தமிழ்நாட்டின் பாசனத் தேவைகள் மற்றும் தற்போதைய நீர் இருப்பைக் கருத்தில் கொண்டு, காவிரியில் அடுத்த 15 நாட்களுக்கு விநாடிக்கு 3,000 கன அடி வீதம் தண்ணீரைத் திறந்துவிடுமாறு கர்நாடக அரசுக்குக் காவிரி நீர் மேலாண்மை ஆணையம் (CWMA) அதிகாரப்பூர்வமாக உத்தரவிட்டுள்ளது.
டெல்லியில் நடைபெற்ற காவிரி நீர் மேலாண்மை ஆணையத்தின் ஆலோசனைக் கூட்டத்தில், தமிழ்நாடு மற்றும் கர்நாடக மாநிலங்களின் நீர் இருப்பு, அணைகளின் நீர்மட்டம் மற்றும் தற்போதைய தேவைகள் குறித்து விரிவாக விவாதிக்கப்பட்டது. முன்னதாக நடைபெற்ற காவிரி நீர் ஒழுங்காற்றுக் குழுவின் (CWRC) கூட்டத்தில், தமிழ்நாட்டிற்கு அடுத்த 15 நாட்களுக்கு விநாடிக்கு 3,000 கன அடி வீதம் காவிரியில் நீர் திறக்க வேண்டும் எனப் பரிந்துரை செய்யப்பட்டிருந்தது.
இந்தக் கூட்டத்தில் காவிரி ஒழுங்காற்றுக் குழு அளித்த பரிந்துரையை முழுமையாக ஏற்றுக் கொண்ட காவிரி நீர் மேலாண்மை ஆணையம், பிலிகுண்டுலுவில் தமிழ்நாட்டிற்கு உரிய நீர் சென்றடைவதை உறுதி செய்யும் வகையில், அடுத்த 15 நாட்களுக்குத் தடையின்றி விநாடிக்கு 3,000 கன அடி தண்ணீரை கர்நாடகா திறந்துவிட வேண்டும் என திட்டவட்டமாக உத்தரவிட்டுள்ளது. காவிரி டெல்டா மாவட்டங்களில் பயிர் சாகுபடிக்குத் தண்ணீர் மிகவும் அவசியமாகத் தேவைப்படும் சூழலில் பிறப்பிக்கப்பட்டுள்ள இந்த உத்தரவு தமிழக விவசாயிகளுக்குப் பயனளிக்கும் என எதிர்பார்க்கப்படுகிறது.
இதையும் படிங்க: காவிரியில் வினாடிக்கு 3,000 கன அடி நீர் திறக்க பரிந்துரை! காவிரி நீர் ஒழுங்காற்று குழு உத்தரவு!
இதையும் படிங்க: ஓயாத காவிரி பிரச்சனை..! தமிழ்நாட்டுக்கு தண்ணீர் வருமா.? சுப்ரீம்கோர்ட் விசாரணை..!!