இயக்குனர் வெற்றிமாறன் இயக்கத்தில், நடிகர் சிலம்பரசன் முன்னணி கதாபாத்திரத்தில் நடிக்கும் புதிய திரைப்படம் “அரசன்” மிகுந்த எதிர்பார்ப்பை ஏற்படுத்தியுள்ளது. இந்த படத்தின் திரையரங்கு ப்ரோமோ இன்று சென்னை வடபழனியில் உள்ள புகழ்பெற்ற கமலா திரையரங்கில் வெளியிடப்பட்டது. ஆனால் நிகழ்ச்சி நடைபெறும் இடத்தில் நடிகர் கூல் சுரேஷ் செய்த அதிர்ச்சியூட்டும் செயல் ரசிகர்களிடையே பெரும் சர்ச்சையை ஏற்படுத்தியுள்ளது. இயக்குநர் வெற்றிமாறன் மற்றும் STR இணையும் படங்கள் என்றாலே ரசிகர்களிடையே பெரும் பரபரப்பு ஏற்படும்.

இந்த முறைவும் அதே எதிர்பார்ப்பில் ரசிகர்கள் திரையரங்கிற்கு திரண்டு வந்தனர். ப்ரோமோ வெளியீட்டில் டி. ராஜேந்திரன், தயாரிப்பாளர் கலைப்புலி தாணு, மற்றும் ஏராளமான STR ரசிகர்கள் கலந்து கொண்டனர். திரையரங்கின் வெளியே அரசன் போஸ்டர்கள், பேனர்கள், ரசிகர் குழுக்களின் ஆரவாரங்கள் ஆகியவை சூழலை ஒரு விழா போல மாற்றியது. விழாவின் நடுவில் நடிகர் கூல் சுரேஷ், கையில் அரசன் படத்தின் போஸ்டரோடு பச்சை நிற உடையில் நுழைந்தார். அவரது ஆடையின் மீது “வெந்து தணிந்தது காடு (டேஷ்) – வணக்கத்தை போடு” என எழுதியிருந்தது. அந்த எழுத்து STR-ஐ நோக்கிய ஒரு ரிபரன்ஸாக ரசிகர்கள் எடுத்துக் கொண்டனர்.
கூல் சுரேஷ், வழக்கம்போல் கூச்சலிட்டு, “வணக்கம் STR-க்கு! அரசன் படம் பிளாக்பஸ்டர் ஆகணும்” எனக் கத்தி மேடையை தெறிக்க விட்டார். மேலும் நிகழ்ச்சி தொடரும் போதே, “படத்தை புரமோட் செய்வது” என்ற பெயரில் கூல் சுரேஷ் திடீரென தனது ஆடைகளை கழற்றத் தொடங்கினார்.

முதலில் அவர் பச்சை நிற சட்டையை கழற்றி விட்டு, உள்ளே இருந்த கருப்பு நிற டி-ஷர்ட்டையும் அகற்ற முயன்றார். அவரைச் சுற்றியிருந்த சிலர் சிரிப்புடன் “பேண்டையும் கழட்டுங்க ” என கத்தினர். அந்த கூச்சலால் பரபரப்பு ஏற்பட்டு, கூல் சுரேஷ் பேன்ட்டையும் கழற்ற முயன்றதாக கூறப்படுகிறது. அந்த நேரத்தில் அருகில் இருந்த ஒருவர் உடனே தடுத்து நிறுத்தியதால், நிலைமை மேலும் மோசமடையாமல் தவிர்க்கப்பட்டது. அந்த காட்சியை நேரில் கண்ட ரசிகர்கள் மற்றும் குடும்பங்கள் அதிர்ச்சி அடைந்தனர். பலர் அவரது செயலை கண்டு முகம் சுளித்து வெளியேறினர். சிலர் வீடியோ எடுத்து சமூக வலைதளங்களில் பகிர்ந்ததால், அந்த சம்பவம் சில மணி நேரங்களுக்குள் வைரலாகியது. பலரும் “விளம்பரத்திற்காக எல்லையைக் கடக்கக் கூடாது” என கருத்து தெரிவித்துள்ளனர்.

இதையும் படிங்க: என்னை சுற்றியிருப்பவர்களின் மகிழ்ச்சியில் தான் தீபாவளியே..! இணையத்தில் வைரலாகும் மதுரை முத்துவின் செயல்..!

