ஒரு வருடத்தில் நூறு கோடிக்கு மேற்பட்ட பயணிகள் இரயில் பயணத்தை தவிர்த்துள்ள நிலையில் மீண்டும் கட்டண உயர்வு என்பது எவ்வகையிலும் நியாயமில்லை என நாடாளுமன்ற உறுப்பினர் சு. வெங்கடேசன் கூறினார். இந்த ஆண்டில் இரண்டாவது முறையாக மோடி அரசு ரயில் கட்டணங்களை உயர்த்தி உள்ளது என்றும் 2014 க்கு பிறகு இப்போது தான் கட்டணத்தை உயர்த்துவதாகவும் ஆகவே இது ஒன்றும் தவறில்லை என்றும் கூறப்படுகிறது என்றும் கூறினார்.

சிலர் படிப்படியாக கட்டணங்களை உயர்த்தினால் பிரச்சனை இல்லை என்று கருதுகிறார்கள் என்றும் உண்மையில் ரயில்வேயில் கட்டண உயர்வே இல்லையா என்ற கேள்வி எழுகிறது என்றும் கூறினார். மேலும், கட்டண உயர்வு பல மறைமுக நடவடிக்கைகள் மூலம் செயல்படுத்தப்பட்டுள்ளது என்றும் உதாரணமாக சிறப்பு ரயில் சிறப்பு கட்டணம், தகட்கல், தட்கல் பிரிமியம் பயண ரத்து கட்டணம் போன்ற வகைகளில் கட்டணங்களை விமான கட்டண அளவுக்கு உயர்த்தி உள்ளார்கள் என்றும் அவர் குறிப்பிட்டார்.

வந்தே பாரத் போன்ற வண்டிகளில் கட்டணம் கண்மூடித்தனமாக உயர்த்தப்பட்டுள்ளது என்று கூறிய சு. வெங்கடேசன், அப்படி இருக்க கட்டண உயர்வே இல்லை என்பது உண்மைக்கு புறம்பானது என்றும் கூறினார். இவற்றின் காரணமாக 2014- 15 க்கு பிறகு 2023-24 காலகட்டத்தில் 132 கோடி பயணிகள் ஓர் ஆண்டு பயணத்தை தவிர்த்து உள்ளார்கள் என்று தெரிவித்த அவர், அவர்களை மோடி அரசு சாலைக்கு துரத்தியுள்ளது என்றும் 2014 -15 இல் 822 கோடி பயணிகள் பயணம் செய்தார்கள்., 2023-24ல் 690 கோடியாக அது குறைந்துவிட்டது என குறிப்பிட்டுள்ளார்.

இதையும் படிங்க: மோடியின் கொள்கை தோத்து போச்சு... உள்நோக்கம் தான் இருக்கு... மக்களவையில் பிரியங்கா காந்தி விமர்சனம்...!

இது கட்டண உயர்வின் மூலமாகத்தான் என்றும் மூத்த குடிமக்களுக்கான பயண கட்டண சலுகை ரத்து செய்ததன் மூலமாக 6 கோடி மூத்த குடிமக்கள் பயணத்தை தவிர்த்து உள்ளனர்., இப்படி எல்லோரையும் மோடி அரசு தேச நலனுக்கு விரோதமாக விபத்துக்கள் நிறைந்த மாசு நிறைந்த சாலைக்கு துரத்தி உள்ளது என கூறியுள்ளார். எனவே இந்த கட்டண உயர்வு நியாயமற்றது என்றும் இது கைவிடப்பட வேண்டும் என்றும் தெரிவித்துள்ளார். 

இதையும் படிங்க: முதல்வர் தலைமையில் திமுக எம்பிக்கள் கூட்டம்... தலைமைக் கழகம் வெளியிட்ட முக்கிய அறிவிப்பு...!