தமிழக சட்டமன்றத் தேர்தல் வரலாற்றில் இதுவரை இல்லாத அளவுக்கு பிரம்மாண்டமான கூட்டணியை ஆளும் திமுக தலைமையில் உருவாக்கியுள்ளது. மொத்தம் 26 கட்சிகள் இந்த மெகா கூட்டணியில் இணைந்துள்ளன. இது தமிழக அரசியலில் புதிய அத்தியாயத்தை எழுதும் வகையில் அமைந்துள்ளது.

இந்தக் கூட்டணியில் இடம்பெற்றுள்ள முக்கியக் கட்சிகளில் காங்கிரஸ், மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, தேமுதிக, மதிமுக, விடுதலை சிறுத்தைகள் கட்சி, இந்திய யூனியன் முஸ்லிம் லீக், மக்கள் நீதி மய்யம், மனிதநேய மக்கள் கட்சி, எஸ்.டி.பி.ஐ., கொங்குநாடு மக்கள் தேசிய கட்சி, ஆம் ஆத்மி கட்சி, தமிழக வாழ்வுரிமை கட்சி, மனிதநேய ஜனநாயக கட்சி, முக்குலத்தோர் புலிப்படை, சமத்துவ மக்கள் கழகம், மூவேந்தர் முன்னேற்ற கழகம், கொங்கு இளைஞர் பேரவை, வல்லரசு பார்வர்டு பிளாக், ஆதி தமிழர் பேரவை, தமிழ் புலிகள் கட்சி, ஆதி தமிழர் கட்சி, புதிய திராவிடர் கழகம், தமிழர் தேசம் கட்சி, அகில இந்திய பசும்பொன் முன்னேற்றக் கழகம், திராவிட தமிழர் கட்சி ஆகியவை அடங்கும். 

இவை அனைத்தும் மதச்சார்பற்ற முற்போக்கு கூட்டணியின் கீழ் ஒன்றிணைந்து தேர்தலில் போட்டியிட உள்ளன. தற்போதைய தகவல்களின்படி, இந்த 26 கட்சிகளில் சுமார் 20 கட்சிகளுக்கு தொகுதிகள் ஒதுக்கப்பட வாய்ப்புள்ளது. திமுக தனது வலிமையைப் பேணும் வகையில் 152 தொகுதிகளில் நேரடியாகப் போட்டியிடத் திட்டமிட்டுள்ளது. மீதமுள்ள 82 தொகுதிகளை கூட்டணி கட்சிகளுக்கு பகிர்ந்து அளிக்க உத்தேசம் உள்ளது. குறிப்பாக, பல சிறிய கட்சிகள் திமுகவின் உதயசூரியன் சின்னத்திலேயே வேட்பாளர்களை நிறுத்தி போட்டியிடும் என்று எதிர்பார்க்கப்படுகிறது. இதன்மூலம் கூட்டணியின் ஒற்றுமையும் வாக்கு பலமும் அதிகரிக்கும் என்கின்றனர்.

இதையும் படிங்க: மன நிறைவா இருக்கோம்! திமுக கூட்டணி ஒப்பந்தத்திற்கு பின் செல்வப்பெருந்தகை நெகிழ்ச்சி பேட்டி!

உத்தேச தொகுதி ஒதுக்கீட்டுப் பட்டியல் வருமாறு: திமுக - 152, காங்கிரஸ் - 28, தேமுதிக - 10, விடுதலை சிறுத்தைகள் கட்சி - 8, மார்க்சிஸ்ட் கம்யூனிஸ்ட் - 6, இந்திய கம்யூனிஸ்ட் - 6, மதிமுக - 6, தமிழக வாழ்வுரிமை கட்சி - 2, கொங்குநாடு மக்கள் தேசிய கட்சி - 2, இந்திய யூனியன் முஸ்லிம் லீக் - 2, மனிதநேய மக்கள் கட்சி - 2, மனிதநேய ஜனநாயக கட்சி - 1, எஸ்.டி.பி.ஐ. - 1, முக்குலத்தோர் புலிப்படை - 1, கொங்கு இளைஞர் பேரவை - 1, தமிழர் தேசம் கட்சி - 1, அனைத்திந்திய பார்வர்டு பிளாக் - 1, முக்குலத்தோர் முன்னேற்ற கழகம் - 1, ஆதி தமிழர் பேரவை - 1, மக்கள் விடுதலை கட்சி - 1, கிறிஸ்தவ நல்லெண்ண இயக்கம் - 1.

இந்த மெகா கூட்டணி மூலம் திமுக தமிழகத்தில் மீண்டும் ஆட்சியைத் தக்கவைக்க வலுவான அடித்தளத்தை அமைத்துள்ளது. கூட்டணி கட்சிகளின் பல்வேறு சமூகப் பிரிவுகளை உள்ளடக்கியிருப்பது, வாக்காளர்களிடையே பரவலான ஆதரவைப் பெறும் என அரசியல் விமர்சகர்கள் கருதுகின்றனர்.

இதையும் படிங்க: திமுக மாநிலங்களவை வேட்பாளர்கள் அறிவிப்பு! திருச்சி சிவா, கான்ஸ்டன்டைன் ரவீந்திரனுக்கு வாய்ப்பு!