பாலிவுட் நடிகைகளில் பலருக்கு வதந்திகள் புதியதல்ல. ஆனால் சில சமயங்களில் அவை நடிகர்களையே அதிர்ச்சிக்குள்ளாக்கும் அளவுக்கு பரவிவிடுகின்றன. அந்த வகையில் தற்போது சோனாக்சி சின்ஹா குறித்து பரவி வரும் “கர்ப்ப வதந்தி” சமூக வலைத்தளங்களில் பெரும் விவாதமாகியுள்ளது. சமீபத்தில் வெளியான அவரது புகைப்படம், ரசிகர்களிடையே பல ஊகங்களுக்கு வழிவகுத்தது. ஆனால், அதற்கெல்லாம் சோனாக்சி தன் தனித்துவமான நகைச்சுவை பாணியில் பதிலடி கொடுத்து, அனைவரையும் சிரிக்க வைத்துள்ளார்.

இப்படி இருக்க பாலிவுட் திரைப்படங்களில் முன்னணி நடிகையாக விளங்கும் சோனாக்சி சின்ஹா, முதன்முறையாக தெலுங்கு சினிமாவில் நடித்து வருகிறார். அவர் நடிக்கும் படம் “ஜடாதாரா”, நவம்பர் 7 அன்று வெளியாக இருக்கிறது. இந்த படத்தில் தெலுங்கு நடிகர் சுதீர் பாபு முக்கிய கதாபாத்திரத்தில் நடித்துள்ளார். படம் ஒரு மர்ம அதிரடி த்ரில்லர் வகை படம் எனக் கூறப்படுகிறது. இப்படியாக சோனாக்சி இந்த படத்தில் வித்தியாசமான கதாபாத்திரம் ஒன்றில் தோன்றுகிறார் என படக்குழு தெரிவித்துள்ளது. படத்தின் டிரெய்லர், போஸ்டர் ஆகியவை வெளியானதும் ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது. தற்போது “ஜடாதாரா” படத்தின் புரமோஷன் வேகமாக நடைபெற்று வருகிறது. இதற்கிடையில், பிரபல ஆடை வடிவமைப்பாளர் விக்ரம் பட்னிஸ் நடத்திய ஒரு ஃபேஷன் நிகழ்ச்சியில் சோனாக்சி கலந்துகொண்டார். அந்த விழாவில் அவர் அணிந்திருந்த உடை மென்மையான, சற்று பரந்த வடிவில் இருந்ததால், சில இணையதளங்கள் மற்றும் சமூக வலைத்தளப் பக்கங்கள், “சோனாக்சி சின்ஹா கர்ப்பமாக உள்ளாரா?” என்று ஊகக் கதைகளை பரப்பத் தொடங்கின.

இது சில மணி நேரங்களிலேயே வைரலாகி, பல பிரபல பேஜ்களிலும், பொழுதுபோக்கு தளங்களிலும் பகிரப்பட்டது. இவ்வாறு பரவி வரும் வதந்திகளுக்கு சோனாக்சி சின்ஹா அமைதியாக இருக்கவில்லை. அவர் தனது இணையதளம் வழியாக ஒரு சாடும் பதில் அளித்தார். அதில், “இன்னும் கர்ப்பமாக இருப்பதாக சொல்றாங்க. இது மனித வரலாற்றிலேயே நீண்ட கர்ப்பம்.. சாதனைக்கு விண்ணப்பிக்கணும் போல” என்று நகைச்சுவையாகக் கூறினார். அவரது இந்தக் கருத்து ரசிகர்களிடையே பெரும் வரவேற்பைப் பெற்றது. பலரும் “அவரின் பதில் தான் சரியான நேரடி தாக்குதல்” எனக் கருத்து தெரிவித்தனர்.  இது சோனாக்சி குறித்து எழுந்த முதல் கர்ப்ப வதந்தி அல்ல. முன்னதாகவும் கடந்த ஆண்டு அவர் சில படங்களில் சிறிதளவு உடல் எடை அதிகரித்திருந்தபோது இதேபோன்ற செய்திகள் பரவியிருந்தன. அப்போதும் அவர் அதைப் புறக்கணித்து, “உடல் எடை மாற்றம் ஒரு சாதாரண விஷயம். அதை கர்ப்பமாக்கும் அளவுக்கு சிலர் கற்பனை செய்வது வேடிக்கையாக உள்ளது” என்று கூறியிருந்தார்.

