நேற்றைய நிலவரப்படி, 22 காரட் ஆபரண தங்கம் ஒரு கிராம் 8,805 ரூபாய்க்கும், சவரனுக்கு 70,440 ரூபாய்க்கும் விற்பனையானது. 

தங்கம் விலை நிலவரம் (15/05/2025): 

இன்றைய நிலவரப்படி, (வியாழக்கிழமை) 22 காரட் ஆபரண தங்கத்தின் விலை கிராமிற்கு 195 ரூபாய் குறைந்து 8 ஆயிரத்து 610  ரூபாய்க்கும், சவரனுக்கு 1,560 ரூபாய் குறைந்து 68 ஆயிரத்து 880 ரூபாய்க்கும் விற்பனையாகி வருகிறது. நீண்ட நாட்களுக்குப் பிறகு ஒரு சவரன் தங்கம் விலை ரூ.70 ஆயிரத்திற்கு கீழ் குறைந்துள்ளது நகைப்பிரியர்களிடையே மகிழ்ச்சியை ஏற்படுத்தியுள்ளது. 

இதையும் படிங்க: ஏறிய வேகத்தில் சரசரவென இறங்கிய தங்கம் விலை; ஒரே நாளில் சவரனுக்கு இவ்வளவு குறைவா? 

இன்றைய வர்த்தகத்தின் போது 24 காரட் சுத்த தங்கத்தின் விலை கிராமிற்கு 213 ரூபாய் குறைந்து 9 ஆயிரத்து 393 ரூபாய்க்கும், சவரனுக்கு 1,704 ரூபாய் குறைந்து 75 ஆயிரத்து 144 ரூபாய்க்கும் விற்பனையாகி வருகிறது. 

வெள்ளி விலை நிலவரம்:

தங்கம் விலை குறைந்தது போல் வெள்ளி விலையும் குறைந்துள்ளது. வெள்ளி கிராமிற்கு 1 ரூபாய் குறைந்து 108 ரூபாய்க்கும், கிலோவிற்கு ஆயிரம் ரூபாய் குறைந்து ஒரு லட்சத்து 8 ஆயிரம் ரூபாய்க்கும் விற்பனையாகிறது. 

சரிவுக்கான காரணம் என்ன?

அமெரிக்க டாலரின் மதிப்பு மீண்டும் உயர்ந்ததாலும், அமெரிக்க பங்குச் சந்தையில் ஏற்பட்ட ஏற்றத்தாலும் தங்கத்தின் விலைகள் வரலாறு காணாத உச்சத்திலிருந்து பின்வாங்கியுள்ளது.   

இதையும் படிங்க: சரசரவென உயரும் தங்கம் விலை.... இன்று மட்டும் சவரனுக்கு இவ்வளவு உயர்வா?