ஜெம் கிரானைட்ஸ் நிறுவனத்தின் நிறுவனர் மற்றும் ஜெம் குழுமத்தின் தலைவரான வீரமணி, சிறுமிகளை பாலியல் ரீதியாக துன்புறுத்தியதாகக் கூறப்படும் குற்றச்சாட்டின் அடிப்படையில் கைது செய்யப்பட்டார். இவர் இந்திய கிரானைட் தொழில்துறையில் நீண்ட காலமாக செல்வாக்கு மிக்க தொழிலதிபராக அறியப்பட்டவர். அவரது வயது எண்பத்து நான்கு. இந்த வழக்கு 2025 ஆம் ஆண்டு அக்டோபர் மாதம் தொடங்கியது. சென்னையில் உள்ள ஒரு குழந்தை உரிமை ஆர்வலர், ஒரு பென் டிரைவை காவல்துறையிடம் ஒப்படைத்தார்.

அதில் ஒரு வயதான நபர் சிறுமியை பாலியல் வன்கொடுமைக்கு உட்படுத்தும் காட்சிகள் இருந்தன. இந்த ஆதாரத்தின் அடிப்படையில் போக்சோ சட்டத்தின் கீழ் வழக்குப் பதிவு செய்யப்பட்டது. ஆரம்ப விசாரணையில் சிறுமியை அடையாளம் காண முடியவில்லை என்றும், வீடியோ 2019 ஆம் ஆண்டைச் சேர்ந்தது என்றும் காவல்துறை தரப்பு தெரிவித்து, வழக்கை முடித்து வைக்கும் அறிக்கையை சிறப்பு போக்சோ நீதிமன்றத்தில் தாக்கல் செய்தது. ஆனால் 2026 ஆகஸ்ட் 19 ஆம் தேதி சிறப்பு நீதிமன்றம் அந்த அறிக்கையை நிராகரித்து, மேலும் விசாரணை நடத்த உத்தரவிட்டது. இதைத் தொடர்ந்து காவல்துறை விசாரணையை தீவிரப்படுத்தியது. வீடியோவில் தோன்றிய நபர் ஜெம் வீரமணி தான் என்பது உறுதி செய்யப்பட்டது.

அவர் தேனாம்பேட்டையில் ஒரு வீட்டை வாடகைக்கு எடுத்து, அதன் நிர்வாகத்தை தனது தொழில் தொடர்புடைய சாந்தி மற்றும் அவரது கணவர் மகேந்திர சிம்ஹன் ஆகியோரிடம் ஒப்படைத்திருந்தார். அந்த வீட்டில் சிறுமிகளை அழைத்து வந்து வன்கொடுமை செய்ததாகக் குற்றச்சாட்டு எழுந்தது. 2026 ஆகஸ்ட் 29 ஆம் தேதி சென்னை மத்திய குற்றப் பிரிவின் விபச்சார தடுப்புப் பிரிவு காவல்துறையினர் வீரமணி, சாந்தி மற்றும் மகேந்திர சிம்ஹன் ஆகிய மூவரையும் கைது செய்தனர். 

இதையும் படிங்க: சிறுமிகளை சீரழித்த வீரமணி வழக்கில் திடீர் திருப்பம்... தோண்ட தோண்ட வெளியாகும் அதிர்ச்சி தகவல்கள்...!

ஜெம் வீரமணியின் பாலியல் விவகாரத்தில் அரசியல் கட்சி தலைவர்களுக்கும் தொடர்பு இருப்பதாக தகவல் வெளியாகி உள்ளது. வீரமணிக்கு ஆதரவாக தென் மாவட்டங்களில் கட்சி நடத்தி வரும் தலைவர் ஒருவர் களமிறங்கியதாக தகவல் வெளியாகியது. ஏழு கோடி ரூபாய் வாங்கி தருகிறேன் என்றும் 2 கோடி ரூபாய் எனக்கு வேண்டும் எனவும் காங்கிரஸ் நிர்வாகி ஒருவர் பேரம் பேசியதாக தெரிவிக்கப்பட்டுள்ளது. வீரமணியின் வீடியோவையும் குறிப்பிட்டு தலைவருக்கு சாந்தி அனுப்பி வைத்ததாக தகவல் தெரிவிக்கப்படுகிறது. அது மட்டும் இல்லாமல் பணம் கிடைக்காததால் இரு தலைவர்களும் ஒன்றிணைந்து வீடியோவை போலீசில் ஒப்படைத்ததாகவும் வீரமணி விவகாரத்தில் அரசியல் தலைவர்கள் சிலர் கட்டப்பஞ்சாயத்து செய்ததாகவும் தகவல் வெளியாகி இருக்கிறது. காங்கிரஸ் மாநில நிர்வாகி ஒருவருக்கும் தென் மாவட்டங்களில் கட்சி வைத்துள்ள தலைவர் ஒருவருக்கும் இந்த விவகாரத்தில் தொடர்பு இருப்பதாகவும் மிரட்டல் விடுத்ததாகவும் கூறப்படும் சம்பவம் பெரும் பரபரப்பை ஏற்படுத்தி உள்ளது. 

இதையும் படிங்க: தமிழகத்தையே உலுக்கிய ஜெம் வீரமணி பாலியல் வழக்கு.. இணையத்தில் வெளியான அந்த வீடியோவால் பரபரப்பு..!!