அமெரிக்க-இஸ்ரேலின் அடாவடியால் ஈரான் மற்றும் மத்திய ஆசிய நாடுகளில் நிலவி வரும் போர் பதற்றங்களைக் காரணம் காட்டி, சர்வதேச அளவில் கச்சா எண்ணெய் மற்றும் இயற்கை எரிவாயு விநியோகச் சங்கிலியில் மிகப்பெரிய தடை ஏற்பட்டுள்ளது. இந்தியாவின் எல்பிஜி தேவையில் சுமார் 60 விழுக்காடு சவுதி அரேபியா மற்றும் கத்தார் போன்ற நாடுகளிலிருந்து செய்யப்படுகிறது. இச்சூழலில் மேற்காசிய போரால் அந்நாடுகளில் பதற்றம் நிலவி வருவதாலும் ஹார்மூஸ் நீரணை பாதை முடங்கி உள்ளதாலும் இந்தியாவின் எல்பிஜி விநியோகம் கடுமையாக பாதிக்கப்பட்டுள்ளதாக கூறப்படுகிறது.
இதன் நேரடித் தாக்கமாகத் தமிழகத்தில் சமையல் எரிவாயு (LPG) சிலிண்டர்களுக்குக் கடும் தட்டுப்பாடு நிலவத் தொடங்கியுள்ளது. வணிக பயன்பாட்டுக்கான சிலிண்டர் தட்டுப்பாடு எதிரொலியால் தமிழ்நாட்டில் ஏராளமான சிறு, குறு உணவகங்கள், டீ கடைகள், பேக்கரி உள்ளிட்டவை மூடப்படக்கூடிய சூழல் ஏற்பட்டுள்ளது.இதனால் உணவகங்களை மட்டுமே நம்பி இருக்கும் மாணவர்கள் முதியோர் நோயாளிகள் தினக்கூழி தொழிலாளர்கள் கடுமையாக பாதிக்கப்பட்டுள்ளது.
சிலிண்டர் தட்டுபாடு காரணமாக மக்கள் கேஸ் புக்கிங் தொடர்ந்து செய்தி வருகின்றனர், இதனால் தற்போது எண்ணெய் நிறுவனங்கள் முன்பதிவு கால அவகாசத்தை 21 நாட்களிலிருந்து 25 நாட்களாக அதிகரித்துள்ளன, இது மேலும் அதிகரிக்கக்கூடும் என்று கூறப்படுகிறது. கேஸ் சிலிண்டர் தட்டுப்பாடு காரணமாக வியாபாரிகள் மாற்று ஏற்பாடுகளை தேடி வருகின்றனர். அந்த வகையில் ராக்கெட் அடுப்பிற்கு மீண்டும் மவுசு கூட ஆரம்பித்துள்ளது. கேஸுக்கு மாற்றாக விறகு அடுப்புகளுக்கு வியாபாரிகள் மாறி வருகின்றனர். மதுரையில் கேஸ் தட்டுப்பாடு ஏற்பட்டுள்ள நிலையில் மதுரை வைகை தென்கரை சாலையில் அமைந்துள்ள மதுரை இயற்கை அடுப்பு கடையில் இன்று மதியம் ராக்கெட் அடுப்பை வாங்க ஹோட்டல் உரிமையாளர்கள் ஆர்வம் காட்டி வருகிறார்கள்.
இதையும் படிங்க: உச்சக்கட்ட போர் பதற்றம்... உடனே போனை செக் பண்ணுங்க... HPCL வெளியிட்ட முக்கிய மெசெஜ்...!
இந்த விறகினை சிறு துண்டுகளாக வெட்டிப்போட்டு பற்ற வைத்து எரிக்கும் ராக்கெட் அடுப்புகள் தற்போது கைகொடுக்கிறது. இரும்புடன் எக்கினாலான இந்த அடுப்புகளை தேவையான இடத்தில் வைத்து பயன்படுத்தலாம். இந்த ராக்கெட் அடுப்பு கேஸ் தட்டுப்பாடு ஏற்படுவதற்கு முன்னதாக விற்பனை என்பது குறைவாகத்தான் இருக்கும். ஆனால அடுப்புகள் விற்பனை அதிகமாகி உள்ளது. கரண்ட் மூலம் இந்த ராக்கெட் அடுப்பு இயங்கும் வகையில் வடிவமைக்கப்பட்டுள்ளது. ஒரு சிலிண்டர் அளவிற்கு விறகை போட்டால் ஐந்து சிலிண்டர் அளவிற்கு வரை சமைக்கலாம், இந்த அடுப்பு 1500 ரூபாய் முதல் 45 ஆயிரம் வரை விற்பனை செய்யப்படுகிறது என கடையின் விற்பனையாளர் தெரிவித்துள்ளார்.
இதையும் படிங்க: #BREAKING தமிழகத்தில் கேஸ் சிலிண்டர் தட்டுப்பாடு? - எண்ணெய் நிறுவனங்களுக்கு உடனே பறந்த உத்தரவு...!