‘தங்கைத் தீதி’, ‘தங்களாய் வாழ்க்கை’ போன்ற சமூகத் தோரணைகள் கொண்ட படங்களை இயக்கிய நிதிஷ் திவாரி இயக்கத்தில், ஏ.ஆர்.ரகுமானின் மிரட்டும் இசையில், நடிகர்கள் ரன்பீர் கபூர் மற்றும் சாய்ப்பல்லவி ஆகியோர் நடிப்பில் தயாராகி வரும் திரைப்படம் தான் "ராமாயணம்" புராணங்களில் சொல்லப்பட்ட ராமாயணம் கதையை மையமாக வைத்து உருவாகி வரும் இப்படத்தில் ராமராக ரன்பீர் கபூரும், சீதையாக சாய் பல்லவியும் ராவணனாக நடிகர் யாஷும் நடித்து வருகின்றனர். மேலும், இந்த படத்தில் கும்பகர்ணனாக பாபிதியோல், அனுமானாக சன்னி தியோல், முக்கிய கதாபாத்திரத்தில் நடிகை ஷோபனாவும் நடித்து வருகின்றனர்.

இரண்டு பாகங்களாக வெளியாக இருக்கும் ராமாயணத்தின் முதல் பாகம் முடிவடைந்த நிலையில் எடிட்டிங் எல்லாம் முடிந்து அடுத்த ஆண்டு தீபாவளி அன்று வெளியாகும் என படக்குழுவினாரால் கூறப்படுகிறது. இந்த படத்தின் மிகப்பெரிய ஹைலைட்டாக இருப்பது இசை. இந்திய சினிமாவின் புகழ்பெற்ற இசையமைப்பாளர் ஏ.ஆர். ரஹ்மான் மற்றும் ஹாலிவுட்டின் ஜாட்பாட்டுக்கேற்ப இசை தரும் ஹான்ஸ் ஸிம்மர் ஆகிய இருவரும் இணைந்து முதல் முறை இந்தப் படத்திற்கு இசையமைக்கிறார்கள். இப்படி இருக்க, ஆரம்பத்தில் இப்படத்தின் பட்ஜெட் ரூ.800 கோடி எனச் சொல்லப்பட்டது. பின்னர் இரண்டு பாகங்களை சேர்த்து மொத்தம் ரூ.1600 கோடி என்ற தகவலும் வெளிவந்தது. ஆனால் சமீபத்தில் தயாரிப்பாளர் நமித் மல்ஹோத்ரா ஒரு நேர்காணலில், "ராமாயணா படம் ரூ.4000 கோடி செலவில் உருவாகிறது" எனத் தெரிவித்துள்ளார். இதன் மூலம் இந்திய சினிமா வரலாற்றிலேயே மிகப்பெரிய தயாரிப்புச் செலவில் உருவாகும் படம் என்ற பெருமையை ராமாயணா பெற்றுள்ளது.

இது குறித்து நமித் மல்ஹோத்ரா கூறுகையில், "இது வெறும் திரைப்படமாக அல்ல, இது உலகளவில் இந்தியர்கள் பெருமைப்படக்கூடிய வகையில் உருவாகும் கலாச்சாரக் கதை. ராமாயணத்தை நவீன சினிமா தொழில்நுட்பத்துடன் உருவாக்கி உள்ளோம், ஆனால் அதன் உண்மைத் தன்மையை முற்றிலும் காப்பாற்றும் முயற்சியாக இதைப் பார்க்க வேண்டும். ரூ.4000 கோடி என்பது ஒரு எண் அல்ல. இது அந்தக் கதையின் மேன்மைக்கு  கொடுக்கும் ஒரு மரியாதை " என தெரிவித்துள்ளார். மேலும், இந்த படத்தில் பயன்படுத்தப்படும் வி.எப்.எக்ஸ் தொழில்நுட்பம், கலைவசதிகள் மற்றும் உலக தரத்தில் தயாராகும் ஒளிப்பதிவு உள்ளிட்டவை, ஹாலிவுட் தரத்திற்கே சமமாக இருக்கும் என எதிர்பார்க்கப்படுகிறது. படத்தின் ஷூட்டிங்கானது 2024-ம் ஆண்டு இறுதியில் துவங்கி 2026 வரை தொடருமாம். முதல் பாகம் 2026 தீபாவளிக்கு வெளியிட திட்டமிடப்பட்டுள்ளது.

இதையும் படிங்க: நடிகர் விஷாலின் 35-வது திரைப்படத்தில் சூப்பர் ஸ்டாரின் ஜோடியா..! மிரளவைக்கும் படத்தின் மாஸ் அப்டேட்..!

இரண்டாவது பாகம் 2027 தீபாவளியில் வெளியிடப்படும் என தெரிவிக்கப்பட்டுள்ளது. இந்த ராமாயணம் திரைப்படம் உலகளவில் தமிழில் மட்டுமல்லாமல் இந்தி, தெலுங்கு, கன்னடம், மலையாளம் மற்றும் ஆங்கிலம் என ஒட்டுமொத்தமாக ஏழு மொழிகளில் ஒரே நேரத்தில் வெளியாக இருக்கிறது. அதனுடன், உலகம் முழுவதும் உள்ள IMAX மற்றும் 3D தொழில்நுட்பத்திலும் படம் தயாராகி வருகிறது என்ற தகவலும் கிடைத்துள்ளது. இந்திய திரையுலகில் இதுவரை இல்லாத அளவுக்கு பட்ஜெட், தொழில்நுட்பம், நடிப்புப் பலம், மற்றும் புகழை பெற்ற இசையமைப்பாளர்களின் கூட்டணி ஆகிய அனைத்தையும் ஒரே திரையில் காண்பிக்கும் முயற்சியில் படக்குழுவினர் உள்ளனர். இது வெறும் ஒரு திரைப்படமாக இல்லாமல், இந்திய சினிமாவின் அடையாளமாகவும், உலகமே பார்ப்பதற்குரிய கலாச்சாரப் பெருமை என்ற வகையிலும் அமைவதற்கான திட்டங்களோடு உருவாக்கப்படுகிறது. 2026 மற்றும் 2027-ல் ரிலீசாக உள்ள ராமாயணா திரைப்படம், இந்திய சினிமாவை சர்வதேச தரத்தில் புதிய உச்சத்திற்கு அழைத்துச் செல்லும் என்பதில் எந்த சந்தேகமும் இல்லை.

இருப்பினும் ரூ.4000 கோடி எனும் மிகப்பெரிய முதலீடு, வெறும் பணம் செலவழிப்பாக அல்லாமல் மக்களின் நம்பிக்கையை சினிமா மொழியாக மாற்றும் ஒரு புரட்சியாகவே பார்க்கப்படுகிறது என சினிமா ஆர்வலர்கள் முதல் சினிமா ரசிகர்கள் வரை அனைவரும் தெரிவித்து வருகின்றனர்.
 

இதையும் படிங்க: 'ஆமாம்.. உடல் எடை குறைஞ்சிடுச்சி.. என்ன இப்ப'.. நடிகை பவித்ரா லட்சுமி காட்டமான பேச்சு...!