தமிழக காங்கிரஸ் கமிட்டி தலைவர் மாணிக்கம் தாகூர் அவர்கள் சமீபத்தில் வெளியிட்ட கருத்துக்கள் அரசியல் வட்டாரங்களில் பெரும் விவாதத்தை ஏற்படுத்தியுள்ளன. சேலம் மாநகராட்சியில் நடைபெற்ற ஒரு நிகழ்வை முன்னிறுத்தி அவர் திமுகவின் அணுகுமுறையை கடுமையாக விமர்சித்துள்ளார். இது பெண் பிரதிநிதித்துவத்திற்கு எதிரான போக்கை வெளிப்படுத்துவதாக அவர் குறிப்பிட்டுள்ளார்.

மாணிக்கம் தாகூர் தனது கருத்தில், சென்னை மாநகராட்சியில் மேயர் அருகில் துணை மேயர் மகேஷ் குமார் அமர வைக்கப்படும் நிகழ்வை எடுத்துக்காட்டாகக் குறிப்பிட்டார். அதே நேரத்தில் சேலம் மாநகராட்சியில் மட்டும் மக்களால் தேர்ந்தெடுக்கப்பட்ட பெண் துணை மேயர் சகோதரி சாரதா தேவியின் இருக்கையை மேடையை விட்டு மாற்றி, அவரை சஸ்பெண்ட் செய்த செயல் மிகவும் கவலைக்குரியது என்று அவர் வலியுறுத்தினார். இது திமுக மேயர் ராமச்சந்திரனின் மற்றும் திமுகவின் அப்பட்டமான பெண் பிரதிநிதித்துவத்திற்கு எதிரான போக்கை வெளிப்படையாகக் காட்டுகிறது என்று மாணிக்கம் தாகூர் தெரிவித்தார்.

இத்தகைய செயல் வன்மையாகக் கண்டிக்கத்தக்கது என்று அவர் வலியுறுத்தினார்.பெண்கள் அதிகாரப் பொறுப்புகளுக்கு வரும்போது அவர்களை ஒடுக்கி அவமதிப்பதுதான் திமுக மற்றும் எதிர்க்கட்சித் தலைவர் உதயநிதியின் உண்மையான மனநிலையா என்று அவர் கேள்வி எழுப்பினார். மக்களுக்கு ஆக்கப்பூர்வமாகப் பணியாற்றாமல் நாற்காலியை வைத்து பழிவாங்கும் அரசியல் செய்யும் இவர்களின் அப்பட்டமான பெண் விரோதப் போக்கை மக்கள் கவனித்துக் கொண்டுதான் இருக்கிறார்கள் என்று மாணிக்கம் தாகூர் சுட்டிக்காட்டினார்.

இதையும் படிங்க: நசுக்கப்படும் கல்வி உரிமை.! பாழாகும் மாணவர்கள் எதிர்காலம்... மாணிக்கம் தாகூர் விமர்சனம்.!

சேலம் திமுக மேயரின் இந்த செயலை அவர் வன்மையாக கண்டித்தார்.மக்களால் தேர்ந்தெடுக்கப்பட்ட துணை மேயர் சகோதரி திருமதி சாரதா தேவி அவர்களுக்கு தமிழ்நாடு காங்கிரஸ் கமிட்டி துணை நிற்கும் என்று அவர் உறுதியளித்தார். அதேபோல் சகோதரி திருமதி கிரிஜா அவர்கள் உள்ளிருப்பு போராட்டம் உண்ணாவிரதத்தை கைவிட வேண்டுகிறேன் என்று அழைப்பு விடுத்தார். எத்தனை தடைகள் வந்தாலும் மக்களுக்கான மக்கள் பணியைத் தொடர்ந்து உறுதியோடு முன்னெடுக்கும் என்று மாணிக்கம் தாகூர் உறுதி அளித்தார்.

இதையும் படிங்க: விஜய் பிரதமரா? இன்னும் ரசிகர் மன்ற Mode-ல்தான் இருக்கிறார்கள்! தவெக அமைச்சர்களை கிண்டல் செய்த மாணிக்கம் தாகூர்