இந்திய சினிமா உலகில் பாகுபலி திரைப்படம் ஒரு மாபெரும் திருப்புமுனையாக விளங்குகிறது. தமிழ், தெலுங்கு, ஹிந்தி என பல மொழிகளில் வெளிவந்து, இந்தியா முழுவதும் மட்டுமல்லாமல் உலக அளவில் பெரும் வரவேற்பைப் பெற்றது. கதையின் வலிமை, தொழில்நுட்பம், ஒலி, காட்சி, பாடல்கள், கலை இயக்கம் என பல அம்சங்கள் இத்திரைப்படத்தை சிறப்பதற்கேற்ப நின்றன. பாகுபலியின் வெற்றிக்கு பின்னால், இயக்குநர் ராஜமௌலியின் பார்வை, கற்பனை மற்றும் அவரது திரைக்கதையின் ஆழம் முக்கிய காரணங்களாகும். இப்படத்தில் ஒவ்வொரு கதாபாத்திரமும் தனி முத்திரையை விட்டது.

இத்தகைய முக்கியமான கதாபாத்திரங்களில் ஒன்றாக ராஜமாதா சிவகாமி தேவி இருபார்கள். இதில் நடிகை ரம்யா கிருஷ்ணன் தனது அசாதாரண நடிப்பால் பாராட்டுகளை பெற்றார். ஆனால், இந்த கதாபாத்திரத்திற்காக முதலில் தேர்வு செய்யப்பட்டவர் வேறு ஒருவர் என தெரிய வந்துள்ளது. பாகுபலி படத்தின் கதையை திரையில் உணர்த்திய விதத்தில், சில கதாபாத்திரங்கள் நேரடியாகவே கதையின் தூண்களாக இருந்தன. அவற்றில் ராஜமாதா சிவகாமி முக்கியமான ஒன்று. தன்னம்பிக்கை, தைரியம், தீர்மானம், அரிய நுண்ணறிவு ஆகியவை இந்த பாத்திரத்தின் மூல அடையாளங்களாக விளங்கின. இதனை மிகுந்த வெளிப்பாடுடன் நடித்தவர் நடிகை ரம்யா கிருஷ்ணன். அதாவது, சிவகாமி கதாபாத்திரம் ரசிகர்களிடையே நினைவில் நிறைந்த முக்கியக் கேரக்டராக இன்று வரை பேசப்படுவதற்குக் காரணம், ரம்யாவின் கண்கவர் நடிப்பும் அவரது வசன நிகழ்வும் தான். அதன்படி பாகுபலியின் ஆரம்பக் கட்டங்களில் ராஜமௌலி சிவகாமி கதாபாத்திரத்திற்காக முதலில் நாடியவர் நடிகை ஸ்ரீதேவி. இது சிறிய வதந்தியாக ஆரம்பமாகி, பின்னர் ராஜமௌலியின் நேர்காணலில் உறுதியாகப் புரிந்தது. ராஜமௌலி நேரடியாக ஸ்ரீதேவியின் வீட்டிற்கு சென்று, கதையை அவரிடம் சொல்லியதாகவும், ஸ்ரீதேவி அந்த கதையை மிகுந்த ஆர்வத்துடன் கேட்டதாகவும் கூறியுள்ளார். ஆரம்பத்தில் இப்படத்தில் நடிக்கத் தயாராக இருந்ததாகவும், ஆனால் பிறகு சில காரணங்களுக்காக அந்த திட்டம் கைவிடப்பட்டது. இங்கே தான் உண்மையான குழப்பம் உருவாகிறது. ராஜமௌலியின் பதிப்புப்படி, ஸ்ரீதேவி சில கோரிக்கைகளை முன்வைத்ததாக கூறினார். அதாவது, ரூ.10 கோடி சம்பளம், ஹோட்டலில் தனியாக ஒரு முழு தளம், மற்றும் குழந்தைகளுக்காக கூடுதல் விமான டிக்கெட்டுகள் போன்றவை.

இந்த தகவல்கள் வெளியாகியதும், பலரும் ஸ்ரீதேவியை விமர்சிக்கத் தொடங்கினர். ஒரு கட்டத்தில், ‘பாகுபலியை விட்டுவிட்டதற்காக ஸ்ரீதேவி ஒரு பெரிய வாய்ப்பை இழந்தார்’ என்ற கருத்துகளும் வெளிவந்தன.
ஆனால், இந்த விமர்சனங்களுக்கு பதிலளிக்க நடிகை ஸ்ரீதேவி நேரடியாக பதில் அளிக்கவில்லை. இருப்பினும், அவரது கணவர் போனி கபூர் அளித்த விளக்கங்களில் பல புதிய தகவல்கள் வெளியானது. இப்படி இருக்க போனி கபூர் அளித்த பேட்டியில், சில முக்கியமான அம்சங்களை அவர் பகிர்ந்துள்ளார். அதில் ஸ்ரீதேவியை ராஜமௌலி நேரடியாக வீட்டிற்கு வந்து சந்தித்து கதையை சொன்னார் என்பது உண்மை. கதையை ஸ்ரீதேவி மிகவும் விருப்பமாக கேட்டார். இந்த பங்கு அவருக்கு மிகவும் பிடித்திருந்தது. தயாரிப்பாளர்களே பின்னர் வந்து சம்பளம் பற்றிப் பேசியதாகவும், அவர்கள் குறிப்பிட்ட தொகை ஸ்ரீதேவி வழக்கமாக வாங்கும் சம்பளத்தையும் விட குறைவாக இருந்ததாகவும், இதன் காரணமாகவே இப்படத்தில் நடிக்க அவர் மறுத்ததாகவும் கூறினார். இப்படி இருக்க ஹோட்டலில் ஒரு தனி தளம் கேட்டது உண்மை தான்.

