தமிழகத்தில் ஒவ்வொரு ஆண்டும் கோடைக் காலம் நெருங்கும் போது, வெயிலின் தாக்கம் மக்களின் அன்றாட வாழ்க்கையைப் பெரிதும் பாதிக்கிறது. 2026ஆம் ஆண்டு கோடையிலும் இந்த நிலைமை தொடர்கிறது. மார்ச் மாதத்திலிருந்தே தொடங்கிய வெப்பத்தின் தீவிரம் மே மாதத்தில் உச்சத்தைத் தொட்டுள்ளது. வேலூர், கரூர், ஈரோடு, திருச்சி போன்ற உள்மாவட்டங்களில் 40 டிகிரி செல்சியஸைத் தாண்டிய வெப்பநிலை பதிவாகியுள்ளது.

சென்னையில் கூட 41 டிகிரி செல்சியஸுக்கு மேல் பதிவான நாட்கள் உள்ளன. இந்தக் கோடை வெயில் வெறும் வானிலை மாற்றம் மட்டுமல்ல; அது மக்களின் உடல்நலம், விவசாயம், பொருளாதாரம் மற்றும் சமூக வாழ்க்கையைப் பல்வேறு வழிகளில் பாதிக்கிறது. தமிழக அரசு ஹீட்வேவ் அறிவுறுத்தல்களை வழங்கி, நீர், மோர், பழச்சாறு உட்கொள்ளுமாறு மக்களுக்கு அறிவுறுத்தியுள்ளது.

வெளியில் செல்லும்போது தலைக்கு தொப்பி அல்லது குடை பயன்படுத்தவும், பகல் 12 மணி முதல் 3 மணி வரை வெளியே வராமல் இருக்கவும் அறிவுறுத்தப்பட்டுள்ளது. வெயிலின் தாக்கம் கடுமையாக இருந்து வருகிறது. இந்த நிலையில், நாளுக்கு நாள் வெயிலின் தாக்கம் அதிகரித்து வரும் நிலையில் மக்கள் பாதுகாப்பாக இருக்க வழிகாட்டு நெறிமுறைகளை சுகாதாரத் துறை வெளியிட்டுள்ளது.

இதையும் படிங்க: கொதிக்கும் தமிழகம்..! பள்ளி திறப்பு தள்ளிப்போகிறதா..? அமைச்சர் ராஜ்மோகன் பேட்டி..!

மதியம் 12 மணி முதல் பிற்பகல் 3 மணி வரை வெளிப்புற பயணங்களை தவிர்க்க வேண்டும் என்று மத்திய சுகாதாரத்துறை அறிவுறுத்தியுள்ளது. வெயிலில் நீண்ட நேரம் கடும் உடற்பயிற்சி அல்லது உடல் உழைப்பில் ஈடுபட வேண்டாம் என தெரிவிக்கப்பட்டுள்ளது. மது, தேநீர், காபி, குளிர்பானங்கள், அதிக சர்க்கரை கொண்ட பானங்களை தவிர்க்க வேண்டும் என்று அறிவுறுத்தப்பட்டுள்ளது.

இதையும் படிங்க: தலைமைச்செயலக வரலாற்றிலேயே முதல் முறை... ஸ்ட்ரிக்ட்டாக நடவடிக்கை எடுத்த முதலமைச்சர் விஜய்...!