Suzuki Hayabusa என்பது இருசக்கர வாகன உலகில் ஒரு லெஜண்ட். 1999-ல் முதல்முறையாக அறிமுகமானபோதே அது "உலகின் வேகமான புரொடக்ஷன் மோட்டார்சைக்கிள்" என்ற பட்டத்தைப் பெற்றது. அதன் பெயர் கூட பெரெக்ரைன் ஃபால்கன் என்ற பறவையின் ஜப்பானியப் பெயரிலிருந்து வந்தது.
அது உலகிலேயே வேகமாகப் பறக்கும் பறவை. அதேபோல Hayabusa-வும் வேகத்தின் உருவகமாக உருவானது.முதல் தலைமுறை Hayabusa (1999-2007) 1298cc இன்லைன்-ஃபோர் எஞ்சினுடன் வந்தது. அப்போது 173 ஹார்ஸ்பவர் வரை கொடுத்து, ரேம் எயர் சிஸ்டத்துடன் 300 km/h-க்கு மேல் டாப் ஸ்பீட் தொட்டது. அந்தக் காலகட்டத்தில் இது ஒரு புரட்சி. ரைடர்கள் இதை "ராக்கெட்" என்று அழைத்தார்கள். 2008-ல் இரண்டாம் தலைமுறை வந்தபோது எஞ்சின் 1340cc-க்கு உயர்த்தப்பட்டது.
பவர் சற்று அதிகரித்து சுமார் 197 ஹார்ஸ்பவர் வரை சென்றது. பாடி ஸ்டைலிங் லேசாக மாற்றப்பட்டது. தற்போதைய மாடல்கள் இதே ஜெனரேஷனைத்தான் தொடர்கின்றன. இன்றைய Hayabusa 1340cc லிக்விட்-கூல்டு, DOHC இன்லைன்-ஃபோர் எஞ்சின். இது ரைட்-பை-வயர் எலக்ட்ரானிக் த்ராட்டில் பாடிகளுடன் வருகிறது. டூயல் ஃப்யூல் இன்ஜெக்டர்கள் ஒவ்வொரு சிலிண்டருக்கும் உள்ளன.
இதையும் படிங்க: NDA சுயநலக் கூட்டணி..! துரோக கூட்டணி..! முதல்வர் ஸ்டாலின் சரமாரி விளாசல்..!
இளம் தலைமுறையினர் மத்தியில் ஹயபுசாவிற்கு பெரும் வரவேற்பு இருந்து வருகிறது. இந்த நிலையில், முதலமைச்சர் ஸ்டாலின், SUZUKI HAYABUSA இருசக்கர வாகனத்தில் இருப்பது போன்ற புகைப்படங்கள் வெளியாகி வைரல் ஆகி வருகிறது. சிவப்பு நிற டி-ஷர்ட் அணிந்திருந்த முதலமைச்சர் ஸ்டாலின், SUZUKI HAYABUSA இருசக்கர வாகனத்தில் அமர்ந்திருக்குமாறு இருக்கும் புகைப்படங்கள் ட்ரெண்டாகி வருகிறது.
இதையும் படிங்க: மீண்டும் திராவிட மாடல் 2.0 தான்... தமிழ்நாட்டுப் பெண்கள் மகுடம் சூட்டுவார்கள்.. அமைச்சர் நேரு உறுதி..!