திரையுலகில் தற்போது ஒரு புதிய மாற்றம் தென்படத் தொடங்கியுள்ளது. முன்னணி நடிகைகள் மற்றும் இளம் நட்சத்திரங்கள் சினிமாவில் மட்டுமே கவனம் செலுத்தாமல், அதே நேரத்தில் உயர்கல்வியையும் தொடர்ந்து சாதனை படைத்து வருகின்றனர். குறிப்பாக மருத்துவம் போன்ற கடினமான படிப்புகளையும் வெற்றிகரமாக முடித்து, பின்னர் மீண்டும் சினிமாவுக்கு திரும்பும் நடிகைகள் ரசிகர்களிடையே பெரும் பாராட்டைப் பெற்று வருகின்றனர். சமீபத்தில் தெலுங்கு நடிகை ஸ்ரீலீலா தனது மருத்துவ பட்டத்தை பெற்றது ரசிகர்களை ஆச்சரியப்படுத்திய நிலையில், தற்போது மற்றொரு இளம் நடிகை அதே காரணத்தால் கவனத்தை ஈர்த்துள்ளார். அவர் தான் ‘திரிஷ்யம் 3’ திரைப்படத்தில் நடிக்க உள்ள ஷ்ரத்தா கோகுல்.

குழந்தை நட்சத்திரமாக ரசிகர்களின் மனதில் இடம்பிடித்த ஷ்ரத்தா கோகுல், தற்போது மருத்துவராகவும் தனது கனவை நிறைவேற்றியுள்ளார். சினிமா மற்றும் கல்வி ஆகிய இரண்டையும் சமநிலையாக கையாள்ந்து சாதித்துள்ள அவரது பயணம் தற்போது சமூக வலைதளங்களில் பெரிதும் பேசப்பட்டு வருகிறது. குறிப்பாக ‘திரிஷ்யம் 3’ படத்தில் செவிலியர் கதாபாத்திரத்தில் நடிக்க இருக்கும் நடிகை, நிஜ வாழ்க்கையில் ஒரு மருத்துவர் என்பது ரசிகர்களை ஆச்சரியத்தில் ஆழ்த்தியுள்ளது.

ஷ்ரத்தா கோகுல் சிறு வயதிலிருந்தே தொலைக்காட்சி மற்றும் திரைப்படங்களில் நடித்து வந்தவர். பல சீரியல்களிலும் குழந்தை நட்சத்திரமாக தோன்றி தனது இயல்பான நடிப்பால் ரசிகர்களின் கவனத்தை ஈர்த்தார். குறிப்பாக ‘ஹலோ குட்டி சாத்தான்’ தொடரின் மூலம் அவர் மிகவும் பிரபலமானார். குழந்தைகளுக்கான அந்த தொடரில் அவரது நடிப்பு மற்றும் குறும்புத்தனமான காட்சிகள் ரசிகர்களிடம் நல்ல வரவேற்பைப் பெற்றன. இதன் மூலம் மலையாள தொலைக்காட்சி உலகில் அவருக்கு தனி அடையாளம் உருவானது.

இதையும் படிங்க: மோகன்லால்- மீனா கூட்டணியின் த்ரில்லர் மற்றும் சஸ்பென்ஸ்..!! ரிலீசுக்கு முன்பே வசூல் வேட்டையில் 'திரிஷ்யம் 3'..!

சீரியல்களில் கிடைத்த வரவேற்பின் காரணமாக, அவருக்கு தொடர்ந்து திரைப்பட வாய்ப்புகளும் கிடைக்கத் தொடங்கின. ஆனால் அதே நேரத்தில் தனது படிப்பையும் அவர் மிகவும் முக்கியமாக எடுத்துக்கொண்டார். பலர் போல சினிமா வாய்ப்புகளுக்காக கல்வியை பாதியில் நிறுத்தாமல், தனது மருத்துவ படிப்பை முழுமையாக முடிக்க வேண்டும் என்ற முடிவை எடுத்தார். இதன் காரணமாக, ஒரு கட்டத்தில் அவர் நடிப்பிலிருந்து முழுமையாக விலகி படிப்பில் கவனம் செலுத்த ஆரம்பித்தார்.

மருத்துவராக வேண்டும் என்ற கனவை நனவாக்குவதற்காக அவர் பிலிப்பைன்ஸ் நாட்டிற்கு சென்று மருத்துவ படிப்பை தொடர்ந்தார். வெளிநாட்டில் மருத்துவம் படிப்பது எளிதான விஷயம் அல்ல. மொழி, கலாசாரம், புதிய சூழல் போன்ற பல சவால்களை கடந்து தான் மாணவர்கள் அங்கு படிக்க வேண்டியிருக்கும். ஆனால் ஷ்ரத்தா அவற்றை எல்லாம் தைரியமாக எதிர்கொண்டு தனது மருத்துவ படிப்பை வெற்றிகரமாக முடித்தார்.

பின்னர் இந்தியா திரும்பிய அவர், திருவனந்தபுரம் அரசு மருத்துவமனையில் தனது இன்டர்ன்ஷிப் பயிற்சியையும் நிறைவு செய்தார். மருத்துவ துறையில் தனது வாழ்க்கையை முழுமையாக தொடர வேண்டும் என்ற எண்ணத்தில் இருந்ததாக கூறப்படுகிறது. அந்த அளவுக்கு அவர் மருத்துவத்தை தீவிரமாக எடுத்துக் கொண்டிருந்தார். இதனால், மீண்டும் சினிமாவுக்கு திரும்புவேன் என்ற எண்ணமே அவருக்கு இல்லாமல் இருந்ததாக தகவல்கள் தெரிவிக்கின்றன.

