தருமபுரி மாவட்டத்தில் நடந்த கொடூரமான சம்பவம் ஒன்று அப்பகுதி மக்களிடையே பெரும் அதிர்ச்சியையும் வேதனையையும் ஏற்படுத்தியுள்ளது. பழைய இண்டூர் பகுதியைச் சேர்ந்த கட்டட மேஸ்திரி சித்தன் மற்றும் அவரது மனைவி சின்னபாப்பா ஆகியோரின் குடும்பத்தில் இந்த துயரச் சம்பவம் நிகழ்ந்தது. அவர்களது மகன் தேவராஜ், வயது 19. சிறு வயதிலிருந்தே மது மற்றும் கஞ்சா உள்ளிட்ட போதைப் பொருட்களுக்கு அடிமையான இளைஞனாக இருந்தார் தேவராஜ்.

அண்மையில் சில குற்ற வழக்குகளில் கைதான அவர், பிணையில் வெளியே வந்திருந்தார். சில மாதங்களுக்கு முன் போலீஸிடம் கத்தியைக் காட்டி ரகளையில் ஈடுபட்டதற்காக சிறையில் அடைக்கப்பட்டிருந்த அவர், சில நாட்களுக்கு முன்பே விடுதலையாகி வீடு திரும்பியிருந்தார்.

வியாழக்கிழமை இரவு போதையில் வீட்டுக்குத் திரும்பிய தேவராஜ், தனது தாயாரிடம் தகராறில் ஈடுபட்டார். செலவுக்குப் பணம் கேட்டபோது தாய் மறுத்ததாகக் கூறப்படுகிறது. போதை வெறியில் ஆத்திரம் மேலிட்ட தேவராஜ், தாயாரைத் தாக்கினார். இந்தத் தாக்குதலில் சின்னபாப்பா உயிரிழந்தார்.

இதையும் படிங்க: அடக்கொடுமையே...!! - 10ம் வகுப்பு மாணவியை தூக்கத்திலேயே கழுத்தை நெறித்துக் கொன்ற தந்தை... பகீர் காரணம்...!

சம்பவ இடத்தில் அருகில் நின்றுகொண்டிருந்த தேவராஜை, தகவலறிந்து வந்த இண்டூர் காவல் நிலைய போலீசார் கைது செய்தனர். சின்னபாப்பாவின் உடலைப் பறிமுதல் செய்து உடல்கூறாய்வுக்காக தருமபுரி அரசு மருத்துவமனைக்கு அனுப்பி வைத்தனர். போலீசார் கொலை வழக்குப் பதிவு செய்து தேவராஜை விசாரணைக்கு உட்படுத்தி வருகின்றனர்.இந்தச் சம்பவம் அந்தப் பகுதியில் பரபரப்பை ஏற்படுத்தியுள்ளது. 

இதையும் படிங்க: சாத்தான்குளத்தில் அதிர்ச்சி.! ரெஜிலாவின் கணவரும் பலி.!! இரட்டை கொலை வழக்காக மாற்றி உத்தரவு..!