தலைநகர் டெல்லியின் மதங்கிர் பகுதியில், கணவன்-மனைவி இடையேயான தகராறு கொடூரமான வன்முறையாக மாறியது. 28 வயது தினேஷ் என்ற இளைஞன், தனது மனைவியால் கொதிக்கும் எண்ணெய் ஊற்றப்பட்டு, தீக்காயத்தில் துடித்த சம்பவம் அக்கம்பக்கத்தினரை அதிர்ச்சிக்கு உள்ளாக்கியுள்ளது. 

8 ஆண்டுகள் திருமண வாழ்க்கை நடத்தி வரும் தினேஷ் மீது அவரது மனைவி 2 ஆண்டுகளுக்கு முன் போலீஸில் புகார் அளித்திருந்தார். போலீஸ் சமாதானப்படுத்தியும், மீண்டும் தகராறு ஏற்பட்டது. அதிகாலை 3 மணியளவில் நடந்த இந்தத் தாக்குதலில் தினேஷின் உடல் 80% தீக்காயம் அடைந்துள்ளது. 

மருத்துவமனையில் சிகிச்சை பெற்று வரும் அவர், வாக்குமூலத்தில் "மனைவி கொதிக்கும் எண்ணெய் ஊற்றி, மிளகாய் தூவி மிரட்டினார்" என்று கூறியுள்ளார். போலீஸ், மனைவியை கைது செய்து, தீவிர விசாரணை நடத்தி வருகிறது.

இதையும் படிங்க: நர்ஸ் மனைவிக்கு 45 முறை கத்திக்குத்து! வெளிநாட்டில் இருந்து திரும்பிய கணவன் வெறிச்செயல்!

சம்பவம், அதிகாலை 3 மணியளவில் நடந்தது. மதங்கிர் பகுதியில் அமைதியாக உறங்கிக் கொண்டிருந்த ஊர் மக்கள், "அய்யோ அம்மா" என்ற ஆணின் கதறல் சத்தத்தால் திடுக்கிட்டு எழுந்தனர். அக்கம்பக்கத்தினர் வெளியே வந்து பார்த்தபோது, தினேஷின் வீட்டு கதவு உள்ளே இருந்து பூட்டப்பட்டிருந்தது. 

கதறல் சத்தத்தை கேட்டு, அவர்கள் கதவைத் தட்டினர். சிறிது நேரத்திற்குப் பின் கதவு திறக்கப்பட்டது. உடல் முழுவதும் தீக்காயம் அடைந்து கதறும் தினேஷைப் பார்த்து அதிர்ந்த அக்கம்பக்கத்தினர், அவரை உடனடியாக அருகிலுள்ள மருத்துவமனைக்கு கொண்டு சென்றனர். 

மருத்துவர்கள், தினேஷின் உடல் 80% தீக்காயம் அடைந்துள்ளதாகத் தெரிவித்தனர். சில நாட்கள் தீவிர சிகிச்சைக்குப் பிறகு, பேசும் திறன் பெற்ற தினேஷ், போலீஸிடம் அளித்த வாக்குமூலம் அனைவரையும் அதிர்ச்சிக்கு உள்ளாக்கியது.

தினேஷின் வாக்குமூலம்: "அன்று நானும், என் 5 வயது மகளும் தூங்கிக் கொண்டிருந்தோம். திடீரென்று உடல் முழுவதும் கடுமையான எரிச்சல் வலி ஏற்பட்டு, துடித்துக்கொண்டே கண் விழித்தேன். அருகில் என் மனைவி நின்று கொண்டிருந்தாள். அவள் என் மார்பு, முகம், கைகள் மீது கொதிக்கும் எண்ணெய் ஊற்றிக் கொண்டிருந்தாள். 

அத்துடன், தீக்காயத்தில் மிளகாய் பொடியையும் அள்ளித் தூவினாள். வலியால் கதறி, 'வேண்டாம், வேண்டாம்' என்று சொன்னதும், 'நீங்கள் கத்தினால் இன்னும் எண்ணெய் ஊற்றுவேன்' என்று அவள் மிரட்டினாள். 

மகள் அழுததும், அவளை அடித்து அமைதியாக்கினாள். நான் கதறுவதைப் பார்த்து சிரித்தாள்." இந்த வாக்குமூலத்தின் அடிப்படையில், தினேஷ் தனது மனைவி மீது போலீஸில் புகார் அளித்தார். போலீஸ், மனைவியை கைது செய்து, விசாரணை நடத்தி வருகிறது.

தினேஷ் (28) மற்றும் அவரது மனைவி (26), 8 ஆண்டுகளுக்கு முன் திருமணம் செய்து கொண்டனர். இருவருக்கும் 5 வயது மகள் உள்ளது. குடும்பத்தில் கருத்து வேறுபாடுகள் இருந்ததாகவும், 2 ஆண்டுகளுக்கு முன் மனைவி போலீஸில் புகார் அளித்ததாகவும் தெரிகிறது. அப்போது போலீஸ் சமாதானப்படுத்தி அனுப்பியது. மீண்டும் தகராறு ஏற்பட்டதால், இந்த கொடூர சம்பவம் நடந்தது. 

தினேஷின் மார்பு, முகம், கைகள் ஆகியவற்றில் ஆழமான தீக்காயங்கள் உள்ளன. தீவிர சிகிச்சைக்குப் பிறகு, அவரது உடல்நலம் மெல்ல தேறி வருகிறது. போலீஸ், குடும்ப உறுப்பினர்கள், அக்கம்பக்கத்தினரிடம் விசாரணை நடத்தி, சம்பவத்தின் முழு விவரங்களைத் தெரத்தரவும், மனைவியின் மனநலம் குறித்து ஆய்வு செய்யவும் திட்டமிட்டுள்ளது.

இந்த சம்பவம், டெல்லியின் மதங்கிர் பகுதியில் பெரும் அதிர்ச்சியை ஏற்படுத்தியுள்ளது. குடும்ப வன்முறை, திருமண உறவுகளில் ஏற்படும் பிரச்சினைகள் குறித்து சமூகத்தில் விழிப்புணர்வு தேவை என பொதுமக்கள் கூறுகின்றனர். போலீஸ், "முழு விசாரணை நடத்தி, குற்றவாளிக்கு கடுமையான தண்டனை வழங்குவோம்" என்று உறுதியளித்துள்ளது. 

இதையும் படிங்க: கணவன் வெளியே சென்றதும் கள்ளக்காதலுடன் உல்லாசம்! மனைவியின் நடத்தையால் அரங்கேறிய கொடூரம்!