ஆனால் வாழ்க்கை சில நேரங்களில் எதிர்பாராத திருப்பங்களை கொடுக்கும். அதுபோலவே, கொச்சியில் நடைபெற்ற ஒரு ஆடிஷனில் ஷ்ரத்தா கலந்து கொண்டது அவரது வாழ்க்கையில் புதிய அத்தியாயத்தைத் தொடங்கியது. சாதாரணமாக கலந்து கொண்ட அந்த ஆடிஷனில் அவர் தேர்வானதைத் தொடர்ந்து, இயக்குநர் ஜீத்து ஜோசப்பின் கவனம் அவர்மீது திரும்பியது. அதன் பிறகு அவர் இயக்கிய ‘வலது வஸ்தே கள்ளன்’ திரைப்படத்தில் ஷ்ரத்தாவுக்கு முக்கிய வாய்ப்பு வழங்கப்பட்டது.

அந்த திரைப்படத்தில் ஷ்ரத்தாவின் நடிப்பு நல்ல வரவேற்பைப் பெற்றதாக கூறப்படுகிறது. குறிப்பாக அவரது இயல்பான முகபாவனைகள் மற்றும் நிதானமான நடிப்பு ரசிகர்களை கவர்ந்துள்ளது. இதன் பின்னரே ஜீத்து ஜோசப் தனது அடுத்த முக்கிய திட்டமான ‘திரிஷ்யம் 3’ திரைப்படத்திலும் ஷ்ரத்தாவை தேர்வு செய்துள்ளதாக தகவல்கள் வெளியாகியுள்ளன.

‘திரிஷ்யம்’ திரைப்படத் தொடர் இந்திய சினிமாவில் மிகவும் வெற்றிகரமான திரில்லர் படங்களாக கருதப்படுகிறது. மோகன்லால் நடித்த இந்தப் படத்தின் முதல் இரண்டு பாகங்களும் ரசிகர்களிடையே மிகப்பெரிய வரவேற்பைப் பெற்றன. தற்போது மூன்றாவது பாகம் குறித்த எதிர்பார்ப்பு ஏற்கனவே அதிகமாக இருக்கும் நிலையில், அதில் ஷ்ரத்தா கோகுல் இணைந்திருப்பது புதிய கவனத்தை ஏற்படுத்தியுள்ளது.

இந்தப் படத்தில் அவர் செவிலியர் கதாபாத்திரத்தில் நடிக்க இருப்பதாக தகவல்கள் வெளியாகியுள்ளன. திரைப்படத்தில் செவிலியராக நடிக்கும் நடிகை, நிஜ வாழ்க்கையில் மருத்துவர் என்பது ரசிகர்களை மேலும் ஆச்சரியப்படுத்தியுள்ளது. “ரீலில் நர்ஸ்… ரியலில் டாக்டர்” என்ற வகையில் பல ரசிகர்கள் சமூக வலைதளங்களில் பதிவுகள் வெளியிட்டு வருகின்றனர்.

ஷ்ரத்தாவின் இந்த பயணம் தற்போது பல இளம் ரசிகர்களுக்கு ஊக்கமாக மாறியுள்ளது. சினிமா மற்றும் கல்வி இரண்டையும் ஒன்றாக சாதிக்க முடியும் என்பதை அவர் நிரூபித்துள்ளார் என பலர் பாராட்டி வருகின்றனர். குறிப்பாக மருத்துவம் போன்ற கடினமான துறையில் படித்து வெற்றி பெற்ற பிறகும், தனது ஆர்வமான நடிப்புத் துறைக்குத் திரும்பியிருப்பது பலருக்கும் வியப்பை ஏற்படுத்தியுள்ளது.

திரையுலகில் தற்போது திறமைக்கு இணையாக கல்விக்கும் முக்கியத்துவம் கொடுக்கப்படும் காலம் வந்துவிட்டது என்பதை ஷ்ரத்தா போன்ற இளம் நட்சத்திரங்கள் மீண்டும் நிரூபித்து வருகின்றனர். ஒரு புறம் மருத்துவராக மக்களுக்கு சேவை செய்யும் வாய்ப்பு, மறுபுறம் நடிகையாக ரசிகர்களை மகிழ்விக்கும் பயணம் என இரு உலகங்களிலும் சாதனை படைக்கத் தயாராக உள்ளார் ஷ்ரத்தா கோகுல்.

தற்போது ‘திரிஷ்யம் 3’ படத்தின் மீதான எதிர்பார்ப்புடன் சேர்த்து, ஷ்ரத்தாவின் திரை வருகையும் ரசிகர்களிடையே ஆர்வத்தை ஏற்படுத்தியுள்ளது. இனி வரும் காலங்களில் அவர் மருத்துவத் துறையிலும், சினிமாவிலும் எந்த அளவுக்கு சாதிக்கப் போகிறார் என்பதை ரசிகர்கள் ஆவலுடன் எதிர்நோக்கி வருகின்றனர்.

இதையும் படிங்க: நான் சிரிச்சா அசிங்கமா இருக்கேனாம்.. கடுப்பில் பேசிய இயக்குநர்..!! கதறி அழுத நடிகை நேஹா தூபியா..!