அனைத்து இளசுகளின் ஆழ் மனதிலும் காதலர்களுக்கு கஷ்டம் என்றால் உதவி செய்ய வேண்டும் என்ற அழகான எண்ணத்தை மனதில் விதைத்த படம் தான் நடிகர் சசிகுமார் நடிப்பில் வெளியான "நாடோடிகள்". 

இந்த படத்தின் மூலமாக பட்டி தொட்டி எங்கும் இவரது புகழ் பரவ ஆரம்பித்தது. இதனை அடுத்து இவர்  2008ம் ஆண்டு  "கண்கள் இரண்டால் உன் கண்கள் இரண்டால்" என்ற பாடலால் ஃபேமஸ் ஆன "சுப்ரமணியபுரம்" என்ற படத்தில்  நடிகர் ஜெய்யுடன் இணைந்து நடித்து இருப்பார். இந்த படமும் இன்றளவும் ரசிகர்களால் பாராட்டை பெற்ற படம் தான். இதனை அடுத்து பல போராட்டங்களின் மத்தியில் இதுவரை, ஈசன், போராளி, கோ, மெரினா ஆகிய படங்கள் அவருக்கு தோல்வியை கொடுத்தாலும் அதற்கு பின்பாக வந்த சுந்தர பாண்டியன், குட்டிப் புலி, பிரம்மன், தாரை தப்பட்டை, பலே வெள்ளையத் தேவா, கிடாரி, வெற்றிவேல், கொடிவீரன், அசுரவதம், அடுத்த சாட்டை, எனை நோக்கி பாயும் தோட்டா, கென்னடி கிளப், பேட்ட, நாடோடிகள் 2, உடன்பிறப்பே, முந்தானை முடிச்சு, எம் ஜி ஆர் மகன், ராஜ வம்சம், கொம்பு வச்ச சிங்கம்டா, காரி, நான் மிருகமாய் மாற, அயோத்தி, நா நா, நந்தன், கருடன் உள்ளிட்ட பல ஹிட் படங்களில் நடித்துள்ளார். 

இதையும் படிங்க: உலக அளவில் டாப் 10 இடத்தை பிடித்த "டூரிஸ்ட் ஃபேமிலி"..! வியப்பில் சினிமா பிரபலங்கள்..!

இப்படி இருக்க, சமீபத்தில் நடிகர் சசிகுமார் நடிப்பில் வெளியான படம் தான் டூரிஸ்ட் ஃபேமிலி, இலங்கையில் இருந்து தமிழகத்தை தேடி வரும் ஈழத்தமிழர்களின் வாழ்க்கை முறையை சொல்லும் சிறந்த படமாக இருப்பது தான் டூரிஸ்ட் ஃபேமிலி படம். இந்த படத்தை 24 வயதே ஆன இளம் இயக்குநர் அபிஷன் ஜீவிந்த் தனது முழு திறமையையும் இப்படத்தில் காண்பித்துள்ளார். இலங்கை தமிழர்களின் வாழ்க்கையை நகைச்சுவையாக எடுத்து மக்கள் மத்தியில் கொண்டு சென்ற அவருக்கு இலங்கை தமிழ் மக்களும் தங்களது வாழ்த்துக்களையும் நன்றியையும் தெறிவித்து வருகின்றனர். அவர்களை தொடர்ந்து தமிழ் மக்களும் பார்த்து விட்டு தங்களது பாராட்டுகளை தெரிவித்து வருகின்றனர். அதுமட்டுமல்லாமல் இப்படத்தில் சசிகுமார் மற்றும் சிம்ரனின் நடிப்பு பலரது பாராட்டையும் பெற்றுள்ளது. மேலும் இப்படத்தில் முரளி என்ற கேரக்டரில் வரும் கமகேஷுக்கு மக்கள் மத்தியில் நல்ல வரவேற்பு கிடைத்துள்ளது.  

