சூப்பர் ஸ்டார் ரஜினிகாந்த் நடிப்பில், த.செ.ஞானவேல் இயக்கத்தில் வேட்டையன் திரைப்படம் கடந்த ஆண்டு அக்டோபர் 10 ஆம் தேதி வெளியானது. இந்த படத்திற்கு அனிருத் இசை அமைத்திருந்தார். லைக்கா புரொடக்ஷன்ஸ் இத்திரைப்படத்தை தயாரித்திருந்தது. ரஜினிகாந்த், அமிதாப்பச்சன் தவிர, ராணா டகுபதி, ஃபகத் பாசில், மஞ்சு வாரியர், ரீத்திகா சிங், துஷாரா விஜயன், அபிராமி என பலரும் இதில் நடித்திருந்தனர். 

கபாலி படத்திற்கு பிறகு ரஜினிகாந்த் இளம் தலைமுறை இயக்குநர்களின் திரைப்படங்களில் நடித்து வருகிறார். அந்த வகையில் பா.ரஞ்சித்துடன் கபாலி காலா, கார்த்திக் சுப்பராஜுடன் பேட்ட, நெல்சன் இயக்கத்தில் ஜெயிலர், ஜெயிலர் 2 என வரிசையாக நடித்து வந்த ரஜின். அதேபோன்று லோகே, தற்போது லோகேஷ் கனகராஜுடன் கூலி படத்தில் நடித்திருக்கிரார். இதற்கு முன் கமலை வைத்து லோகேஷ்  இயக்கிய விக்ரம் திரைப்படம் 600 கோடி வசூலை குவித்ததை அடுத்து கூலி படத்திற்கு ரசிகர்கள் பெரும் ஆவலுடன் காத்திருக்கின்றனர்.

இதையும் படிங்க: பெண்களை கொண்டாடிய சினிமா... கிட்சன் முதல் அறம் வரை!!

கூலி படத்தின் ஷூட்டிங் ஐதராபாத் மற்றும் சென்னை ஆகிய இடங்களில் செட் அமைத்துப் படமாக்கப்பட்டது. லோகேஷ் கனகராஜ் இயக்கும் இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்க, கிரிஷ் கங்காதரன் ஒளிப்பதிவாளராக பணியாற்றுகிறார். சன் பிக்சர்ஸ் நிறுவனம் தயாரிக்கிறது. இந்த படத்தில் சத்யராஜ், நாகார்ஜுனா, ஸ்ருதிஹாசன் மற்றும் உபேந்திரா ஆகியோர் முக்கிய வேடங்களில் நடிக்கின்றனர்.

தற்போது படத்தின் இறுதிகட்ட ஷூட்டிங் நடைபெற்று வரும் நிலையில் இசையமைப்பாளர் அனிருத் டீசருக்கான இசையை முடித்து கொடுத்துவிட்டதாக கூறப்படுகிறது. இதனால் படத்தின் டீசர் வெளியீடு குறித்த அப்டேட் வெளியாகியுள்ளது. அதன்படி, வரும் மார்ச் 14ஆம் தேதி கூலி படத்தின் டீசர் வெளியாகும் என தகவல்கள் வெளியாகியுள்ளன. 

இதையும் படிங்க: சிவகார்த்திகேயனுக்கு வில்லனாகும் ஆர்யா... இலங்கையில் விறுவிறு படப்பிடிப்பு!!