ட நிதித் தகவல்கள் ஆய்வுக்குட்படுத்தப்பட்டன. பல்வேறு கல்வி நிறுவனங்களிடமிருந்து பணம் வாங்கியதற்கான ஆவணங்கள், வங்கிப் பரிவர்த்தனை விவரங்கள் மற்றும் தொடர்புடைய பதிவுகள் பறிமுதல் செய்யப்பட்டன. இந்த ஆவணங்கள் மூலம் பல பள்ளி நிர்வாகங்களிடமிருந்து பெருமளவு பணம் வசூலிக்கப்பட்டது உறுதிப்படுத்தப்பட்டதாகத் தெரிகிறது. விசாரணை விரிவுபடுத்தப்பட்டபோது, அரசகுமாருடன் தொடர்புடைய மற்ற நபர்கள் மீதும் நடவடிக்கை எடுக்கப்பட்டது. 

இதையும் படிங்க: ரூ.100 கோடி மோசடி வழக்கு..! தலைகீழ் திருப்பம்... அரசகுமாரின் குண்டாஸ் ரத்து..!!

இந்த வழக்கில் கைது செய்யப்பட்ட பி.டி.அரசகுமார் பின்னர் குண்டர் தடுப்புச் சட்டத்தின் கீழ் சிறையில் அடைக்கப்பட்டார். அதற்கு எதிராக அவரது மனைவி சென்னை உயர் நீதிமன்றத்தில் மனு தாக்கல் செய்தார். நீதிமன்றம் அந்தத் தடுப்புக் காவல் உத்தரவை ரத்து செய்துள்ளது. பள்ளிகளுக்கு அனுமதி பெற்றுத் தருவதாகக் கூறிப் பணம் வாங்கியதாகக் குற்றஞ்சாட்டப்பட்ட விவாகரத்தில் அரசக்குமார் வீட்டில் சோதனை நடத்தப்பட்டன. அதில் வங்கி ஆவணங்கள், சொத்து விவரங்கள் மற்றும் பிற முக்கிய ஆவணங்கள் கைப்பற்றப்பட்டன. 7 பைகள் நிறைய ஆவணங்களை கைப்பற்றி அதிகாரிகள் விசாரணைக்கு கொண்டுச் சென்றனர். 

இதையும் படிங்க: #BREAKING: விடிந்ததுமே தலையில் இறங்கிய இடி..! திமுக MP சி. என். அண்ணாதுரை வீட்டில் ரெய்டு..! தீவிர சோதனை..!!