தமிழக வெற்றிக் கழக அரசு ஆட்சிக்கு வந்ததிலிருந்து சென்னை மாநகராட்சிக்கும் மாநில அரசுக்கும் இடையிலான உறவு பதட்டமாகவே தொடர்கிறது. மாநகராட்சி மேயர் ஆர். பிரியா திமுகவைச் சேர்ந்தவர். தவெக ஆட்சியில் உள்ள மாநில அரசுக்கும் திமுக ஆதிக்கத்தில் உள்ள உள்ளாட்சி அமைப்புக்கும் இடையே அரசியல் மற்றும் நிர்வாக மோதல்கள் தொடர்ந்து வெடித்து வருகின்றன.

முக்கியப் பிரச்சினைகளில் ஒன்று நெறிமுறை மற்றும் அழைப்பு விவகாரம். முதலமைச்சர் ரிப்பன் மாளிகைக்கு வரும்போதோ அல்லது ஆய்வுக் கூட்டங்கள் நடைபெறும்போதோ மேயருக்கு முன்கூட்டியே தகவல் தெரிவிக்கப்படுவதில்லை என்று பிரியா குற்றம்சாட்டுகிறார். இதனால் தான் அரசைப் புறக்கணிப்பதாக தவறான பிரசாரம் நடப்பதாகவும், உண்மையில் அரசே மேயரைப் புறக்கணிக்கிறதாகவும் அவர் கூறுகிறார். மாநகராட்சி கவுன்சிலர்களும் அரசு நிகழ்ச்சிகள் மற்றும் திறப்பு விழாக்களுக்கு அழைக்கப்படுவதில்லை என புகார் எழுப்புகின்றனர்.

அரசுத் தரப்பில், மேயருக்கு தனது அலுவலகத்திற்கு அழைப்பு தேவையில்லை என்றும், ஒருங்கிணைந்து பணியாற்ற வேண்டும் என்றும் பதிலளிக்கப்படுகிறது.நிதி மற்றும் பணிகள் தொடர்பான மோதல்களும் முக்கியமானவை. மாநகராட்சி சார்பில் மேற்கொள்ளப்பட்ட பல பணிகள் ரத்து செய்யப்பட்டதாகவும், நிதி ஒதுக்கீடு தாமதப்படுவதாகவும் மேயர் தரப்பு குற்றம்சாட்டுகிறது. மழை முன்னேற்பாடு, சாலைப் பணிகள், வார்டு நிதி போன்றவை பாதிக்கப்படுவதாகக் கூறப்படுகிறது. இதனால் உள்ளாட்சிப் பணிகள் தடைபடுவதாகவும், மக்கள் பாதிக்கப்படுவதாகவும் விமர்சனங்கள் எழுகின்றன.

இதையும் படிங்க: அதிமுக - பாமகவுக்கு மத்திய இணை அமைச்சர் பதவி? பாஜக மெகா ப்ளான்! சூடுபிடிக்கும் தமிழக அரசியல்!

இந்த நிலையில், சென்னையில் மக்கள் தவித்துக்கொண்டிருக்கும் போது மாநகராட்சியும், தமிழக அரசும் சண்டை போடக்கூடாது என பாஜக மூத்த தலைவர் தமிழிசை சௌந்தரராஜன் தெரிவித்தார். மேயர் பிரியா பெண் என்பதால் மட்டுமே புறக்கணிக்கிறார்கள் என்ற கருத்தை நான் ஏற்றுக்கொள்ள மாட்டேன்.. அவர்களுக்குள் தி.மு.கவா..? த.வெ.கவா..? என்ற அரசியல் தான் இருக்கிறது என்று கூறினார். ஆளுநராக தான் இருந்த போது நடந்ததை சுட்டிக்காட்டி தமிழிசை இவ்வாறு கருத்து தெரிவித்தார். 

இதையும் படிங்க: தமிழகத்தில் சட்டம்-ஒழுங்கு சீர்குலைந்துள்ளதாக தவெக அரசு மீது பாஜக தேசிய தலைமை விமர்சனம்!