புது டெல்லி: “ஆன்லைனில் ரயில் டிக்கெட் எடுத்தால் ₹10 லட்சம் வரை விபத்து காப்பீடு... அதே டிக்கெட்டை கவுன்டரில் எடுத்தால் ஒரு ரூபாய் கூட காப்பீடு இல்லை! இது என்ன நியாயம்?” என்று காட்டமாகக் கேள்வி எழுப்பிய உச்ச நீதிமன்றம், இந்தப் பாரபட்சத்துக்கு ரயில்வே துறை உடனடியாக விளக்கம் அளிக்க வேண்டும் என்று உத்தரவிட்டுள்ளது. இந்தக் கேள்வி நாடு முழுவதும் கோடிக்கணக்கான ரயில் பயணிகளிடையே பெரும் பரபரப்பை ஏற்படுத்தியுள்ளது.

ரயில் விபத்துகளின் போது பயணிகளுக்கு உரிய பாதுகாப்பு மற்றும் இழப்பீடு கிடைக்க வழிகாட்டு நெறிமுறைக் கோரி தொடரப்பட்ட பொதுநல வழக்குகள் நேற்று உச்ச நீதிமன்ற நீதிபதிகள் அஹ்சானுதீன் அமானுல்லா, கே.வினோத் சந்திரன் ஆகியோர் அமர்வு முன் விசாரணைக்கு வந்தன. 

அப்போது நீதிமன்ற நண்பராக (Amicus Curiae) நியமிக்கப்பட்ட மூத்த வழக்கறிஞர் ஷிகில் சூரி, “IRCTC ஆன்லைன் டிக்கெட் எடுக்கும் போது வெறும் 35 பைசா கூடுதலாக வசூலித்து ₹10 லட்சம் வரை காப்பீடு தருகிறது. ஆனால் ரயில்வே கவுன்டரில் டிக்கெட் வாங்கும் கோடிக்கணக்கான ஏழை, எளிய மக்களுக்கு ஒரு ரூபாய் கூட காப்பீடு இல்லை” என்று சுட்டிக்காட்டினார்.

இதையும் படிங்க: 'டிட்வா' புயலைவிட வேகமெடுக்கும் மல்லிகைப்பூ விலை..!! ஒரு கிலோ இவ்ளோவா..!!

இதைக் கேட்ட நீதிபதிகள் அதிர்ச்சி அடைந்தனர். “இந்தப் பாரபட்சம் எதற்காக? டிஜிட்டல் இந்தியா சொல்லும் மோடி அரசு, கவுன்டரில் டிக்கெட் எடுக்கும் ஏழை மக்களை ஏன் புறக்கணிக்கிறது? இது அரசியலமைப்புச் சட்டத்தின் சம உரிமைக்கு எதிரானது அல்லவா?” என்று கேள்வி மேல் கேள்வி எழுப்பினர். உடனடியாகவே ரயில்வே வாரியத்துக்கு நோட்டீஸ் அனுப்பி, ஜனவரி 13-க்குள் பதிலளிக்க உத்தரவிட்டனர்.

மேலும் நீதிபதிகள் கவும் கவனம் செலுத்திய விஷயங்கள்:

• தண்டவாளங்கள், ரயில்வே கேட் இல்லாத கிராசிங்குகளில் பாதுகாப்பு ஏற்பாடுகள் மோசமாக உள்ளன
• விபத்துகளின் போது இழப்பீட்டுத் தொகை பாதிக்கப்பட்டவர்களை சரியாகச் சென்றடைவதில்லை
• தீ விபத்துகளுக்கு எதிராக தீட்டு வசதிகள் இல்லை

தற்போது நடைமுறையில் உள்ளது:

• IRCTC ஆன்லைன் டிக்கெட் எடுத்தால் தானாக ₹10 லட்சம் வரை காப்பீடு உள்ளது.
• கவுன்டரில் டிக்கெட் எடுத்தால் எந்தக் காப்பீடும் இல்லை – இதனால் ஒடிசா, ஆந்திரா விசா விபத்துகளின் போது பலர் இழப்பீடு இழந்தனர்

நாடு முழுவதும் ஒவ்வொரு நாளும் 2 கோடிக்கும் மேற்பட்டோர் ரயிலில் பயணிக்கின்றனர். இவர்களில் பெரும்பாலானோர் கவுன்டரில் டிக்கெட் எடுப்பவர்கள்தான். “அவர்களுக்கு ஏன் காப்பீடு இல்லை?” என்ற உச்ச நீதிமன்றத்தின் கேள்வி, ரயில்வே துறையை நிலைகுலைய வைத்துள்ளது.

இதையும் படிங்க: கர்நாடகா முதலமைச்சர் மாற்றம்?! சித்தராமய்யா - சிவக்குமார் கூட்டாக பேட்டி! ஓபன் டாக்!