தெலுங்கு சினிமாவின் மாஸ் மஹாராஜா என அழைக்கப்படும் ரவி தேஜா, தற்போது இயக்குநர் பானு போகவரபு இயக்கத்தில் உருவாகி வரும் புதிய திரைப்படமான “மாஸ் ஜதாரா”-வின் முக்கிய கதாபாத்திரத்தில் நடித்து வருகிறார். இப்படத்தில் அவருக்கு ஜோடியாக இளமையிலும் அழகிலும் ரசிகர்களை வசீகரித்துவரும் நடிகை ஸ்ரீலீலா நடித்துள்ளார். இந்த இருவரின் ஜோடி, தெலுங்கு ரசிகர்களிடம் ஏற்கனவே Dhamaka படத்திலிருந்து பெரும் வரவேற்பை பெற்றது.

இதையும் படிங்க: ஹாரர்-காமெடி படமான சக்தி ஷாலினி படத்தில் பிரபல நடிகை அனீத் பத்தா..! திடீர் அறிவிப்பால் குஷியில் ரசிகர்கள்..!

அதே மாயாஜாலத்தை மீண்டும் உருவாக்கும் நோக்கத்தில் உருவாகி வரும் இந்த படம், தற்போது மிகுந்த எதிர்பார்ப்பை பெற்றுள்ளது. தயாரிப்பு நிறுவனங்கள் வெளியிட்ட அதிகாரப்பூர்வ தகவலின்படி, “மாஸ் ஜதாரா” படம் அக்டோபர் 31, அன்று உலகமெங்கும் பிரம்மாண்டமாக திரையிடப்பட உள்ளது. தீபாவளி வெளியீட்டுக்குப் பின் வருவதால், இந்த படம் பாக்ஸ் ஆபிஸ் கலெக்‌ஷனில் மாஸ் வெடிப்பை ஏற்படுத்தும் என எதிர்பார்க்கப்படுகிறது. இந்த படத்தின் முக்கியமான “சூப்பர் டூப்பர்” எனும் பாடல் அக்டோபர் 22 அன்று வெளியாகவிருக்கிறது. இதற்கு முன்பாக அந்தப் பாடலின் புரோமோ வீடியோ வெளியாகி சமூக வலைதளங்களில் வைரலாகியுள்ளது. சில வினாடிகளே இருந்தாலும், அந்த புரோமோவில் ரவி தேஜாவின் எக்ஸ்பிரஷன்களும், ஸ்ரீலீலாவின் ஆட்டத்தும் ரசிகர்களை மூழ்கடித்துவிட்டது.

புரோமோ வெளியான சில மணி நேரங்களிலேயே யூடியூபில் 3 மில்லியன் பார்வைகள் தாண்டியுள்ளது என்பது குறிப்பிடத்தக்கது. இந்தப் படத்தின் இசையமைப்பாளர் பீம்ஸ் சிசிரோலியோ, தெலுங்கு சினிமாவின் பல மாஸ் ஹிட் பாடல்களுக்கு பெயர் பெற்றவர். இந்த முறை அவர் “சூப்பர் டூப்பர்” பாடலை ரோகினி சோரட் உடன் இணைந்து பாடியுள்ளார். பாடல் ஒரு பெரிய மாஸ் பீட் கொண்ட டான்ஸ் நம்பர் என்று இசை ரசிகர்கள் கூறுகின்றனர். இதனை குறித்து பீம்ஸ் ஒரு பேட்டியில், “ரவி தேஜா சார் திரையில் வரும் ஒவ்வொரு முறையும் ரசிகர்கள் ஆட்டம் போட வைக்கும் ஆற்றல் கொண்டவர். அந்த ஆற்றலுக்கு ஏற்ற மாதிரி இந்த பாடலை உருவாக்கினேன்” என்றார். இந்த படத்தின் கதையை தயாரிப்பு தரப்பினர் ரகசியமாக வைத்திருக்கிறார்கள்.

ஆனால் தெலுங்கு மீடியாவில் வெளியாகிய தகவலின்படி, “மாஸ் ஜதாரா” என்பது குற்ற உலகம், அரசியல் மற்றும் நகைச்சுவை கலந்த அதிரடி படமாக இருக்கும் என கூறப்படுகிறது. ரவி தேஜா இதில் கடினமான போலீஸ் அதிகாரியாக, அதே நேரத்தில் நகைச்சுவை உணர்வும் கொண்ட கதாபாத்திரமாக நடிக்கிறார். ஸ்ரீலீலா ஒரு நியூஸ் ரிப்போர்டராக, கதையின் முக்கிய திருப்பத்திற்கான காரணமாக இருப்பார். ரவி தேஜா கடந்த ஆண்டு வெளியான Eagle படத்திற்குப் பின் ரசிகர்களிடம் பெரிய எதிர்பார்ப்பை ஏற்படுத்தினார். அவரின் மாஸ் திரும்புவை காண ரசிகர்கள் ஆவலாக காத்திருந்தனர். ரவி தேஜா சமீபத்திய பத்திரிகையாளர் சந்திப்பில்,“இந்த படம் எனது ரசிகர்களுக்கான ஒரு பெரிய கொண்டாட்டம்.

