அமெரிக்க அதிபர் டொனால்ட் டிரம்ப், இஸ்ரேல் நாடாளுமன்றத்தில் உரையாற்றுவதற்காக அந்த நாட்டுக்கு சென்று கொண்டிருக்கும் விமானத்தில் (ஏர்போர்ஸ் ஒன்), செய்தியாளர்களிடம் பேசினார். அங்கு, உக்ரைன் போரை விரைவில் முடிவுக்குக் கொண்டுவர ரஷிய அதிபர் விளாதிமிர் புதினுக்கு கூடுதல் அழுத்தம் கொடுக்கும் என அறிவித்தார். 

"போரை உடனடியாக முடியுங்கள், இல்லையென்றால் உக்ரைனுக்கு டாமஹாக் ஏவுகணைகளை அனுப்புவேன்" என்று புதினுக்கு எச்சரிக்கை விடுத்தார். இந்த அறிவிப்பு, உக்ரைன்-ரஷ்யா மோதலில் புதிய திருப்பத்தை ஏற்படுத்தியுள்ளது. டிரம்ப், போரை முடிவுக்குக் கொண்டுவருவதற்கான தனது முயற்சிகளில் கடுமையான அணுகுமுறையை எடுக்கிறார் என்பதை இது வெளிப்படுத்துகிறது.

ஏர்போர்ஸ் ஒன் விமானத்தில் செய்தியாளர்களிடம் பேசிய டிரம்ப், "உக்ரைனுடன் போர் நிறுத்த ஒப்பந்தத்தை மேற்கொள்ள, புதின் தலைமையிலான ரஷிய அரசுக்கு கூடுதல் அழுத்தம் கொடுப்பேன். அதற்காக, போரில் மாற்றத்தை ஏற்படுத்தக்கூடிய முக்கிய ஆயுதம் ஒன்றை உக்ரைனுக்கு அளிக்கும் விவகாரத்தை கையிலெடுப்பேன்" என்றார். 

இதையும் படிங்க: ட்ரம்ப் சொல்றதை எல்லாம் கேட்க முடியாது! முஷ்டி முறுக்கும் ரஷ்யா! புடின் மாஸ்டர் ப்ளான்!

டாமஹாக் ஏவுகணை "அற்புதமான ஆயுதம், அதன் தாக்குதல் திறன் மிக அதிகம்" என்று புகழ்ந்து, "அந்த ஆயுதம் உக்ரைன் கைகளுக்குச் சென்றால், ரஷியா ஒருபோதும் விரும்பாது" என சுட்டிக்காட்டினார். "நாங்கள் உக்ரைனுக்கு அனுப்பலாம் அல்லது அனுப்பாமல் போகலாம், ஆனால் இந்த விவகாரத்தை முன்னெடுப்பது அவசியம். ரஷியாவின் ஆக்கிரமிப்புத் தாக்குதலை முடிவுக்குக் கொண்டுவர டாமஹாக் முதல் படியாக இருக்கும்" என்று தெரிவித்தார்.

இந்த எச்சரிக்கை, டிரம்பின் இரண்டாவது காலத்தில் உக்ரைன் போரை முடிவுக்குக் கொண்டுவரும் முயற்சியின் தொடர்ச்சி. அவர், ரஷியாவுடன் நேரடி பேச்சுவார்த்தை நடத்தி, உக்ரைன் இழந்த பகுதிகளை விட்டுக்கொடுக்குமாறு நிபந்தனை விதித்துள்ளார். 

ஆனால், பல கட்ட பேச்சுகளுக்குப் பிறகும் போர் முடிவுக்கு வராததால், அவரது நிலைப்பாடு கடுமையடைகிறது. ரஷியாவின் தொடர் தாக்குதல்கள், உக்ரைன் அதிபர் வொலோடிமிர் ஸெலென்ஸ்கியின் நீண்ட தொலைவு ஆயுத கோரிக்கை ஆகியவை இதன் பின்னணி.

2022 பிப்ரவரி முதல் நடக்கும் இந்தப் போர், ரஷியாவின் உக்ரைன் ஆக்கிரமிப்பால் தொடங்கியது. ரஷ்யா, உக்ரைன் நேட்டோவில் (நேட்டோ ராணுவ கூட்டமைப்பு) இணைந்தால், அமெரிக்க ஏவுகணைகள் சில நிமிடங்களில் மாஸ்கோவை தாக்கும் என எச்சரித்தது. 

இதைத் தடுக்க, உக்ரைன் கிழக்கு பிரதேசங்களை கைப்பற்றியது. ஸெலென்ஸ்கி, ரஷியாவின் தொலைவில் உள்ள இலக்குகளைத் தாக்கும் நீண்ட தொலைவு ஏவுகணைகளை அமெரிக்கா, பிற நாடுகளிடம் கோரினார். ஆனால், அமெரிக்கா மற்றும் பிரிட்டன், குறுகிய தொலைவு ஆயுதங்களை மட்டும் வழங்கினர்.

கடந்த ஆண்டு இறுதியில், அமெரிக்கா-பிரிட்டன் உக்ரைனுக்கு ரஷியாவுக்குள் தாக்குதல் அனுமதி அளித்தன. இதற்கு பதிலடியாக, ரஷ்யா 2024 அக்டோபரில் உக்ரைனின் நீப்ரோ நகரில் "ஆரெஷ்னிக்" என்ற நடுத்தர தொலைவு ஏவுகணையை வீசியது. இது இடைமறிக்க முடியாத ஆயுதம் என ரஷியா தெரிவித்தது.

 "மேற்கத்திய நாடுகளுக்கு உக்ரைன் தொலைவு தாக்குதல் திறன் அளித்தால், ஆரெஷ்னிக் அவர்களைத் தாக்கும்" என்று புதின் எச்சரித்தார். இந்த சூழலில், டிரம்பின் டாமஹாக் (1,500 மைல் தொலைவு) அறிவிப்பு பரபரப்பை ஏற்படுத்தியுள்ளது.

டிரம்ப், ஜோ பைடன் அரசின் நிலைப்பாட்டை மாற்றி, ரஷியாவுடன் நேரடி பேச்சுகளைத் தொடங்கினார். அலாஸ்காவில் புதினுடன் சந்தித்து, போரை முடிவுக்கு கொண்டுவர முயன்றார். ஆனால், ரஷியாவின் முன்னேற்றம், உக்ரைனின் இழப்புகள் ஆகியவை போரை நீட்டித்துள்ளன.

 டிரம்ப், "உக்ரைன் இழந்த பகுதிகளை விட்டுக்கொடுக்க வேண்டும்" என நிபந்தனை விதித்தார். இப்போது, டாமஹாக் அறிவிப்பு அவரது கடுமையை வெளிப்படுத்துகிறது. ரஷ்யா "அதிர்ச்சி" தெரிவித்துள்ளது – க்ரெம்லின் பேச்சாளர் டிமிட்ரி பெஸ்கோவ், "இது அபாயகரமானது" என்றார். பெலாரஸ் அதிபர் அலெக்ஸாண்டர் லுகாஷென்கோ, "அமெரிக்கா அனுப்பாது" என நம்பினார். இந்த எச்சரிக்கை, உக்ரைன் போரை முடிவுக்குக் கொண்டுவரும் டிரம்பின் உத்தியை வலுப்படுத்துகிறது.

இதையும் படிங்க: ரஷ்யாவை விடக் கூடாது! பயங்கரமான ஆயுதங்களை கொடுங்க! அமெரிக்காவிடம் கேட்கும் உக்ரைன்!!