மடப்புரம் பத்ரகாளியம்மன் கோவில் காவலாளியாக பணியாற்றி வந்து அஜித்குமார் மீது நிகிதா என்ற பெண் நகையை திருட்டு புகார் கொடுத்தார். அதன் பேரில் விசாரணைக் அழைத்துச் செல்லப்பட்ட அஜித் குமார் என்ற இளைஞர், விசாரணையின்போது உடல்நலக்குறைவால் உயிரிழந்ததாக காவல்துறை முதலில் தெரிவித்தது. ஆனால், பிரேதப் பரிசோதனை அறிக்கையில் அவரது உடலில் 44 காயங்கள் இருந்தது உறுதியானதைத் தொடர்ந்து, இது காவல் நிலையத்தில் நடந்த கொடூரமான தாக்குதலால் ஏற்பட்ட மரணம் என குற்றச்சாட்டுகள் எழுந்தன.

கோயிலில் இருந்த சிசிடிவி காட்சிகளை காவல் உதவி ஆய்வாளர் ராமச்சந்திரன் எடுத்துச் சென்றதாகவும், சாட்சியங்கள் அழிக்கப்பட்டதாகவும் நீதிமன்றத்தில் குற்றச்சாட்டு எழுந்தது. இந்த வழக்கை விசாரித்த உயர்நீதிமன்ற மதுரைகளை கடும் அதிருப்தியை தெரிவித்தது. அது மட்டுமல்லாது கொலை செய்பவர்கள் கூட இப்படி தாக்கி இருக்க மாட்டார்கள்., மிருகத்தனமான தாக்குதல் என்றும் இந்த வழக்கில் நீதி விசாரணை நடத்த வேண்டும் என்றும் உத்தரவிடப்பட்டது.

இதையும் படிங்க: அரசு வேலை 80 கி.மீ தூரத்தில்.. எனக்கு இதில் திருப்தி இல்லை.. அஜித்குமார் சகோதரர் வேதனை..!

நேர்மையான முறையில் சிபிசிஐடி அதிகாரிகள் சிறப்புக் குழு விசாரிக்க வேண்டும் என்றும் மாவட்ட நீதிபதி தலைமையில் விசாரணை நடத்தப்படும் என்றும் கூறப்பட்டது. அதன் பிறகு இந்த வழக்கு சிபிஐ வசம் ஒப்படைக்கப்பட்டது. காலம் தாழ்த்தாமல் ஒரு வார காலத்திற்குள் விசாரணையை தொடங்க வேண்டும் என்றும் கூறியது. காவலர்களால் அடித்துக் கொல்லப்பட்ட அஜித்குமார் வழக்கின் விசாரணையை சிபிஐ தொடங்கி உள்ளன. அஜித்குமார் கொலை வழக்கை கையில் எடுத்த சிபிஐ அதிகாரிகள் மடப்புரம் சென்றனர். மடப்புரம் கோவிலில் அஜித்குமார் தாக்கப்பட்ட இடத்தில் டிஎஸ்பி மோஹித் குமார் தலைமையில் சிபிஐ அதிகாரிகள் ஆய்வு நடத்தினர்.

இதனிடையே காவலாளி அஜித்குமாரை தாக்கி கொலை செய்த குற்றச்சாட்டில் கைதான 5 போலீசாரும் நீதிமன்ற காவலில் சிறையில் அடைக்கப்பட்டுள்ளனர். அவர்களின் நீதிமன்றக்காவல் இன்றுடன் முடிந்த நிலையில், காவலர்கள் ஐந்து பேரும் காணொலி வாயிலாக ஆஜர்படுத்தப்படனர். இதையடுத்து, நீதிமன்றக் காவலை வரும் 30 ஆம் தேதி வரை நீட்டித்து நீதிமன்றம் உத்தரவிட்டுள்ளது. 

விசாரணையின் நம்பகத்தன்மையை உறுதிப்படுத்த, நீதிமன்றம் காவலர்களின் காவலை நீட்டித்து, மேலதிக விசாரணைக்கு உத்தரவிட்டுள்ளது. இந்த வழக்கில் நீதி வழங்கப்பட வேண்டும் என பொதுமக்கள் மற்றும் அஜித்குமாரின் குடும்பத்தினர் வலியுறுத்தி வருகின்றனர். மேலும், இது போன்ற சம்பவங்கள் மீண்டும் நிகழாமல் இருக்க, காவல்துறையில் சீர்திருத்தங்கள் தேவை என பலரும் கருதுகின்றனர். 

இதையும் படிங்க: அஜித்குமார் லாக்அப் டெத் வழக்கு.. தலைமறைவான நிகிதா கல்லூரிக்கு ரிட்டர்ன்..!