2026-27 ஆம் நிதியாண்டுக்கான பட்ஜெட் தாக்கல் செய்யப்படும் முக்கிய கூட்டத்தொடர், தமிழக வெற்றிக் கழக அரசின் முதல் முழுமையான நிதிநிலை அறிக்கையை முன்வைக்கும் வரலாற்று முக்கியத்துவம் வாய்ந்த நிகழ்வாக அமைந்தது.சென்னையில் உள்ள சட்டப்பேரவை வளாகத்தில் காலை 10 மணிக்கு கூட்டத்தொடர் தொடங்கி நடைபெற்றது. நிதியமைச்சர் என். மரிய வில்சன் 2026-27 ஆம் ஆண்டுக்கான மாநில பட்ஜெட்டை சபையில் தாக்கல் செய்து உரை நிகழ்த்தினார். அப்போது பல்வேறு துறைகளுக்கு பட்ஜெட் ஒதுக்கீடு தொடர்பாக அறிவிக்கப்பட்டது. மேலும் முக்கிய திட்டங்களுக்கான நிதி ஒதுக்கீடு விவரங்களும் அறிவிக்கப்பட்டன. 

பட்ஜெட் கூட்டத்தொடர் நிறைவடைந்த நிலையில், தமிழக அரசின் பட்ஜெட் தொடர்பாக எதிர் கட்சி தலைவர் உதயநிதி ஸ்டாலின் செய்தியாளர்களை சந்தித்து பேசினார். அப்போது, தமிழக வெற்றிக்கழக அரசுக்கும் இன்று வெளியான பட்ஜெட்டிற்கும் ஜீரோ மார்க் என்று தெரிவித்தார். மாற்றம் என ஆட்சிக்கு வந்து அனைத்து திட்டங்களுக்கும் ஸ்டிக்கர் ஒட்டி இருப்பதாக கூறினார்.

தமிழக வெற்றிக்கழக அரசு வாக்குறுதிகளை எப்போது நிறைவேற்றுவார்கள் என தகவல் இல்லை என்று தெரிவித்தார். திமுக ஆட்சியின் திட்டங்களில் வெற்றி என ஸ்டிக்கர் ஒட்டி இருப்பதாக தெரிவித்தார். திட்டங்களின் பெயரை மாற்றியது தான் தவெக அரசின் மாற்றம் என்றார். இந்தியாவிலேயே தமிழ்நாடு முன்னணி மாநிலமாக இருக்கிறது என பெருமையாக கூறுவதாகவும், அது திமுகவின் வெற்றி என்றும் கூறியுள்ளார்.

இதையும் படிங்க: கடன் வாங்கி தான் ஆகணும்..! அமிர்தமும் நஞ்சாகும்..! பட்ஜெட்டை விமர்சித்து தள்ளிய இபிஎஸ்..!!

ஒலிம்பிக் சிறப்பு மையம் என அனைத்தும் திமுக ஆட்சியில் செயல்படுத்திய திட்டங்கள் தான் என தெரிவித்து உள்ளார். முதன்முறையாக கல்விக்கான நிதியை குறைத்து ஒதுக்கி உள்ளார்கள் என்றார். முதல்வர் படைப்பகங்களை டிஜிட்டல் நூலகம் என பெயரை மாற்றியுள்ளனர் என்று தெரிவித்தார். ஆடிப்பெருக்கு நாளில் கூட காவிரியில் நீரின்றி செய்துள்ளது தவெக அரசு என கூறினார். 50 வருடங்களில் இல்லாத அளவு ஜூலை மாதத்தில் காவிரி நீர் குறைந்திருப்பதாக கூறினார். 

இதையும் படிங்க: கஜானா காலியா.? புதிய அறிவிப்புகளும், குற்றச்சாட்டுகளும்..!! பகீர் கிளப்பிய அமைச்சர் மரியவில்சன்..!