திருவண்ணாமலை அருள்மிகு அண்ணாமலையார் திருக்கோயிலில் ஆண்டுதோறும் சித்திரை மாதத்தில் நடைபெறும் வசந்த உற்சவம், இயற்கையின் வசந்த கால வருகையை கொண்டாடும் ஒரு சிறப்பான திருவிழாவாகும். இந்த உற்சவம் பத்து நாட்கள் நீடிக்கும் விழாவாக அமைந்து, பக்தர்களுக்கு ஆன்மீக அனுபவத்தையும், பருவ மாற்றத்தின் அழகையும் ஒருங்கிணைத்து வழங்குகிறது. 2026ஆம் ஆண்டு ஏப்ரல் 21ஆம் தேதி பந்தக்கால் முகூர்த்தத்துடன் தொடங்கிய இந்த விழா, ஏப்ரல் 30ஆம் தேதி சித்ரா பௌர்ணமியுடன் இணைந்து நிறைவடைந்தது.

விழாவின் இறுதி நிகழ்வாக மன்மத தகனம் வெகு விமர்சையாக நடைபெற்றது.இந்த வசந்த உற்சவம் இயற்கையின் பூக்கும், பசுமையும் நிறைந்த வசந்த காலத்தை சிவபெருமானின் திருமண உற்சவத்துடன் இணைத்து கொண்டாடப்படுகிறது. அண்ணாமலையார் சமேத உண்ணாமுலையம்மன் தம்பதியினர் மகிழ மரம் அருகே அலங்கரிக்கப்பட்டு, தினசரி வெவ்வேறு வாகனங்களில் மாட வீதிகளில் உலா வருவார்கள்.

ஒவ்வொரு நாளும் பூச்சொரிதல், ஒளிவு உற்சவம், பாவை பொம்மை அலங்காரம் போன்ற நிகழ்வுகள் பக்தர்களை கவர்ந்தன. குறிப்பாக, உற்சவத்தின் போது அண்ணாமலையார் மற்றும் அம்மன் வெட்டிவேர் பல்லக்கில் எழுந்தருளி பக்தர்களுக்கு அருள் பாலித்தனர். மூன்றாம் பிரகாரத்தில் உள்ள மகிழ மரத்தைச் சுற்றி சுவாமி வலம் வரும் போது பொம்மை பூ கொட்டும் நிகழ்வு மிகவும் கண்கவர் வைத்தது.

இதையும் படிங்க: நேற்று தேவாலயம்... இன்று கோயில்... உயர்நீதிமன்ற மதுரைக் கிளை பிறப்பித்த பரபரப்பு உத்தரவு...!

விழாவின் நிறைவு நாளான பத்தாம் நாள், அதாவது சித்ரா பௌர்ணமி அன்று காலையில் அண்ணாமலையார் உண்ணாமுலையம்மன் மாடவீதி உலா வந்த பின்னர், ஐரங்குலத்தில் தீர்த்தவாரி நடைபெற்றது. பக்தர்கள் பெருந்திரளாக கூடி, புனித நீராட்டு விழாவில் பங்கேற்று அருள் பெற்றனர். இரவில் விழாவின் உச்சக்கட்டமாக மன்மத தகனம் நிகழ்ந்தது. தங்க கொடிமரம் அருகே பெரிய அளவிலான மன்மத பொம்மை கொண்டு வரப்பட்டு, சிறப்பு அலங்காரங்களுடன் அமைக்கப்பட்டது. கோயில் அதிகாரிகள் மற்றும் பூசாரிகளின் முன்னிலையில், வேத மந்திரங்கள் ஒலிக்க, மன்மதனை எரிக்கும் நிகழ்வு நடைபெற்றது.

இதையும் படிங்க: திமுக பெரும்பான்மையோடு ஆட்சி அமைக்கும்..! வைகோ நம்பிக்கை..!!