லெஜெண்ட் சரவணனை அனைவரும் பார்த்து இருக்க முடியும். சரவணா ஸ்டார் பாத்திர கடை, சரவணா ஸ்டார் சில்க்ஸ் அண்ட் ரெடிமேட்ஸ், சரவணா ஸ்டார் தங்க மாளிகை என பல கடைகளுக்கு சொந்தக்காரர் தான் லெஜெண்ட் சரவணன். இவர் தினமும் கடைக்கு தனி ரக விலையுயர்ந்த காரில் செல்பவர்.
இப்படி பட்டவருக்கு நடிக்கும் ஆசை என்பது கொஞ்சம் அதிகம். ஆதலால் தனது கடைக்கான முதல் விளம்பரங்களை ஒரு ஹீரோயினுடன் நடிக்க ஆரம்பித்தவர், பின்பு பல நடிகைகளுடன் நடித்து தனது கடையை மட்டும் அல்லாமல், தன்னையும் பிரபல படுத்திக்கொண்டார். இப்படியே விளம்பரம் மட்டுமே நடிக்கிறீர்களே எப்பொழுது ஹீரோ ஆவீர்கள் என ரசிகர்கள் "சும்மா இருந்தவரை சொரிந்து விடுவது போல்" அவரை உசுப்பேத்த, பல கோடி ரூபாய் செலவு செய்து சைன்டிஸ்ட்டாக அவதாரம் எடுத்து படத்தில் நடித்தார்.
இதையும் படிங்க: பிக்பாஸ் பிரபல நடிகை திடீர் மரணம்..! புலம்பி அழும் ரசிகர்கள்... நடந்தது என்ன..?
அப்படத்தில், லெஜெண்ட் சரவணன் எப்படி தான் நடித்து இருக்கிறார் என்பதை பார்க்க ஒருகூட்டம் தியேட்டருக்கு சென்று படத்தை ஹிட் ஆக்கியது. இதனை தொடர்ந்து லெஜெண்ட் தனது அடுத்த படத்தில் நடித்து வருவதாக தகவல்கள் வந்த வண்ணம் இருந்தது.
இந்த நிலையில் தற்பொழுது தி லெஜெண்ட் நியூ சரவணா ஸ்டோர்ஸ் புரொடக்ஷன்ஸ் தயாரிப்பில் 'கருடன்' திரைப்படத்தின் இயக்குநர் ஆர்.எஸ் துரை செந்தில்குமார் இயக்கத்தில், ஜிப்ரான் இசையமைப்பில், எஸ். வெங்கடேஷ் ஒளிப்பதிவில் நடிகர் லெஜெண்ட் சரவணாவுக்கு ஜோடியாக பிரபல பாலிவுட் நடிகையான பாயல் ராஜ்புத் நாயகியாக நடிக்கிறார். மேலும் ஷாம், ஆண்ட்ரியா, பாகுபலி பிரபாகர், சந்தோஷ் பிரதாப், பேபி இயல் உள்ளிட்டோர் முக்கிய வேடங்களில் நடிக்கின்றனர்.
இப்படி இருக்க, தனது உறவினரின் திருமணத்தில் கலந்து கொண்ட லெஜெண்ட் சரவணன் செய்தியாளர்ளை சந்தித்து பேசுகையில், "என்னுடைய அடுத்த படத்தின் படப்பிடிப்புகள் அனைத்தும் விறுவிறுப்பாக நடைபெற்று தற்பொழுது இறுதி கட்டத்தை அடைந்துள்ளது. விரைவில் போஸ்ட் ப்ரொடக்ஷன் பணிகள் நிறைவடைந்து விடும். கண்டிப்பாக என் படத்தை நீங்கள் அனைவரும் பார்க்கும் வகையில் தீபாவளிக்கு உலகெங்கும் உள்ள திரையரங்குகளில் வெளியிட திட்டமிட்டுள்ளோம். இப்படத்தில் நீங்கள் நினைத்து பார்க்க முடியாத வண்ணம் மாஸ், ஆக்ஷன், சஸ்பென்ஸ், திரில் என இன்றைய டிரெண்ட்டுக்கு ஏற்ற வகையில் இத்திரைப்படம் இருக்கும், ஒரு புதிய ஜானரில் அனைவரும் கவரும் வகையில் எடுக்கப்பட்ட இப்படத்தின் டைட்டிலும் கண்டிப்பாக மாஸாக இருக்கும்.
படம் குறித்த மேலும் தகவல்கள் விரைவில் வெளியாகும். மொத்தத்தில் இந்த தீபாவளி நம்ம தீபாவளியாக, அனைவரின் தீபாவளியாக இருக்கும். நன்றி, வணக்கம்." என கூறி சென்றார்.
இதையும் படிங்க: நடிகைகளும் கொக்கைன் யூஸ் பண்ணுறாங்கம்மா.. குண்டை தூக்கிப்போட பாடகி சுசித்ரா..!