தமிழக அரசியலில் ஒரு புதிய அத்தியாயத்தை தொடங்கியுள்ள முக்கிய நிகழ்வு, விஜய் தமிழக வெற்றிக் கழக தலைவராக இருந்து தமிழ்நாட்டின் முதலமைச்சராகப் பொறுப்பேற்றது. 2026 சட்டமன்றத் தேர்தலில் தவெக தனித்து பெரும்பான்மைக்கு அருகில் இடங்களைப் பெற்று, கூட்டணி ஆதரவுடன் ஆட்சி அமைத்த நிலையில், மே 10 அன்று சென்னையில் உள்ள ஜவஹர்லால் நேரு உள்ளரங்கில் அவர் பதவியேற்றார். இந்த நிகழ்வு தமிழக அரசியல் வரலாற்றில் ஒரு மைல்கல்லாகப் பார்க்கப்படுகிறது. ஏனெனில் ஒரு பிரபல திரைப்பட நடிகர் நேரடியாக முதலமைச்சர் பதவிக்கு உயர்ந்தது இது முதல் முறை.

பதவியேற்புக்குப் பிறகு, அரசியல் நாகரிகத்தின் உச்சத்தை காட்டும் வகையில் புதிய முதலமைச்சர் விஜய், முன்னாள் முதலமைச்சர் மு.க. ஸ்டாலினை அவரது இல்லத்தில் சந்தித்தார். இரு தலைவர்களும் ஒருவருக்கொருவர் அன்புடன் வரவேற்று, கட்டியணைத்து உரையாடினர். இந்த சந்திப்பின்போது ஸ்டாலின், விஜய்க்கு மனமார்ந்த வாழ்த்துகளைத் தெரிவித்தார். “தமிழ்நாட்டின் முதலமைச்சராகப் பொறுப்பேற்றுள்ள மாண்புமிகு விஜய் அவர்களுக்கு எனது இதயபூர்வமான வாழ்த்துகள். அவருக்கு சில அறிவுரைகளையும் வழங்கினேன்” என்று ஸ்டாலின் தனது எக்ஸ் பக்கத்தில் பதிவிட்டார்.

மேலும், மாநிலத்தின் நிதி நிலை குறித்து முந்தைய அரசை குறை கூறாமல், தேர்தல் வாக்குறுதிகளை நிறைவேற்றுமாறு அவர் வலியுறுத்தியதாகவும் தகவல்கள் வெளியாகின. உதயநிதி ஸ்டாலினும் விஜய்க்கு வாழ்த்து தெரிவித்தார்.

இதையும் படிங்க: பொதுமக்களுக்கு இடையூறு தராதீங்க..! எச்சரிக்கை.... தவெக தலைமை கறார்..!

இந்த சந்திப்பு அரசியல் எதிரிகளுக்கிடையேயும் மரியாதைக்குரிய உறவை வளர்க்கும் செயலாகப் பார்க்கப்பட்டது. விஜய், ஸ்டாலினுக்கு பொன்னாடை அணிவித்து மரியாதை செலுத்தி இருந்தார். அதிமுக பொதுச் செயலாளர் எடப்பாடி கே. பழனிச்சாமியும் புதிய அரசுக்கு வாழ்த்து தெரிவித்தார். “தமிழ்நாட்டில் ஆட்சி அமைக்கும் கட்சிக்கு எனது மனமார்ந்த வாழ்த்துகள்” என்று அவர் தனது எக்ஸ் பக்கத்தில் பதிவிட்டார். இந்த நிலையில் முன்னாள் முதலமைச்சர் ஸ்டாலின் மற்றும் அதிமுக பொதுச் செயலாளர் எடப்பாடி பழனிச்சாமி ஆகியோருக்கு முதல்வர் விஜய் நன்றி தெரிவித்தார். 

இதையும் படிங்க: முதல்வரின் சிறப்பு பணி அதிகாரி நியமனம்..! யார் இந்த ரிக்கி ராதன் பண்டிட் வெற்றிவேல்..?