சம்பவத்துக்குப் பிறகு பேசிய கூல் சுரேஷ், “என் நோக்கம் STR-க்கும், அரசன் படத்திற்கும் ஆதரவாக ஒரு ஹைப் கிரியேட் பண்ணணும் என்பது தான். எந்த தவறான நோக்கமும் இல்லை. ரசிகர்களுக்காகவே கொஞ்சம் ஓவராக போச்சு” என்றார். என்றாலும், ரசிகர்கள் பெரும்பாலோர் அவரது விளக்கத்தை ஏற்க மறுத்து, “பிரபலங்களுக்கு சமூக பொறுப்பு இருக்கிறது” என வலியுறுத்தினர். சமூக வலைதளங்களில் இந்த சம்பவம் பெரும் விவாதமாக மாறியது.
இந்த சம்பவம் சர்ச்சையை ஏற்படுத்தியிருந்தாலும், “அரசன்” ப்ரோமோவுக்கு ரசிகர்களிடையே மிகுந்த வரவேற்பு கிடைத்துள்ளது. குறிப்பாக வெற்றி மாறனின் கதை சொல்லும் பாணி மற்றும் STR-ன் தீவிரமான தோற்றம் ரசிகர்களை கவர்ந்துள்ளது. பலரும் “வெந்து தணிந்தது காடு”க்குப் பிறகு STR-ன் மறுபிறப்பு இதுவாக இருக்கும் என எதிர்பார்க்கின்றனர். திரையுலகில் விளம்பர நடவடிக்கைகள் அதிகரித்து வரும் நிலையில், சிலர் அதைச் சூழ்நிலைதான் என்று நியாயப்படுத்துகின்றனர்.

ஆனால் கூல் சுரேஷின் செயல் “அளவுக்கு மீறிய விளம்பர நாடகம்” என பெரும்பாலோர் விமர்சித்துள்ளனர். சமூக வலைதளங்களில் பலரும், “அவரின் ஆர்வம் புரிகிறது, ஆனால் பொது இடத்தில் அத்தகைய நடத்தை ஏற்றுக்கொள்ள முடியாது” எனக் கூறியுள்ளனர். இந்த சம்பவத்தின் இறுதியில், கூல் சுரேஷ் அருகில் இருந்த ஒரு சிறுவனைத் தூக்கி “எஸ்.டி.ஆர். சொல்லு!” என கத்தி அழைத்தார். அந்தச் சிறுவன் பயத்துடன் மவுனமாக இருந்தபோதும், சுரேஷ் வலுக்கட்டாயமாக STR எனச் சொல்லச் சொன்னது அங்கிருந்தவர்களை அசௌகரியத்தில் ஆழ்த்தியது. இந்தக் காட்சி பலருக்கு மனஅமைதி குலைந்ததாக சமூக வலைதளங்களில் பதிவுகள் வெளியாகியுள்ளன. பல திரைப்பட விமர்சகர்கள் மற்றும் தயாரிப்பாளர்கள் இதனை எதிர்மறையாக விமர்சித்துள்ளனர். இந்த சம்பவத்துக்குப் பிறகு கூல் சுரேஷ் மீது நகைச்சுவை மீம்ஸ்களும், விமர்சனங்களும் மழையாக பெய்தன. சிலர் அவரை “விளம்பர வெறியர்”, சிலர் “STR-ன் தீவிர ஆதரவாளர்” என அழைத்தனர்.

அரசன் படக்குழுவினர் இதுகுறித்து அமைதியாகவே இருந்தனர். ஆனால் படத்தின் சில தொழில்நுட்பக் கலைஞர்கள் தனிப்பட்ட முறையில்,  “எங்கள் படத்துக்கு அன்பு காட்டுவது நல்லது, ஆனால் இப்படி சர்ச்சை உருவாக்குவது தேவையில்லை.” என்றனர். சம்பவம் பெரிய அளவில் பரவியதால், வடபழனி போலீஸ் நிலையம் சம்பவத்தை குறித்து விசாரணை நடத்தியதாக செய்திகள் வெளியாகியுள்ளன. இது குறித்து அதிகாரப்பூர்வ உறுதிப்படுத்தல் எதுவும் இல்லை என்றாலும், அடுத்தமுறை இப்படியான நிகழ்வுகள் நடந்தால் கடுமையான நடவடிக்கை எடுக்கப்படும் என எச்சரிக்கை விடுக்கப்பட்டதாக தகவல். ஆகவே “அரசன்” திரைப்பட ப்ரோமோ ரசிகர்களிடையே பெரும் உற்சாகத்தையும், அதே சமயம் கூல் சுரேஷின் செயலால் சர்ச்சையையும் உருவாக்கியுள்ளது.

ஒரு பக்கம் ரசிகர்களின் ஆர்வம், மற்றொரு பக்கம் பொது மரியாதையின் வரம்பு என இந்த இரண்டிற்கும் இடையே சமநிலை தேவைப்படுகிறது. கூல் சுரேஷின் நிகழ்வை பலரும் ஒரு எச்சரிக்கையாகக் கருதுகின்றனர். “விளம்பரம் அவசியம்; ஆனால் மரியாதை அவசியமானது” என. அரசன் ப்ரோமோவின் வெற்றி, STR ரசிகர்களுக்கு ஒரு திருநாளாக இருந்தாலும், அதே நிகழ்வில் நடந்த அசிங்கம் அந்த மகிழ்ச்சிக்கு ஒரு கருப்புக்கலங்காக மாறியிருக்கிறது. 

இதையும் படிங்க: 'பைசன்' படத்தை பார்த்த துணை முதல்வர் உதயநிதி ஸ்டாலின்..! திடீரென சொன்ன அந்த வார்த்தை.. ஷாக்கில் ரசிகர்கள்..!