இங்கிலாந்துக்கு சுற்றுப்பயணம் மேற்கொண்டுள்ள இந்திய மகளிர் அணி அங்கு 5 டி20 மற்றும் 3 ஒருநாள் போட்டிகளில் விளையாடுகிறது. இதில் 5 போட்டிகள் கொண்ட டி20 தொடர் முதலில் நடைபெறுகிறது. அத்தொடரின் முதல் போட்டி இன்று நாட்டிங்கம் கிரிக்கெட் மைதானத்தில் துவங்கியது. இந்த போட்டியில் டாஸ் வென்ற இங்கிலாந்து அணி முதலில் பந்து வீச்சை தேர்வு செய்தது. அதைத்தொடர்ந்து களமிறங்கிய இந்திய அணிக்கு சபாலி வர்மா – கேப்டன் ஸ்மிருதி மந்தனா ஆகியோர் ஜோடி சேர்ந்து ரன் குவிக்க தொடங்கினர்.
இதில் ஷபாலி 22 பந்துகளில் 20 ரன்கள் எடுத்து ஆட்டமிழந்தார். மறுபுறம் அதிரடியாக ஆடிய ஸ்மிருதி மந்தனா 27 பந்துகளில் அரை சதத்தை அடித்தார். அவருடன் ஜோடி சேர்ந்து விளையாடிய ஹர்லின் தியோல் 2வது விக்கெட்டுக்கு 94 ரன்கள் பார்ட்னர்ஷிப் அமைத்து அதிரடியாக 43 ரன்கள் விளாசி அவுட்டானார். அடுத்ததாக வந்த ரிச்சா கோஸ் 8 ரன்னில் விக்கெட்டை இழந்தார். ஒருபுறம் விக்கெட்டுகள் விழும் நிலையில் மறுபுறம் தொடர்ந்து சிறப்பாக விளையாடிய மந்தனா 51 பந்துகளில் தனது முதல் சதத்தை அடித்தார்.
இதையும் படிங்க: உலகின் நம்பர் 1 வீராங்கனை... பெருமையை தக்க வைத்தார் ஸ்மிருதி மந்தனா... மீண்டும் முதலிடம்!!
ஏற்கனவே ஒருநாள் மற்றும் டெஸ்ட் கிரிக்கெட்டிலும் அவர் சதத்தை அடித்துள்ளார். அதன் வாயிலாக டெஸ்ட், ஒருநாள், டி20 ஆகிய 3 வகையான மகளிர் சர்வதேச கிரிக்கெட்டிலும் சதத்தை அடித்த முதல் இந்திய வீராங்கனை என்ற சாதனையை மந்தனா படைத்துள்ளார். அவருக்கு முன் ஹர்மன்ப்ரீத், மித்தாலி ராஜ் போன்ற எந்த இந்திய வீராங்கனைகளும் 3 விதமான கிரிக்கெட்டிலும் சதத்தை அடித்ததில்லை. 3 விதமான மகளிர் சர்வதேச கிரிக்கெட்டிலும் சதத்தை அடித்த முதல் ஆசிய வீராங்கனை என்ற வரலாற்றையும் மந்தனா படைத்துள்ளார்.
தொடர்ந்து சிறப்பாக விளையாடிய அவர் 62 பந்துகளில் 15 பவுண்டரி 3 சிக்சருடன் 112 ரன்கள் விளாசி அவுட்டானார். இதன் மூலம் சர்வதேச டி20 கிரிக்கெட்டில் அதிகபட்ச ஸ்கோரை பதிவு செய்த இந்திய வீராங்கனை என்ற சாதனையையும் மந்தனா படைத்துள்ளார். இதற்கு முன் 2018 நியூஸிலாந்துக்கு எதிராக ஹர்மன்ப்ரீத் கௌர் 103 ரன்கள் அடித்திருந்தார். இறுதியில் அமன்ஜோத் கௌர் 3* (3), தீப்தி சர்மா 7* (3) ரன்கள் எடுத்த உதவியுடன் 20 ஓவரில் இந்தியா 210/5 ரன்கள் குவித்தது. இங்கிலாந்துக்கு அதிகபட்சமாக லாரன் பெல் 3 விக்கெட்டுகள் எடுத்தார்.
இதையும் படிங்க: அறிமுக டெஸ்ட் போட்டியில் சதம்... இந்திய கேப்டன் கில் அபார சாதனை!!