கர்நாடகாவில் கன்னட நடிகை ரன்யா ராவிடமிருந்து 14 கிலோ தங்கம் மீட்கப்பட்ட வழக்கின் பரபபரப்பு அடங்குவதற்குள் அடுத்து நாடே பற்றி எரியும் வகையில் 100 கிலோ தங்கம் பறிமுதல் செய்யப்பட்டுள்ளது. 

குஜராத் மாநிலம், அகமதாபாத்தில் ஒரு தரகரிடம் இருந்து சுமார் 100 கிலோ தங்கம் பறிமுதல் செய்யப்பட்டுள்ளது. மார்க்கெட் நிலவரப்படி இந்த தங்கத்தின் விலை சுமார் ரூ.83 கோடி என மதிப்பிடப்பட்டுள்ளது. இந்த தங்கம் குஜராத் ஏடிஎஸ் மற்றும் டிஆர்ஐ குழுவினரால் அகமதாபாத்தின் பால்டி பகுதியில் கூட்டு நடவடிக்கையில் மீட்கப்பட்டது. இந்த தங்கத்தை டி.ஆர்.ஐ பறிமுதல் செய்துள்ளது. சமீபத்திய ஆண்டுகளில் குஜராத்தில் இவ்வளவு பெரிய தனியார் தங்கம் பறிமுதல் செய்யப்படவில்லை.

 
குஜராத் காவல்துறை பயங்கரவாத எதிர்ப்புப் படைமற்றும் வருவாய் புலனாய்வு இயக்குநரகத்தின் ரகசிய தகவலின் பேரில் இந்த நடவடிக்கையை எடுக்கப்பட்டுள்ளது. இந்தக் குழுவினர் இந்தப் பெட்டியைத் திறந்தபோது, ​​அவர்களே திகைத்துப் போனார்கள். அதிக அளவு தங்கம் கண்டுபிடிக்கப்பட்ட பிறகு, அது கேமரா கண்காணிப்பின் கீழ் பறிமுதல் செய்யப்பட்டது. பால்டியில் வசிக்கும் தரகரின் வீட்டிற்கு இவ்வளவு பெரிய அளவிலான தங்கம் எப்படி வந்தது என்று குஜராத் காவல்துறை பயங்கரவாத எதிர்ப்புப் படைமற்றும் வருவாய் புலனாய்வு இயக்குநரகம் விசாரித்து வருகிறது.

குஜராத் பயங்கரவாத எதிர்ப்புப் படை அதிகாரிகள், தரகரிடம் இருந்து இவ்வளவு பெரிய அளவிலான தங்கம் மீட்கப்பட்டதன் பின்னணி என்ன என்பது குறித்து விசாரணை மேற்கொண்டு வருகின்றனர். சோதனையின் போது கண்டுபிடிக்கப்பட்ட பிற விஷயங்களின் அடிப்படையில், தரகருக்கு இவ்வளவு தங்கம் எங்கிருந்து, எப்படி கிடைத்தது என்பது குறித்த தகவல்கள் சேகரிக்கப்பட்டு வருவதாக வட்டாரங்கள் தெரிவிக்கின்றன.

இதையும் படிங்க: ஒன்று சேர்ந்து தேர்தலை சந்தித்தால் மட்டுமே அதிமுக ஆட்சி.. இபிஎஸ்ஸை விரட்டும் ஓபிஎஸ்..!!

இந்த மாத தொடக்கத்தில், பெங்களூரு விமான நிலையத்தில் கன்னட திரைப்பட நடிகை ரன்யா ராவிடமிருந்து 14 கிலோ தங்கம் மீட்கப்பட்டது. இந்த மாத தொடக்கத்தில், மும்பை விமான நிலையத்தில் சுமார் 35 கிலோ தங்கம் பறிமுதல் செய்யப்பட்டது. ஆனால், குஜராத் மாநிலம் அகமதாபாத்தில் பிடிபட்ட தங்கத்தின் அளவு மிக அதிகம். இந்த விவகாரம் குறித்து நாளை பயங்கரவாத எதிர்ப்புப் படை அதிகாரிகள் தகவல் வெளியிடக்கூடும் என எதிர்பார்க்கப்படுகிறது. 

இதையும் படிங்க: தினமும் காதல் கணவன் டார்ச்சர்... கொலையில் முடிந்த மனைவியின் தற்கொலை!!