இதையும் படிங்க: எழுந்த பரபரப்பு புகார்.. அமெரிக்கா சென்ற பிரபல இயக்குனர்.. மும்பை ஏர்போர்ட்டில் காத்திருந்த ட்விஸ்ட்..!

ஆனால் அது ஸ்ரீதேவியின் தேவையால் அல்ல, குழந்தைகள் அந்த நேரத்தில் விடுமுறையில் இருப்பதால் அவர்களுடன் வசதியாக இருக்கவே கேட்டதாகவும், இது போன்ற கோரிக்கைகளை சில தயாரிப்பாளர்கள் தவறாக ராஜமௌலிக்கு எடுத்துரைத்ததாகவும் கூறினார். இது யாருடைய தவறு? இங்கு சிக்கலான விஷயம் என்னவென்றால், உண்மையில் யார் என்ன கூறினார்கள், யார் என்ன முடிவெடுத்தார்கள் என்பது இன்னும் தெளிவாக இல்லை. இருவரும் தங்களது பார்வையை வெளிப்படுத்தினாலும், பார்வை என்பது எப்போதும் கருத்தின் அடிப்படையில் இருக்கும். ஆனால் இங்கே ஒரு விஷயம் மட்டும் தெளிவாகிறது. என்னவெனில் இந்த தவறான தகவல் பரிமாற்றம் அல்லது உரையாடல் முறையை தவிர்த்திருந்தால், ஸ்ரீதேவி பாகுபலி படத்தில் நடித்திருப்பார்கள் என்பதே உண்மை. இங்கு ஒரு முக்கிய அம்சம் என்னவென்றால், ஸ்ரீதேவி இந்த படம் மற்றும் கதாபாத்திரத்தை விட்டு விலகியதின் காரணமாக, அந்த வாய்ப்பு நடிகை ரம்யா கிருஷ்ணனுக்கு சென்றது. அவர் இந்த வாய்ப்பை முழுமையாக பயன்படுத்தி, சிவகாமியாக திகழ்ந்தார். அந்த கதாபாத்திரம் இன்று வரை தமிழர்களிடையே பெருமையாக பேசப்படுகின்றது. ரம்யாவின் குரலும், அவரின் முகபாவனைகளும், அவர் கொண்டு வந்த ஆழமும், இந்த கதாபாத்திரத்திற்கு கூடுதல் தாக்கத்தை ஏற்படுத்தியது. இது அவருக்கு தனி அடையாளமாகவும் மாறியது. ஆகவே பாகுபலியில் ஸ்ரீதேவி நடித்திருந்தால், அது எப்படி இருந்திருக்கும் என்பதை கற்பனை செய்யலாம். ஆனால், சில நேரங்களில் எதிர்பாராத மாற்றங்கள், ஒரு படத்தின் வெற்றியை மாற்றி அமைக்கக்கூடிய ஆற்றல் கொண்டிருக்கின்றன. இதன் சான்றாக பாகுபலி மற்றும் சிவகாமி கதாபாத்திரம் அமைகிறது. ஸ்ரீதேவியின் திறமையை சந்தேகிக்க இடமில்லை.

ஆனால், இங்கு ஒரு பங்கு அவர் தவறவிட்டதாலும், மற்றொருவர் அதைப் பெற்று உயர்ந்ததாலும் ஒரு புதிய வரலாறு உருவானது. இது சினிமாவின் விசித்திரங்கள். எனவே இத்துடன், பாகுபலியில் ஸ்ரீதேவி ஏன் நடித்திருக்க முடியவில்லை என்பதைப் பற்றிய சரித்திரமும், அதன் பின்னணியும் நமக்கு புரிந்தது. உண்மை எதுவாக இருந்தாலும், ஒரு கலையிழையே இல்லாமல், மற்றொரு கலைஞரின் நடிப்பால் அந்த பங்கு சிறந்த முறையில் உயிர் பெற்றதென்பதை ஒப்புக்கொள்ள வேண்டியதே.

இதையும் படிங்க: SIIMA 2025 விருது விழா: விருதுகளை அள்ளிக்குவித்த தமிழ் படங்கள்.. என்னென்ன தெரியுமா..!!