உலகக் கோப்பை கால்பந்து தொடரில் அர்ஜென்டினா அணி அபார வெற்றியுடன் தனது பயணத்தைத் தொடங்கியுள்ளது. 38 வயதான லியோனல் மெஸ்ஸியின் ஹாட்ரிக் சாதனையால் அல்ஜீரியாவை 3-0 என்ற கோல் கணக்கில் அர்ஜென்டினா தோற்கடித்தது.

அல்ஜீரியா மற்றும் அர்ஜென்டினா அணிகளுக்கு இடையிலான இந்தப் போட்டியை மெஸ்ஸியின் ரசிகர்கள் பெரும் ஆர்வத்துடன் எதிர்பார்த்திருந்தனர். உலகக் கோப்பையில் இது மெஸ்ஸியின் ஆறாவது பங்கேற்பாகும். ஆட்டத்தின் தொடக்கத்திலேயே 6வது நிமிடத்தில் மெஸ்ஸி கோல் அடித்தார். ஆனால் அது ஆஃப்சைட் காரணமாக செல்லாததால் ரசிகர்கள் ஏமாற்றம் அடைந்தனர். அதேபோல் 9வது நிமிடத்தில் அல்ஜீரியா அணி அடித்த கோலும் ஆஃப்சைட் என அறிவிக்கப்பட்டது.

பரபரப்பான ஆட்டத்தில் 17வது நிமிடத்தில் மெஸ்ஸி தனது முதல் கோலை அடித்து அர்ஜென்டினாவுக்கு 1-0 என்ற முன்னிலையைப் பெற்றுத் தந்தார். முதல் பாதி முழுவதும் அல்ஜீரியா கடுமையாகப் போராடியும் கோல் அடிக்க முடியவில்லை. 

இதையும் படிங்க: உலகக்கோப்பை கால்பந்து திருவிழா கோலாகலம்..!! நெதர்லாந்து - ஜப்பான் அணிகள் இன்று பலப்பரீட்சை..!!

இரண்டாவது பாதியில் மெஸ்ஸியின் மேஜிக் தொடர்ந்தது. 60வது நிமிடத்தில் அவர் இரண்டாவது கோலை அடித்து அணியின் முன்னிலையை 2-0 ஆக உயர்த்தினார். ஆட்டம் முடிய 14 நிமிடங்கள் மீதமிருந்தபோது, 76வது நிமிடத்தில் மெஸ்ஸி மூன்றாவது கோலை அடித்து ஹாட்ரிக் சாதனை படைத்தார். இதனால் அர்ஜென்டினா 3-0 என்ற கணக்கில் அபார வெற்றி பெற்றது.

இறுதி நிமிடங்கள் வரை அல்ஜீரியா கோல் அடிக்க முயற்சி செய்தும் எந்தப் பலனும் கிடைக்கவில்லை. மெஸ்ஸியின் அனுபவமும், திறமையும் அர்ஜென்டினாவுக்கு வெற்றியைத் தேடித் தந்தன. உலகக் கோப்பை தொடரை வெற்றியுடன் தொடங்கிய அர்ஜென்டினா அணியின் செயல்பாடு ரசிகர்களிடையே பெரும் உற்சாகத்தை ஏற்படுத்தியுள்ளது.

மூன்று கோல்கள் அடித்து ஹாட்ரிக் சாதனை படைத்த மெஸ்ஸிக்கு உலகம் முழுவதும் இருந்து பாராட்டுகள் குவிந்து வருகின்றன. 38 வயதிலும் தனது மேதமையை நிரூபித்துள்ள மெஸ்ஸியின் ரசிகர்கள் மகிழ்ச்சியில் திளைத்துள்ளனர். அடுத்த போட்டிகளிலும் மெஸ்ஸியின் அசத்தல் தொடரும் என எதிர்பார்க்கப்படுகிறது.

இந்த வெற்றி அர்ஜென்டினாவுக்கு உலகக் கோப்பை பயணத்தில் நல்ல தொடக்கத்தை அளித்துள்ளது.

இதையும் படிங்க: FIFA World Cup 2026: கோப்பையை வெல்லும் அணிக்கு பரிசுத்தொகை எவ்வளவு தெரியுமா..??