தமிழகத்தில் நடப்பாண்டின் வடகிழக்கு பருவமழை தொடங்கியுள்ள நிலையில், இன்று வரை பதிவான மழையின் அளவு இயல்பை விட 18 விழுக்காடு குறைவாகப் பெய்துள்ளதாக சென்னை மண்டல வானிலை ஆய்வு மையம் தெரிவித்துள்ளது.
தமிழகத்தின் பிரதான நீர் ஆதாரமாகவும், விவசாயம் மற்றும் குடிநீர் தேவைகளுக்கான முக்கிய பருவகாலமாகவும் விளங்கும் வடகிழக்கு பருவமழை சமீபத்தில் தொடங்கியது. இந்நிலையில், பருவமழை தீவிரமடைவது மற்றும் மழைப்பொழிவு நிலவரம் குறித்து சென்னை வானிலை ஆய்வு மையம் புள்ளிவிவரங்களை வெளியிட்டுள்ளது.
பருவமழை தொடங்கிய நாள் முதல் இன்று வரை தமிழ்நாட்டில் சராசரியாக 71.6 மில்லிமீட்டர் மழை பதிவாகியிருக்க வேண்டும். ஆனால், தற்போது வரை மாநிலம் முழுவதும் சராசரியாக 58.6 மில்லிமீட்டர் மழை மட்டுமே பதிவாகியுள்ளது. இதன் காரணமாக, நடப்பு பருவமழை இயல்பான அளவை விட 18 சதவீதம் குறைவாகப் பெய்துள்ளது.
இதையும் படிங்க: அடுத்த 48 மணி நேரத்தில் வடகிழக்கு பருவமழை தொடக்கம்! வானிலை மையம் அறிவிப்பு!
ஆரம்பக் கட்டத்தில் மழைப்பொழிவு சற்றே குறைவாகப் பதிவாகியிருந்தாலும், வங்கக்கடல் மற்றும் அரபிக்கடல் பகுதிகளில் நிலவும் வளிமண்டல மேலடுக்கு சுழற்சி மற்றும் அடுத்தடுத்து உருவாக வாய்ப்புள்ள காற்றழுத்தத் தாழ்வு மண்டலங்கள் காரணமாக, வரும் நாட்களில் மழைப்பொழிவு படிப்படியாக அதிகரிக்கும் என வானிலை ஆய்வாளர்கள் கணித்துள்ளனர்.
கடலோர மாவட்டங்கள் மற்றும் டெல்டா மாவட்டங்களில் இனிவரும் வாரங்களில் பரவலான கனமழை பெய்ய வாய்ப்புள்ளதால், பருவமழையின் சராசரி அளவு சீரடையும் எனவும் எதிர்பார்க்கப்படுகிறது.
இதையும் படிங்க: அக்டோபர் 15 முதல் தமிழகத்தில் வெளுத்து வாங்கப்போகும் கனமழை! வானிலை ஆய்வு மையம் எச்சரிக்கை!