இந்தியாவிற்கும் பாகிஸ்தானுக்கும் இடையிலான சமீபத்திய பதட்டங்களின் போது, ​​துருக்கியும் சீனாவும் பாகிஸ்தானுக்கு வெளிப்படையாக ஆதரவளித்துள்ளன. அதைத் தொடர்ந்து, நாடு முழுவதும் துருக்கியை புறக்கணித்தது. இதன் தொடர்ச்சியாக, புனேவில் உள்ள மக்களும் துருக்கியை புறக்கணித்துள்ளனர். அதன்படி, புனேவில் உள்ள வர்த்தகர்கள் துருக்கியில் இருந்து இறக்குமதி செய்யப்படும் ஆப்பிள்களை புறக்கணித்துள்ளனர். இதன் காரணமாக, புனேவில் உள்ள சந்தையில் துருக்கிய ஆப்பிள்கள் இல்லாமல் போனது. புனேவில் உள்ள சந்தையில் உலகம் முழுவதும் பல்வேறு நாடுகளிலிருந்து ஆப்பிள்கள் வருவது வழக்கம்.

அந்த வகையில் துருக்கிய ஆப்பிள்களும் அதிக அளவில் வருவதுண்டு. அந்த வகையில் தற்போது துருக்கி புறக்கணிக்கப்பட்டதால் அதன் ஆப்பிள்களை வாங்குவதையும் புனே புறக்கணித்துள்ளது. இந்தியா மற்றும் பாகிஸ்தானில் எழுந்துள்ள போர் போன்ற சூழ்நிலைக்குப் பிறகு, ஆப்பிள் வியாபாரிகளிடையே துருக்கியை புறக்கணிக்கும் போக்கு அதிகரித்துள்ளது. இதனால் துருக்கி ஆப்பிள்களை வாங்காமல், மற்ற நாடுகளிலிருந்து வரும் ஆப்பிள்களை வாங்கும் பழக்கம் குடிமக்களிடையே பரவியுள்ளது.

இதையும் படிங்க: #BREAKING: மீண்டும் வாலாட்டினால் பதிலடி பயங்கரமாக இருக்கும்... பாகிஸ்தானுக்கு ஓபன் வார்னிங் கொடுத்த மோடி..!

இறக்குமதி சீசன் மூன்று மாதங்கள் நீடிக்கும். தற்போது, ​​துருக்கியில் இருந்து ஆப்பிள்கள் எங்களிடம் வருவதாகவும், அடுத்த 15 நாட்களில் செர்ரி, பிளம் மற்றும் பேரிக்காய் வரத் தொடங்கும் என்றும் சுயோக் ஜெண்டே கூறினார். துருக்கி பாகிஸ்தானை பகிரங்கமாக ஆதரித்த பிறகு, இந்தியாவில் உள்ள மக்கள் தேசபக்தி விஷயமாக துருக்கிய தயாரிப்புகளை தடை செய்யும் போக்கைத் தொடங்கியுள்ளனர். மூன்று மாத ஆப்பிள் சீசனில், வழக்கமாக சுமார் ஆயிரம் கோடி ரூபாய் வருவாய் இருக்கும். ஆனால் தற்போது, ​​ துருக்கியை புறக்கணித்ததன் காரணமாக, வர்த்தகர்கள் பெரும் நிதி நெருக்கடியை எதிர்கொள்வார்கள் என கூறப்படுகிறது.

நாட்டின் எதிரி நமது எதிரி, போர் புரிவது எல்லையில் இருக்கும் வீரர்களின் கடமை மட்டுமல்ல; தேசபக்தர்களாகிய நமது கடமையும் தான் என்பதை காட்ட துருக்கி ஆப்பிள்கள் புறக்கணிக்கப்படுவதாக வியாபாரி ஒருவர் கூறியுள்ளார். அதே நேரத்தில், துருக்கி பாகிஸ்தானை பகிரங்கமாக ஆதரித்த விதத்தைப் பார்த்து, நாட்டின் குடிமக்களாக, நாங்கள் துருக்கிய ஆப்பிள்களையும் புறக்கணித்து, அதை வாங்குவதை நிறுத்திவிட்டோம் என்று ஒரு வாடிக்கையாளர் தெரிவித்துள்ளார்.

இதையும் படிங்க: இதை பயன்படுத்தி தான் அணு ஆயுதப் போரையே நிறுத்தினேன்..! டிரம்ப் சொன்ன சீக்ரெட்..!