தேசிய அளவிலான மிக முக்கியப் பிரச்சினைகள் மற்றும் கள நிலவரங்கள் குறித்த ஆழ்ந்த புரிதலுடன் உண்மைகளை வெளிச்சத்திற்குக் கொண்டுவந்த கடின உழைப்பாளியான மூத்த பத்திரிகையாளர் பாயல் மேத்தாவின் திடீர் மற்றும் அகால மரணம் மிகுந்த வேதனையளிப்பதாகப் பிரதமர் நரேந்திர மோடி ஆழ்ந்த இரங்கல் தெரிவித்துள்ளார்.

நாட்டின் முன்னணி ஆங்கில ஊடகங்களில் அரசியல் மற்றும் பாராளுமன்ற விவகாரங்களை நீண்ட காலமாகத் துணிச்சலுடன் செய்தி சேகரித்து வந்தவர் பிரபல பத்திரிகையாளர் பாயல் மேத்தா. டெல்லி அரசியல் வட்டாரத்திலும், தேசிய அளவிலான ஊடகத் தளங்களிலும் தனது சிறப்பான களப் பணிகளுக்காகவும், துல்லியமான செய்தியறிக்கைகளுக்காகவும் நன்கு அறியப்பட்டவர். இந்நிலையில், அவரது எதிர்பாராத திடீர் மறைவு தேசிய அளவிலான ஊடகத்துறையினர் மற்றும் அரசியல் தலைவர்கள் மத்தியில் பெரும் அதிர்ச்சியையும் சோகத்தையும் ஏற்படுத்தியுள்ளது.

பாயல் மேத்தாவின் மறைவு குறித்துப் பிரதமர் நரேந்திர மோடி தனது எக்ஸ் பக்கத்தில் வெளியிட்டுள்ள நெகிழ்ச்சியான இரங்கல் பதிவில், பாயல் மேத்தா ஜி எப்போதும் கள நிலவரங்களுடன் உறுதியாகத் தன்னை இணைத்துக் கொண்டு பணியாற்றிய ஒரு கடின உழைப்பாளியான பத்திரிகையாளர் ஆவார். தேசிய அளவிலான பல்வேறு பிரச்சினைகள் குறித்த ஆழமான புரிதலை அவர் தனது செய்தியறிக்கைகளில் மிகத் தெளிவாக வெளிப்படுத்தியவர். தனது தொழில்முறைப் பணிக்கு அப்பாற்பட்டு, எண்ணற்ற மனிதர்களின் வாழ்வில் அவர் வெளிப்படுத்திய அளப்பரிய கருணை மற்றும் அன்பான அணுகுமுறைக்காகவும் அவர் எப்போதும் நினைவுகூரப்படுவார் என்று பெருமிதத்துடன் நினைவுகூர்ந்துள்ளார்.

இதையும் படிங்க: ரஷ்ய மொழியில் மொழிபெயர்க்கப்பட்ட திருக்குறள்! அதிபர் புதினுக்கு அன்பளிப்பாக வழங்கி பிரதமர் மோடி பெருமிதம்!

மேலும் அவரது மறைவால் தவிக்கும் உறவினர்களுக்கு ஆறுதல் தெரிவித்த பிரதமர், அவரது இந்தத் திடீர் மற்றும் அகால மரணம் எனக்கு அளவற்ற வருத்தத்தை அளிக்கிறது. பாயல் மேத்தாவை இழந்து வாடும் அவரது குடும்பத்தினர், நண்பர்கள் மற்றும் அவருடன் பணியாற்றிய சக பத்திரிகையாளர் அனைவருக்கும் எனது ஆழ்ந்த இரங்கலைத் தெரிவித்துக் கொள்கிறேன். இந்த மிகக் கடுமையான சோகமான தருணத்தில் அவர்கள் அனைவருக்கும் மன வலிமையும் அமைதியும் கிடைக்க எல்லாம் வல்ல இறைவனை வேண்டுகிறேன். ஓம் சாந்தி என்று தனது உருக்கமான இரங்கலைப் பதிவு செய்துள்ளார். பாயல் மேத்தாவின் மறைவிற்குப் பல்வேறு மத்திய அமைச்சர்கள் மற்றும் மூத்த பத்திரிகையாளர்களும் தங்களது இரங்கல்களைத் தெரிவித்து வருகின்றனர்.

இதையும் படிங்க: இந்தியா - இத்தாலி நட்பு மிக வலிமை! பிரதமர் மோடிக்கு இத்தாலி பிரதமர் ஜார்ஜியா மெலோனி நெகிழ்ச்சி நன்றி!