மேற்கு வங்க சட்டமன்றத் தேர்தலில் திரிணாமூல் காங்கிரஸ் கட்சி (TMC) பிரம்மாண்ட வெற்றி பெற்று மீண்டும் ஆட்சியைத் தக்க வைக்கும் என அத்தேசத்தின் முதலமைச்சரும், அக்கட்சியின் தலைவருமான மம்தா பானர்ஜி மிகுந்த தன்னம்பிக்கையுடன் தெரிவித்துள்ளார். தேர்தலுக்குப் பிந்தைய கருத்துக்கணிப்புகள் பலவும் மாற்றுக் கருத்துக்களை முன்வைத்துள்ள நிலையில், அவர் அதனை முற்றிலுமாக நிராகரித்துள்ளார்.

மேற்கு வங்கத் தேர்தல் களம் குறித்துப் பேசிய மம்தா பானர்ஜி, தனது கட்சி 226 தொகுதிகளுக்கு மேல் தனிப் பெரும்பான்மையுடன் வெற்றி பெற்று மீண்டும் ஆட்சியை அமைக்கும் என்று கூறினார். மக்களின் ஆதரவு தங்களுக்குப் பெரிய அளவில் இருப்பதாகவும், வாக்கு எண்ணிக்கையின் போது இது உறுதி செய்யப்படும் என்றும் அவர் குறிப்பிட்டார்.

பல்வேறு ஊடகங்கள் வெளியிட்டுள்ள எக்ஸிட் போல் (Exit Poll) முடிவுகள் குறித்துக் காட்டமாகப் பதிலளித்த அவர், "இந்தத் தேர்தலுக்குப் பிந்தைய கருத்துக்கணிப்புகளுக்குப் பின்னால் பாஜக உள்ளது. மக்களைக் குழப்புவதற்காகத் திட்டமிட்டு இத்தகைய முடிவுகள் வெளியிடப்படுகின்றன. எனவே, இந்த போலி கணிப்புகளை நாங்கள் முழுமையாக நிராகரிக்கிறோம்" என்று தெரிவித்தார்.

இதையும் படிங்க: இதுவரை இப்படியொரு அதிரடி சம்பவம் நடந்ததில்லை! மம்தா கோட்டையைத் தகர்க்கிறதா பாஜக? மேற்கு வங்க எக்ஸிட் போல்!

மம்தா பானர்ஜியின் இந்த அதிரடி அறிக்கை திரிணாமூல் காங்கிரஸ் தொண்டர்களிடையே உற்சாகத்தை ஏற்படுத்தியுள்ளது. பாஜக மற்றும் திரிணாமூல் காங்கிரஸ் இடையே நிலவும் இந்த நேரடிப் போட்டியில், மே 4-ஆம் தேதி வெளியாகப்போகும் அதிகாரப்பூர்வ முடிவுகளே வங்காளத்தின் அடுத்த ஐந்து ஆண்டுகளைத் தீர்மானிக்கப் போகிறது.

இதையும் படிங்க: மேற்கு வங்கத் தேர்தல் நிறைவு: 2-ம் கட்டத்தில் 90% வாக்குப்பதிவு! மே 4-ல் வெளியாகிறது இறுதி முடிவு!