தமிழகச் சட்டமன்றத் தேர்தலில் தமிழக வெற்றிக் கழகம் (தவெக) அசுர பலத்துடன் அதிக தொகுதிகளில் முன்னிலை பெற்று வெற்றி பெற்று வரும் நிலையில், அக்கட்சியின் தலைவர் விஜய்க்குப் பிரதமர் நரேந்திர மோடி தனது மனமார்ந்த வாழ்த்துகளைத் தெரிவித்துள்ளார். தமிழக அரசியலில் ஏற்பட்டுள்ள இந்த மிகப்பெரிய மாற்றத்தை அங்கீகரிக்கும் வகையில் பிரதமரின் இந்த வாழ்த்துச் செய்தி அமைந்துள்ளது.

தேர்தல் முடிவுகள் தவெக-விற்குச் சாதகமாக அமைந்திருப்பதைத் தொடர்ந்து, பிரதமர் மோடி தனது வாழ்த்துச் செய்தியில் குறிப்பிட்டுள்ளதாவது.  தமிழகச் சட்டமன்றத் தேர்தலில் அதிக தொகுதிகளில் வென்றுள்ள தமிழக வெற்றிக் கழகத்திற்கும், அதன் தலைவர் விஜய்க்கும் வாழ்த்துகளைத் தெரிவித்துக் கொள்கிறேன்.

தமிழ்நாட்டின் வளர்ச்சி மற்றும் தமிழக மக்களின் நலனுக்காக மத்திய அரசு தனது பங்களிப்பைத் தொடர்ந்து வழங்கும் என அவர் உறுதி அளித்துள்ளார். மாநிலத்தின் முன்னேற்றத்திற்காக ஒன்றிணைந்து செயல்படுவதற்கான முக்கியத்துவத்தைப் பிரதமரின் இந்தச் செய்தி வெளிப்படுத்துகிறது.

இதையும் படிங்க: #BREAKING: ராசிபுரத்தில் தவெக வெற்றி! அமைச்சர் மதிவேந்தனை வீழ்த்திய தனபால் மகன் லோகேஷ்!

தமிழகம் முழுவதும் தவெக 109 தொகுதிகளில் முன்னிலை பெற்றுள்ள நிலையில், கோபிசெட்டிபாளையத்தில் செங்கோட்டையன் வெற்றி மற்றும் காரைக்குடியில் சீமானை வீழ்த்திப் பிரபு வெற்றி என அதிரடி முடிவுகள் வெளியாகி வருகின்றன. கொளத்தூர் தொகுதியில் முதலமைச்சர் மு.க. ஸ்டாலின் பின்னடைவைச் சந்தித்து வரும் சூழலில், பிரதமரின் இந்த வாழ்த்து தமிழக அரசியலில் மிக முக்கியமானதாகப் பார்க்கப்படுகிறது.

ஏற்கனவே திரையுலகைச் சேர்ந்த சிவகார்த்திகேயன், நானி மற்றும் சிபி சத்யராஜ் போன்றோர் விஜய்க்குப் புகழாரம் சூட்டியுள்ள நிலையில், தற்போது பிரதமர் மோடியின் வாழ்த்து தவெக தொண்டர்களிடையே இரட்டிப்பு உற்சாகத்தை ஏற்படுத்தியுள்ளது. "எவராலும் விஜய் ஆக முடியாது" என்று திரையுலகம் கொண்டாடும் வேளையில், மத்திய அரசின் இந்த நேர்மறையான அணுகுமுறை தமிழகத்தின் எதிர்கால அரசியல் நகர்வுகளில் பெரும் தாக்கத்தை ஏற்படுத்தும் என எதிர்பார்க்கப்படுகிறது.

இதையும் படிங்க: #BREAKING: #TNElectionResults2026: 2026 காரைக்குடியில் சீமானை வீழ்த்தி தவெக வேட்பாளர் பிரபு அபார வெற்றி!