ரஷ்யாவின் கம்சட்கா தீபகற்பத்தில் அமைந்துள்ள க்ராஷென்னினிக்கோவ் எரிமலை, சுமார் 600 ஆண்டுகளுக்குப் பிறகு மீண்டும் வெடித்துள்ளது. கடந்த ஜூலை 30ம் தேதியன்று அப்பகுதியில் பதிவான 8.8 ரிக்டர் அளவிலான சக்திவாய்ந்த நிலநடுக்கமே இதற்குக் காரணமாக இருக்கலாம் எனவும் ரஷ்ய விஞ்ஞானிகள் தெரிவித்துள்ளனர்.
இந்த வெடிப்பு, எரிமலை சாம்பலை 6 கிலோமீட்டர் (3.7 மைல்) உயரத்திற்கு விண்ணில் செலுத்தியதாக க்ரோனோட்ஸ்கி இயற்கைப் பாதுகாப்பக அதிகாரிகள் உறுதிப்படுத்தியுள்ளனர். இந்த எரிமலை, முன்னர் 1463-ஆம் ஆண்டு வெடித்ததாக வரலாற்று ஆவணங்கள் கூறுகின்றன. தற்போதைய வெடிப்பால், 19,000 அடி உயரத்திற்கு சாம்பல் பரவியதால், அப்பகுதியில் விமானப் போக்குவரத்திற்கு ஆரஞ்சு எச்சரிக்கை விடுக்கப்பட்டுள்ளது.
இதையும் படிங்க: இந்தியா வழியில் சீனா அதிரடி!! அமெரிக்காவுக்கு கொடுத்த THUG ரிப்ளை!!
இதனால், ஜப்பான் மற்றும் ஹவாய் தீவுகளில் சுனாமி அலைகள் உருவாகியதாகவும், அமெரிக்க புவியியல் ஆய்வு மையம் கடற்கரைப் பகுதிகளில் எச்சரிக்கை விடுத்துள்ளது. இந்த எரிமலை வெடிப்பு, கம்சட்கா பகுதியில் உள்ள புவித்தட்டு இயக்கங்களின் விளைவாக நிகழ்ந்திருக்கலாம் என விஞ்ஞானிகள் கருதுகின்றனர்.
இந்நிகழ்வு, இயற்கையின் அபரிமிதமான சக்தியை மீண்டும் உணர்த்தியுள்ளது. மேலும், இதன் தாக்கம் குறித்து ஆய்வுகள் தொடர்ந்து நடைபெறுகின்றன. இப்பகுதியில் மேலும் நிலநடுக்கங்கள் அல்லது எரிமலைச் செயல்பாடுகள் ஏற்பட வாய்ப்புள்ளதால், உள்ளூர் மக்களுக்கு பாதுகாப்பு முன்னெச்சரிக்கைகள் அறிவுறுத்தப்பட்டுள்ளன. அதுமட்டுமின்றி மக்கள் வசிக்காத பகுதி என்பதால் பெரிய அளவிலான பாதிப்பு இல்லை என அந்நாட்டு அரசு விளக்கம் அளித்துள்ளது.
இதையும் படிங்க: ரஷ்யாவுக்கு சீக்ரெட் ஹெல்ப்? சீனாவுடன் கூட்டு..! இந்தியாவை விடாமல் சீண்டும் ட்ரம்ப்..!