வாஷிங்டன்: ஈரானுடன் அணு ஆயுத ஒப்பந்தம் கையெழுத்தாகவில்லை என்றால், எதிர்காலத்தில் இன்னும் கடுமையான மற்றும் ஆக்ரோஷமான தாக்குதல்களை நடத்துவோம் என அமெரிக்க அதிபர் டொனால்ட் டிரம்ப் வலியுறுத்தியுள்ளார்.

ஈரானுடனான தற்போதைய நிலை குறித்து செய்தியாளர்களிடம் பேசிய டிரம்ப், “நாங்கள் ஈரானுடன் தொடர்ந்து பேச்சுவார்த்தை நடத்தி வருகிறோம். இன்று எங்கள் மூன்று போர்க் கப்பல்களைப் பயன்படுத்தி சில முக்கிய இலக்குகளைத் தாக்கினோம். எங்கள் கப்பல்களுக்கு எந்த சேதமும் ஏற்படவில்லை. ஆனால், அவர்களின் சில சிறிய படகுகளை அழித்தோம்” என்றார்.

மேலும், “ஈரான் ஒருபோதும் அணு ஆயுதம் வைத்திருக்க அனுமதிக்க மாட்டோம். அவர்களும் இதை ஒப்புக்கொண்டுள்ளனர். இப்போது ஒப்பந்தத்தில் கையெழுத்திடத் தயாராக இருக்கிறார்களா எனப் பார்ப்போம். பேச்சுகள் நல்ல முறையில் நடைபெற்று வருகின்றன. என்னைவிட ஈரான் தான் இந்த ஒப்பந்தத்தில் அதிக ஆர்வம் காட்டுகிறது” என டிரம்ப் தெரிவித்தார்.

இதையும் படிங்க: ஹைப்பர்சோனிக் ஏவுகணை தயார்! ஈரான் மீது புதிய தாக்குதல்! அமெரிக்க அதிபர் ட்ரம்ப் திட்டம்!

ஒப்பந்தத்தில் கையெழுத்திடாவிட்டால் என்ன நடக்கும் என்பதை விளக்கிய அவர், “அப்படி நடந்தால் எதிர்காலத்தில் மிகக் கடினமாகவும், மிக ஆக்ரோஷமாகவும் அவர்களைத் தாக்குவோம். நீங்கள் எதையும் விசாரிக்க வேண்டிய அவசியம் இருக்காது. ஏனெனில், ஈரானில் இருந்து ஒரு பெரிய தீப்பிழம்பு வெளிவருவதை நீங்கள் பார்ப்பீர்கள்” என எச்சரித்தார்.

ஈரான் அணு ஆயுதம் தயாரிப்பதை அமெரிக்கா உறுதியாக எதிர்க்கிறது. தற்போதைய பேச்சுவார்த்தைகள் வெற்றியடையும் என டிரம்ப் நம்பிக்கை தெரிவித்தாலும், ஒப்பந்தம் தோல்வியடைந்தால் பெரும் voதாக்குதல் நடத்தப்படும் என்பதை தெளிவாக எச்சரித்துள்ளார். 

இந்த எச்சரிக்கை உலக அரங்கில் பெரும் பரபரப்பை ஏற்படுத்தியுள்ளது. மத்திய கிழக்கு பதற்றம் அதிகரித்துள்ள நிலையில், ஈரான்-அமெரிக்கா இடையிலான பேச்சுவார்த்தை எந்த திசையில் செல்லும் என்பது உலக நாடுகளின் கவனத்தை ஈர்த்துள்ளது. 

இதையும் படிங்க: ஈரானுக்கு ரெண்டே வழிதான் இருக்கு!! பேச்சுவார்த்தையா? போரா? முடிவுபண்ணிக்குங்க! ட்ரம்ப் மிரட்டல்