"புட்ட பொம்மா... புட்ட பொம்மா..." என்ற பாடலை கேட்டால் அனைவருக்கும் நினைவுக்கு வருவது பூஜா ஹெக்டேவின் கிரைண்டர் நடனம் தான். அந்த அளவிற்கு இன்றும் பலரது கவனத்தை ஈர்த்து வருகிறது இவரது நடனமும் அவரது நடிப்பும். மேலும், சினிமா வட்டாரத்தில் இவருக்கு ஏத்த ஜோடி என்றால் ஒன்று அல்லு அர்ஜுன் மற்றொருவர் நடிகர் விஜய். அந்த அளவிற்கு சினிமாவில் முன்னணி நடிகையாக வளர்ந்து அதிக சம்பளம் வாங்கும் நடிகையாக உருவெடுத்து நிற்கிறார் நடிகை பூஜா ஹெக்டே. 

"அழகா இருக்கும் பெண்கள் அறிவா இருக்க மாட்டாங்க" என பாடல் வரிகள் இருப்பது போல, அழகாக இருக்கும் கர்நாடகாவின் உடுப்பியைச் சேர்ந்த பூஜா ஹெக்டே, துளுவைத் தவிர, ஆங்கிலம், இந்தி, மராத்தி, தமிழ் மற்றும் கன்னடம் ஆகியவற்றில் சரளமாகப் பேசக்கூடியவர். அந்த அளவிற்கு அழகும் அறிவையும் சரிசமமாக உடையவர். மேலும், இவரது பள்ளி மற்றும் கல்லூரி படிப்பின் பொழுது பரதநாட்டியம் மற்றும் நடனத்தில் மிகுந்த ஆர்வம் கொண்டவர்.

இதையும் படிங்க: தீராத வியாதியால் பாதிப்பு.. ரசிகர்களிடம் மன்னிப்பு கேட்ட நடிகை நஸ்ரியா..!

ஆதலால் பூஜா ஹெக்டே நடனத்திற்கு அன்றே நிறைய ரசிகர்கள் இருந்தனர். அதனை மாற்ற நினைத்த பூஜா ஹெக்டே, 2009ம் ஆண்டு நடைபெற்ற மிஸ் இந்தியா 2009 போட்டியில் பங்கேற்றார், ஆனால் இந்த போட்டியில் அவர் விருதுகளை பெற்றாலும், ஆரம்ப சுற்றில் வெளியேற்றப்பட்டார். இதனை அடுத்து 2010ம் ஆண்டு கலந்து கொண்ட, மிஸ் யுனிவர்ஸ் இந்தியா போட்டியில் இரண்டாவது இடத்தைப் பிடித்தார்.

இவரது அழகையும் அறிவையும் பார்த்த இயக்குனர் மிஷ்கின், ஜீவாவுக்கு ஜோடியாக முகமூடி திரைப்படத்தில் பூஜாவை அறிமுகப்படுத்தினார். இதனை அடுத்து, நாக சைதன்யாவின் காதல் நகைச்சுவை திரைப்படமான "ஓகா லைலா கோசம்" படத்தில் ஹெக்டே நடித்தார்.

முகமூடி, ஒக லைலா கோசம், முகுந்தா, மொஹன்ஜ தாரோ, துவடே ஜகநாதம், ரங்கஸ்தளம், சாக்க்ஷியம், அரவிந்தா சமெதா வீர ராகவா, மஹர்ஷி, கடலகொண்ட கணேஷ், ஹவுஸ் ஃபுல் 4, ஆல வைகுண்டபுரம்லூ, மோஸ்ட் எலிஜிபில் பேச்சலர், ராதே ஷ்யாம், ஆச்சார்யா, சர்க்கஸ், பீஸ்ட் போன்ற பல படங்களில் நடித்து இருந்தார்.

மேலும் தற்பொழுது நடிகர் விஜயின் ஜனநாயகன், ராகவா லாரன்ஸின் காஞ்சனா 4, சூர்யாவின் ரெட்ரோ போன்ற படங்களில் பூஜா ஹெக்டே நடித்து வருகிறார். அதே போல் நடிகர் ரஜினியின் கூலி திரைப்படத்திலும் சிவப்பு உடையில் அழகான நடனத்தை ஆடியிருக்கிறார் நடிகை பூஜா ஹெக்டே. 

இந்த நிலையில் நடிகர் ரஜினியின் கூலி படத்தை பற்றி பேசிய பூஜா ஹெக்டே "ரஜினியுடன் நடிக்க வேண்டும் என்பது எனது நீண்ட நாள் ஆசை மட்டும் அல்ல கனவு. அதன் காரணமாகவே கூலி படத்தில் ஒரு பாடலுக்கு நடனமாட வேண்டும் என்று சொன்னதும் உடனே ஒத்துக் கொண்டேன். உண்மையில் நடிகர் ரஜினியுடன் நடித்த அனுபவம் எனக்கு ரொம்ப ஸ்பெஷலாக இருந்தது. எல்லோரும் தமன்னா போல் இந்த படத்தில் ஆடியிருப்பேன் என்று சொல்லுகிறீர்கள்.

ஆனால் நான் ஆடிய இந்த பாடல் ஜெயிலர் படத்தில் தமன்னா ஆடிய காவாலா பாடலைக் போன்று ஒரு துளி கூட இருக்காது. அதை விட முழுவதுமாக வேறு பட்ட பாடல் இது. இதற்கும் அதற்கும் எந்த சம்பந்தமும் இருக்காது. குறிப்பாக இந்த பாடலில் இடம் பெற்றுள்ள நடன அசைவுகள் அனைத்தும் உங்களுக்கு புதுசாக இருக்கும். கண்டிப்பாக ரசிகர்கள் தியேட்டரில் என் நடனத்தையும் பாடலையும் கேட்டு உற்சாக முழக்கமிடுவார்கள்" என்று தெரிவித்திருக்கிறார்.

இதையும் படிங்க: "பூக்களே சற்று ஓய்வெடுங்கள்.. அவள் வந்துவிட்டாள்"..! கிளாமர் போட்டோவில் அசத்தும் மிருனாள் தாகூர்..!