2026 தமிழ்நாடு சட்டமன்றத் தேர்தல் முடிவுகள் தமிழக அரசியலை முழுமையாக புரட்டிப் போட்டுள்ளன. நடிகராக இருந்து அரசியலுக்கு வந்த விஜய்யின் தமிழக வெற்றிக் கழகம் முதல் முறையிலேயே பெரிய தாக்கத்தை ஏற்படுத்தி, 108 தொகுதிகளில் வெற்றி பெற்று ஒற்றைப் பெரிய கட்சியாக உருவெடுத்தது. திமுகவும் அதிமுகவும் பாரம்பரிய பலத்துடன் கணிசமான இடங்களை இழந்த நிலையில், தவெக தமிழக அரசியலின் புதிய சக்தியாக மாறியது.
ஆனால், 234 உறுப்பினர்களைக் கொண்ட சட்டமன்றத்தில் பெரும்பான்மைக்கு (118) தேவையான எண்ணிக்கையை எட்டாததால், அரசு அமைப்பு இன்னும் நிச்சயமற்ற நிலையில் உள்ளது. இந்தச் சூழலில்தான் “விஜய்யை ஏன் கெஞ்ச விடுகிறீர்கள்?”, “ரீ-எலெக்ஷன் வைத்தாலும் நாங்கள் தயார்” என்று தொண்டர்கள் கொந்தளிக்கத் தொடங்கியுள்ளனர்.
தேர்தல் முடிவுகளுக்குப் பிறகு தவெக 108 இடங்களுடன் முன்னிலையில் இருந்தாலும், விஜய் இரண்டு தொகுதிகளில் வெற்றி பெற்றதால் ஒரு இடத்தை ராஜினாமா செய்ய வேண்டிய நிலை உருவானது. காங்கிரஸின் 5 எம்எல்ஏக்களின் ஆதரவுடன் கூட்டணி வலிமை 113 ஆக உயர்ந்தது. ஆனாலும், இன்னும் சில இடங்கள் தேவைப்படும் நிலையில், மற்ற கட்சி எம்எல்ஏக்களிடம் ஆதரவு தேடும் பேச்சுவார்த்தைகள் நடைபெறுகின்றன. இந்த நிலையில், “யாரிடமும் கெஞ்ச வேண்டாம்” என்று தொண்டர்கள் உணர்ச்சிவசப்படுகின்றனர்.
இதையும் படிங்க: BP எகிறுதே..! திக்.. திக்.. நிமிடங்கள்..! திருமா. பதிலுக்கு காத்திருக்கும் தமிழ்நாடு..!
தொண்டர்களின் கொந்தளிப்புக்கு முக்கியக் காரணம், தவெக தனித்துப் போட்டியிட்டு புதிய அரசியல் மாற்றத்தை உருவாக்கியதுதான். பாரம்பரியக் கட்சிகளின் கூட்டணி அரசியலை எதிர்த்து, மக்கள் ஆதரவுடன் தன்னம்பிக்கையுடன் களமிறங்கிய விஜய்யின் கட்சி, இப்போது எதிர்க்கட்சிகளுடன் பேச்சுவார்த்தை நடத்த வேண்டிய நிலைக்குத் தள்ளப்பட்டிருப்பதை அவர்கள் ஏற்க மறுக்கின்றனர். “விஜய் அண்ணாவை யாரிடமும் கெஞ்ச விடமாட்டோம்”, “ரீ-எலெக்ஷன் வந்தால் மீண்டும் பெரும்பான்மை பெறுவோம்” என்ற கோஷங்கள் சமூக ஊடகங்களிலும் தெருக்களிலும் எதிரொலிக்கின்றன. சில தொண்டர்கள், தவெகவின் வெற்றி இடங்களில் சிலவற்றில் மிகக் குறுகிய வித்தியாசத்தில் தோல்வியடைந்ததைச் சுட்டிக்காட்டி, மறு வாக்குப்பதிவு கோரிக்கையையும் முன்வைக்கின்றனர்.
இதையும் படிங்க: “விஜய் என்ற ஒற்றை மனிதனுக்காகவே...”... அரசியல் களத்தையே பரபரப்பாக்கிய தளபதி நண்பர்... முருகன் கோயிலில் வைத்து சபதம்...!