ஒவ்வொரு காட்சியும், ஒவ்வொரு பாடலும் அவர்களை உற்சாகப்படுத்தும். பானு போகவரபு ஒரு மாஸ் கதையையும், உணர்வுகளையும் சரியாக கலக்கிறார்” என்றார். இளம் வயதிலேயே ஸ்ரீலீலா தெலுங்கு சினிமாவின் முன்னணி நடிகைகளில் ஒருவராக மாறிவிட்டார். அவரின் ஆட்டமும், எக்ஸ்பிரஷன்களும் ரசிகர்களை மயக்கிவிடும். “மாஸ் ஜதாரா”வில் அவர் முந்தைய படங்களை விட அதிகமான திரைநேரத்துடன் வருவதாகவும், அவரது கதாபாத்திரம் கதையின் திருப்பமாக இருப்பதாகவும் கூறப்படுகிறது. இசை புரோமோவில் அவர் காட்டிய ஒரு சிறிய நடன அசைவே ரசிகர்களிடையே பெரும் வரவேற்பை பெற்றுள்ளது. இந்தப் படத்தை தயாரிக்கும் சித்தாரா என்டர்டெயின்மென்ட் மற்றும் பார்ச்சூன் ஃபோர் சினிமாஸ், தற்போது தெலுங்கு சினிமாவில் மிகுந்த வெற்றிகரமான நிறுவனங்களாக விளங்குகின்றன.

Super Duper Promo | Mass Jathara | Ravi Teja, Sreeleela - video link- click here

இயக்குநர் பானு போகவரபு இதற்கு முன்பு பல படங்களில் அசிஸ்டண்ட் டைரக்டராக பணியாற்றியவர். இது அவரின் தனி இயக்குநர் அறிமுகம். இதனை குறித்து அவர் கூறுகையில்,  “மாஸ் ஜதாரா எனக்கு ஒரு கனவு திட்டம். ரவி தேஜா சார் ஒவ்வொரு காட்சியையும் உயிரோட்டமாக்கினார். ஸ்ரீலீலா மிகவும் டெடிகேட்டான நடிகை. அவருடன் வேலை செய்த அனுபவம் அருமை.”என்றார். வருகிற 31-ம் தேதி வெளியாகவுள்ள “மாஸ் ஜதாரா” தெலுங்கு மட்டுமின்றி தமிழ், இந்தி மற்றும் மலையாள மொழிகளிலும் டப் செய்து வெளியிடப்பட உள்ளது. பான் இந்தியன் லெவலில் வெளியிடப்படும் இந்த படம், ரவி தேஜாவின் மிகப்பெரிய வெற்றிப் படங்களில் ஒன்றாக அமையும் என தொழில்நுட்ப வட்டாரங்கள் கூறுகின்றன. மேலும், “சூப்பர் டூப்பர்” பாடல் முழுமையாக வெளியாகும் அக்டோபர் 22 அன்று, ரசிகர்கள் சமூக வலைதளங்களை ‘ஆக்கிரமிக்க’ தயாராக உள்ளனர்.

ஆகவே “மாஸ் ஜதாரா” பெயருக்கு ஏற்றவாறு ஒரு மாஸ் புயலை ரசிகர்களுக்காக கொண்டு வர இருக்கிறது. ரவி தேஜாவின் அதிரடி, ஸ்ரீலீலாவின் கவர்ச்சி, பீம்ஸ் இசை, பானுவின் இயக்கம் என இந்த நால்வரும் சேரும் போது ஒரு “சூப்பர் டூப்பர்” வெற்றிக்கு தடை ஏதுமில்லை. தீபாவளி பின் வரும் இந்த திரை விருந்து, தெலுங்கு சினிமாவுக்கு இன்னொரு பாக்ஸ் ஆபிஸ் ரெக்கார்டை உருவாக்கும் என எதிர்பார்க்கப்படுகிறது.

இதையும் படிங்க: ஹீரோ அவதாரத்தில் 'டிடிஎப் வாசன்'..! ஹைப்பை கிளப்பும் ’ஐபிஎல்’ படத்தின் பர்ஸ்ட் லுக் வைரல்..!