தமிழக போக்குவரத்துத்துறை அமைச்சர் எம்.ஆர்.எஸ். ராஜன் சிவசங்கர், தனது வாட்ஸாப் எண்ணுக்கு தினமும் 'குட் மார்னிங்', 'குட் நைட்' என்று படங்களுடன் தகவல்கள் அனுப்பிய 97 பேரின் மொபைல் எண்களை அதிரடியாக பிளாக் செய்துள்ளார். 2022 முதல் இதுவரை இவ்வளவு பேரை பிளாக் செய்துள்ளார். "அமைச்சர் வேலை வெட்டி இல்லாமல் சும்மா இருப்பவர் அல்ல" என அமைச்சருக்கு நெருக்கமான வட்டாரங்கள் தெரிவிக்கின்றன. இது சமூக வலைதளங்களில் பரபரப்பை ஏற்படுத்தியுள்ளது.

இன்றைய டிஜிட்டல் உலகில், உள்ளூர் செய்திகள் முதல் உலக நிகழ்வுகள் வரை வாட்ஸாப் மூலம் பகிரப்படுகிறது. சிலர் மரியாதை நிமித்தமாக, காலை-மாலை வணக்கம், பஞ்ச் வசனங்கள், ஒழுக்க நெறிகள், தன்னம்பிக்கை வார்த்தைகள், அழகிய படங்கள், ராசி பலன், நல்ல நேரம் போன்றவற்றை அனுப்புவது வழக்கமாகி உள்ளது. 

பெரியவர்கள் சிலர் அதை ரசித்து பதில் அனுப்புகின்றனர்; மற்றவர்கள் பார்த்து அழித்துவிடுகின்றனர். ஆனால், அமைச்சர் சிவசங்கர் இதை "வேலை இல்லாதவர்களின் வேலை" என நினைத்து, அதை பொறுத்துகொள்ளவில்லை.

இதையும் படிங்க: அதிரவைத்த ரூ.150 கோடி முறைகேடு... மதுரை மேயர் இந்திராணியின் ராஜினாமா ஏற்பு… அடுத்த மேயர்?

அமைச்சருக்கு நெருக்கமான வட்டாரங்கள் கூறுகையில், "சிவசங்கர் தொகுதி பணிகள், மாவட்ட அளவில் கட்சி பணிகள், போக்குவரத்து தொழிலாளர்கள், தொழிற்சங்கங்கள், துறை அதிகாரிகள், கட்சித் தலைமை, மூத்த நிர்வாகிகள், தொண்டர்கள், குடும்பம், உறவினர்கள், நண்பர்கள் என எப்போதும் பிஸியாக இருப்பவர். 

வாட்ஸாப் எண்ணுக்கு அதிகாரிகள் முக்கிய தகவல்கள் அனுப்புவர்; கட்சி நிர்வாகிகள் நிகழ்ச்சிகளுக்கு அழைப்பர். அவற்றைப் படித்து பதில் அனுப்ப வேண்டிய கடமை உண்டு." இந்நிலையில், சிலர் தினசரி காலை-மாலை வணக்கம், ராசி பலன் போன்றவற்றை அனுப்புவதால், அமைச்சருக்கு நேரம் கிடைக்கவில்லை. 

எனவே, அத்தகைய நபர்களின் எண்களை பிளாக் செய்கிறார். 2022-லிருந்து இதுவரை 97 பேரை பிளாக் செய்துள்ளார்; இந்த எண்ணிக்கை அதிகரிக்கிறது. "முக்கியமான தகவல்களுக்கு மட்டும் வாட்ஸாப் தேவை" என அமைச்சரின் நிலைப்பாடு என்கின்றனர்.

இந்த செயல், அரசியல் தலைவர்களின் டிஜிட்டல் வாழ்க்கையை பிரதிபலிக்கிறது. பிஸியான அன்றாடத்தில், தேவையற்ற அனுப்புதல்கள் தொல்லையாக உள்ளன. அமைச்சரின் இந்த அதிரடி, வாட்ஸாப் பயனர்களிடம் பரபரப்பை ஏற்படுத்தியுள்ளது.

இதையும் படிங்க: மதுரை மேயர் பதவி யாருக்கு? திணறும் திமுக! முட்டுக்கட்டை போடும் அமைச்சர்கள்!