தமிழகத்தின் பள்ளிகள், கல்வியின் தொட்டில்களாகவும், எதிர்கால தலைமுறையின் பயிற்சிக் கூடங்களாகவும் இருக்க வேண்டியவை. ஆனால், சமீபகாலமாக அவை வன்முறையின் களமாக மாறி வருவது கவலையளிக்கும் விஷயமாக உருவெடுத்துள்ளது. மாணவர்கள் இடையேயான சண்டைகள், குத்திக்கொலை சம்பவங்கள், துன்புறுத்தல், இனவாத அல்லது சாதி அடிப்படையிலான மோதல்கள் போன்றவை அடிக்கடி செய்திகளில் இடம்பெறுகின்றன. இந்த வன்முறைச் சம்பவங்கள் தனிப்பட்ட மாணவர்களின் வாழ்க்கையை மட்டுமல்லாமல், பள்ளி சூழலையே பாதிக்கின்றன.

இது ஒரு சமூகப் பிரச்சினையாகவும் வளர்ந்து வருகிறது.பள்ளி வளாகங்களில் நிகழும் வன்முறையின் வடிவங்கள் பலதரப்பட்டவை. சாதாரண வார்த்தைத் தகராறுகள் உடல் ரீதியான சண்டைகளாக மாறுவது பொதுவான ஒன்று. சில சமயங்களில் இந்தச் சண்டைகள் கத்தி அல்லது வேறு ஆயுதங்களைப் பயன்படுத்தி இரத்தக்களரியில் முடிகின்றன. சிவகங்கையில் ஒரு கொடூரம் நிகழ்ந்துள்ளது. 

சிவகங்கை மாவட்டம் நிரஞ்சான் கிராமத்தில் பன்னிரண்டாம் வகுப்பு மாணவனை கத்தியால் குத்திய சம்பவம் பெரும் பரபரப்பை ஏற்படுத்தியுள்ளது. பள்ளி வகுப்பறையிலேயே வைத்து மாணவனை கத்தியால் சக மாணவன் குத்திய கொடூரம் நிகழ்ந்து உள்ளது. தனிப்பட்ட பகை காரணமாக மாணவன் கத்தியால் குத்தியதாக குற்றம் சாட்டப்பட்டு உள்ளது.

இதையும் படிங்க: ஆசை வார்த்தை கூறி தனிமையில் அழைத்த பெண்! பைனான்சியரை நிர்வாணமாக்கி மிரட்டல்! இருவர் கைது!

காயமடைந்த மாணவர் பட்டியலினத்தவர் என்ற தகவல் வெளியாக இருக்கும் சூழலில் காவல்துறையினர் இந்த சம்பவம் தொடர்பாக வழக்கு பதிவு செய்து விசாரணை மேற்கொண்டு வருகின்றனர். கத்திக்குத்து சம்பவத்தை காயமடைந்த மாணவனை சிகிச்சைக்காக மருத்துவமனையில் அனுமதித்துள்ளனர். எதற்காக இந்த சம்பவம் நிகழ்த்தப்பட்டது என்பது குறித்து போலீசார் விசாரணை மேற்கொண்டு வருகின்றனர். 

இதையும் படிங்க: 'வாட்ஸ்அப்' மெசேஜை நம்பி ₹21 கோடி இழந்த ஆடிட்டர்... அதிர்ச்சி மோசடி அம்பலம்!