இதையும் படிங்க: மனதை திருடும் ‘டோன்ட் லுக் டவுன்’ பாடல்..! இசையமைப்பாளர் சந்தோஷ் நாராயணின் புதிய ஆல்பம் வெளியீடு..!

இம்முறை, அதையே நகைச்சுவையுடன் கூறிய அவரது பதில் பல பெண்கள் நடிகைகளுக்கு சுயநம்பிக்கைச் சின்னமாக பார்க்கப்படுகிறது. இப்படி இருக்க சோனாக்சி சின்ஹா கடந்த ஆண்டு நடிகர் ஜாகீர் இக்பால் என்பவரை மணந்தார். இருவரும் நீண்டகால காதலுக்குப் பிறகு திருமணம் செய்து கொண்டனர். திருமணத்தின் பிறகு இருவரும் அடிக்கடி சமூக வலைத்தளங்களில் தங்கள் புகைப்படங்களை பகிர்ந்து வருகிறார்கள். அவர்களின் க்யூட் கேமிஸ்ட்ரி ரசிகர்களிடம் பெரும் வரவேற்பு பெற்றுள்ளது. ஆனால், திருமணத்திற்குப் பிறகு அவரைப் பற்றிய கர்ப்ப வதந்திகள் அடிக்கடி எழுந்து வருகின்றன. இதைப் பற்றி ரசிகர்களும், பிரபலங்களும் பல முறை “தனிப்பட்ட விஷயங்களில் ஊடகங்கள் அக்கறை காட்ட வேண்டாம்” என கேட்டுக் கொண்டனர்.

தமிழ் சினிமா ரசிகர்களுக்கு சோனாக்சி சின்ஹா புதிய முகமல்ல. கடந்த 2014-ல் வெளியான சூப்பர் ஸ்டார் ரஜினிகாந்த் நடித்த ‘லிங்கா’ திரைப்படத்தின் மூலம் அவர் தமிழில் அறிமுகமானார். அந்தப் படத்தில் அவரது நடிப்பும், கவர்ச்சியான தோற்றமும் தமிழ் ரசிகர்களின் மனதில் பதிந்தது. அதன் பிறகு அவர் மீண்டும் தமிழில் நடிக்கவில்லை என்றாலும், ரசிகர்கள் இன்னும் அவரை நினைவுகூர்கிறார்கள். இந்திய சினிமா உலகில், நடிகைகள் அணியும் ஆடைகள், அவர்களின் உடல் வடிவம், அல்லது சிறிய மாற்றங்களே கூட சில சமயங்களில் பெரிய வதந்திகளுக்கான தீப்பொறியாக மாறிவிடுகின்றன. சோனாக்சி சின்ஹா இதன் சமீபத்திய எடுத்துக்காட்டு. அவர் அணிந்திருந்த ஒரு சாதாரண உடை கூட இணையத்தில் வதந்திகளை கிளப்பி விட்டது.  ஆனால், அவர் கொடுத்த பதில், “நடிகைகள் தங்களைப் பற்றிய பொய்யான செய்திகளைச் சிரித்துக்கொண்டே சமாளிக்க முடியும்” என்பதைச் சுட்டிக்காட்டுகிறது.

ஆகவே சோனாக்சி சின்ஹா தற்போது தன்னுடைய “ஜடாதாரா” திரைப்படத்தின் வெளியீட்டுக்காக முழுமையாக ஈடுபட்டு வருகிறார். வதந்திகளும், விமர்சனங்களும் நடுவிலும், அவர் தனது தொழில்முறை உறுதியையும் நகைச்சுவை உணர்வையும் இழக்கவில்லை. அவரது பதில் ஒரு நடிகையாக மட்டுமல்ல, ஒரு பெண்ணாகவும், தன்னம்பிக்கையுடன், அழகான பாணியில் வதந்திகளை எதிர்கொள்ளும் புதிய வழிமுறையை உருவாக்கியுள்ளது. “மனித வரலாற்றிலேயே நீண்ட கர்ப்பம் எனக்கு தான்” — என்ற அவரது வாக்கியம் இப்போது பாலிவுட் உலகில் பேசப்படும் முக்கிய நகைச்சுவை மேற்கோள் ஆக மாறியுள்ளது.

இதையும் படிங்க: 'மாட்டிறைச்சி காட்சி' வழக்கில் சிக்கித்தவிக்கும் “ஹால்” படம்..! நீதிமன்றம் எடுத்த அதிரடி முடிவால் கலக்கம்..!