இந்த நிலையில், டூரிஸ்ட் ஃபேமிலி படம் உருவானதற்கு முன்பே இயக்குநர் சத்ய சிவா இயக்கத்தில் சசிகுமார் முக்கிய கதாப்பாத்திரத்திலும், லிஜிமோல் ஜோஸ், போஸ் வெங்கட் , ரமேஷ் கண்ணா உள்ளிட்ட பலரும் துணை கதாபாத்திரத்தில் நடித்துள்ள திரைப்படம் தான் "ஃப்ரீடம்". வருகின்ற ஜூலை 10ம் தேதி வெளியாகவுள்ள இப்படம், 1980 கால கட்டங்களில் இலங்கையில் இருந்து தமிழ்நாட்டிற்கு கடல் வழியாக தப்பித்து அகதிகளாக குடியேறிய இலங்கைத் தமிழர்கள் குறித்த படமாகவும் படுகொலை செய்யப்பட்ட முன்னாள் இந்தியப் பிரதமர் ராஜீவ் காந்தி குறித்தும் இந்த படத்தில் காட்சிகள் அமைக்கப்பட்டு இருகிறபடியால் ரசிகர்கள் மத்தியில் எதிர்பார்ப்பை தூண்டியுள்ளது இப்படம்.

இந்த சூழலில், சமீபத்தில் நடைபெற்ற இப்படத்தின் ப்ரமோஷன் நிகழ்ச்சியில் பேசிய நடிகர் சசிகுமார், " நான் நடித்துள்ள இந்த ப்ரீடம் படத்தின் ட்ரெய்லரை பார்த்து பலரும், அடுத்தடுத்து இலங்கை தமிழர்களின் கதையிலேயே நடிக்கிறீர்களே, நீங்கள் இலங்கை தமிழருக்கு ஆதரவானவரா...? என்று கேட்கிறார்கள். எனக்கு இலங்கை... இந்தியா... என இல்லை, மொத்தமாகவே நான் தமிழர்களுக்கு ஆதரவானவன். என் நடிப்பில் வெளியான 'டூரிஸ்ட் ஃபேமிலி' படத்திற்கு முன்பாகவே நான் இந்த படத்தில் நடிக்க ஆரம்பித்து விட்டேன். சிலபல காரணங்களால் படத்தின் வேளைகளில் தொய்வு ஏற்பட்டு தாமதமாக வெளியாகிறது அவ்வளவு தான். இந்த படம் நீங்கள் நினைப்பதை போல், இலங்கை தமிழர்களின் கதை என்றாலும் இது நீங்கள் நினைக்காததை விட வேறு விதமாக இருக்கும். 

குறிப்பாக ஜெயிலில் சிக்கி தவித்து விடுதலை கிடைக்காமல் கைதிகள் சிலர் தப்பிப்பதற்காக நடத்தும் போராட்டமாக இப்படம் உருவாகியுள்ளது. ஆதலால் "டூரிஸ்ட் பேமிலி" படத்தைப் பார்த்துவிட்டு அதேபோல் தான் இந்த படமும் இருக்குமோ என நினைத்து கொண்டு வரவேண்டாம். மேலும் இயக்குனர்களுக்கு ஒன்றை சொல்ல கடமைப்பட்டு இருக்கிறேன்.. தயவு செய்து நீங்க தயாரிக்கும் படம் வெளியாவதற்கு முன்பே உங்களுடைய கதை இப்படிப்பட்ட ஜானர் தான் என்று தயவு செய்து மக்களிடம் சொல்லிவிடுங்கள்.

இல்லையென்றால் அவர்களாகவே  படத்தைப் பற்றி ஒன்று நினைத்துக் கொண்டு படம் பார்க்க வந்து பின்பு ஏமாற்றம் அடைந்து செல்வர். அதுவே படத்தின் வெற்றியையும் பாதித்துவிடும்" என்று பேசினார்.

இதையும் படிங்க: பாத்து அழுதுற போறீங்க..."ஃபிரீடம்" கதையல்ல நிஜம்..வந்து பாருங்க..! நடிகர் சசிகுமார் பேச்சு..!